Փաստ ինֆո

Եվրոպայի 2016 թվականի առաջնության 2-րդ տուրի շրջանակում կայացավ A խմբի 1-ին հանդիպումը:

«Armsport.am»-ի հաղորդմամբ` Շվեյցարիայի հավաքականը 1:1 հաշվով ավարտեց Ռումինիայի հետ հանդիպումը՝ վաստակած 4 միավորով ժամանակավորապես բարձրանալով 1-ին հորիզոնական:

Հանդիպման մեկնարկում շվեհցարացիներն առավելություն ունեին և ավելի շատ էին գնդակով:

Ամեն դեպքում, առաջինը գոլ խփեցին Ռումինիայի ընտրանու ֆուտբոլիստները: Հանդիպման 18-րդ րոպեին 1 մետրանոցից դիպուկ հարված կատարեց Բոգդան Ստանկուն: Հատկանշական է, որ Ստանկուն 11 մետրանոցը դիպուկ էր իրացրել նաև Եվրոյի բացման խաղում՝ գրավելով Ֆրանսիայի հավաքականի դարպասը: Այսպիսով, 28-ամյա ֆուտբոլիստը դառնում է ընթացիկ առաջնության ռմբարկուական մրցավազքի առաջատարը:

Երկրորդ խաղակեսում Շվեյցարիայի հավաքականի ֆուտբոլիստներն առավելությամբ էին գործում, ինչը տվեց սպասված արդյունքը: Հանդիպման 57-րդ րոպեին հուժկու հարվածով գնդակը դարպասն ուղարկեց Ադմիր Մեհմեդին:

Պատասխան գոլից հետո էլ Պետկովիչի սաներն առավելությամբ էին գործում, սակայն հաղթական գոլը խփել չկարողացան:

Ռումինիայի հավաքականն իր 1-ին միավորն է վաստակում և հաջորդ փուլում պետք է ձգտի հաղթել Ալբանիայի ընտրանուն:

A խմբի հաջորդ խաղում այսօր մրցելու են Ֆրանսիայի և Ալբանիայի ազգային թիմերը: 

Ռումինիա - Շվեյցարիա՝ 1:1

Գոլերը՝ Ստանկու (18, 11մ) - Մեհմեդի (57)

Աղբյուր` Փաստինֆո