Փաստ ինֆո

Doctors.am-ը ներկայացնում է ապագա մայրիկներին սպասվող 5 փոփոխությունները:

Սննդակարգի փոփոխություններ

Հղի կինը սննդին բոլորովին այլ կերպ է վերբերվում, և սկզբում հնարավոր չէ հասկանալ` ինչպես նրա վիճակը կանդրադառնա ախորժակին և գաստրոնոմիկ նախասիրություններին: Ոմանք սկսում են պարզապես ուտել ձեռքի տակ ընկած ամեն բան, մյուսները նույնիսկ սառնարանը չեն բացում, քանի որ սովի զգացում չունեն, կամ տառապում են ստամոքսի հետ կապված խնդիրներից:  Ցանկությունները փոխվում են հաճախ ու կտրուկ: Գիտնականները նաև նկատել են, որ ապագա մայրիկի սննդային նախասիրությունները կապված են կոնկրետ երկրում ձևավորված սովորույթների հետ: Այսպես՝ ԱՊՀ երկրների կանայք հղիության ընթացքում հաճույքով աղի  սննդամթերք են ուտում, ֆրանսուհիներն ու եվրոպական այլ երկրների կանայք՝ քաղցր և ճարպոտ:

Մազակալում

Հղի կանանց մարմնին,  որովայնի շրջանում, հաճախ փոքր փնջերով մազեր են առաջանում: Հատուկենտ մազեր կարող են առաջանալ նաև արեոլայի շուրջ և դեմքին: Սա հորմոնալ դիսբալանսի արտահայտություն է: Հեռացնել ավելորդ մազերը կարելի է թույլատրելի միջոցներով՝ ածելի, վոսկ, իսկ ահա դեպիլյատորներից և լազերային էպիլյացիայից ստիպված կլինեք հրաժարվել:

Ինչ վերաբերում է գլխի մազածածկույթին՝ այն հիանալի վիճակում է այնքան ժամանակ քանի դեռ կինը կրծքով կերակրում է: Հետագայում մազածածկույթը ժամանակավորապես նոսրանում է, սա ևս հետծննդաբերական շրջանի առանձնահատկություններից է:

Մաշկային խնդիրներ

Ապագա մայրերի մեծ մասը ստիպված է լինում պայքարել ակնեի, բորբոքման դեմ: Նրանք փաստացի երկրորդ դեռահասություն են ապրում: Սակայն ի տարբերություն դեռահասների, չեն կարող օգտագործել Վիտամին A կամ սալիցիլաթթու:

Լիբիդոյի բարձրացում

Շատերը հղիության ընթացքում զգում են անհագ սեռական ցանկություն և սրա մեղավորը ֆիզիկական փոփոխություններն են: Արյունը ակտիվ հոսում է դեպի սեռական օրգաններ, փոխվում է հորմոնալ ֆոնը, այա ամենը դրական ազդեցութուն է ունենում ինտիմ հարաբերությունների վրա:

Ֆիզիկական ծանրաբեռնվածության անհրաժեշտություն

Ի հակադրություն տարածված կարծիքի, հղիության ընթացքում հարկավոր է սպորտով զբաղվել, իհարկե ավելի թևթև տարբերակով: Վարժությունները կօգնեն նախապատրաստվել ծննդաբերությանը, օրգանիզմին տոնուս կհաղորդեն, դիմադրողականություն կձևավորեն, կօգնեն ծննդաբերությունից հետո ավելի արագ վերականգնվել: Հղիության ընթացքում կինը 10 կգ–ից ավել քաշ է հավաքում և եթե ժամանակ է հատկացրել ֆիզիկական վարժություններին, ապա ավելի հեշտ կտանի այս փոփոխությունները: Ավելին փոքրիկն ավելի հարմարավետ կզգա, քանի որ կկարգավորվի վեգետատիվ նյարդային համակարգի աշխատանքն ու շնչառությունը:

Աղբյուր` Փաստինֆո