Փաստ ինֆո

Տղամարդը, ով լույս երեքշաբքի գիշերը Փարիզի մոտ սպանել էր ոստիկանին ու պատանդ վերցրել նրա ընտանիքը, հայտարարել է «Իսլամական պետություն» ահաբեկչական խմբավորմանն իր նվիրվածության մասին: Այս մասին ըստ РИА Новости-ի, հաղորդում է Франс Пресс գործակալությունը:

Քննությանը մոտ կանգնած աղբյուրների տվյալներով՝ մարդասպանը խոստովանել է ԻՊ-ին նվիրվածության մասին ոստիկանության հետ բանակցությունների ընթացքում: Ականատեսները հայտնել են, որ լսել են, թե ինչպես տղամարդը հարձակման ժամանակ գոռում էր. «Ալլահ աքբար» (ամենամեծ Ալլահ):

Բացի այդ, ԱՄՆ-ում տեղակայված SITE մոնիթորինգային խումբը, որն ուսումնասիրում է Ինտերնետում ահաբեկչական խմբերի ակտիվությունը, հղելով իսլամիստների հետ կապված նորությունների Amaq գործակալությանը, հայտնել է, որ «ԻՊ գրոհայինը սպանել է Լե Մյուրո քաղաքի ոստիկանության պետի տեղակալին ու նրա կնոջը»:

BFMTV հեռուստաալիքը հաղորդում է, որ հանցագործը 25-ամյա Լարոսսի Աբբալան է: Նա 2013թ. դատապարտվել է ահաբեկչական խմբի գործունեությանը մասնակցելու համար: Ֆրանսիայի կառավարությունում, իրենց հերթին, ոստիկանության աշխատակցի ու նրա կնոջ սպանությունը որակել են որպես ահաբեկչական ակտ:

Ավելի վաղ հայտնի է դարձել, որ տղամարդը հարձակվել է իր հարևան ոստիկանի վրա և սպանել է նրան՝ դանակով նրա որովայնին մի քանի հարված հասցնելով: Դրանից հետո նա պատանդ է վերցրել զոհվածի կնոջն ու երեխային:

Չարագործը սպանվել է ոստիկանության հատուկ նշանակության ստորաբաժանման գործողության ընթացքում: Դեպքի վայրում գտել են ոստիկանի կնոջ անկենդան մարմինը: Նրանց ընդհանուր երեխան՝ երեքամյա տղան, ողջ ու անվնաս է: Զոհված կնոջ անունը չի հայտնվում, սակայն հայտնի է, որ նրան Օլանդի աշխատակազմում ճանաչել են որպես Ներքին գործերի նախարարության աշխատակցի:

Աղբյուր` Փաստինֆո