Փաստ ինֆո

Հարկային օրենսգրքի հիմնական նպատակն առկա սոցիալական խնդիրների կարգավորումն է: Ազգային ժողովում լրագրողների հետ զրույցում այս մասին ասաց Պետական եկամուտների կոմիտեի նախագահի տեղակալ Վախթանգ Միրումյանը: Նա չհամաձայնեց ԱԺ անկախ պատգամավոր Էդմոն Մարուքյանի հետ, թե հարկային օրենսգրքի ներկայացված նախագծի ընդունումը երկրում սոցիալական լարվածություն է առաջացնելու» :Մեր նպատակը սոցիալական լարվածություն թույլ տալը չէ: Մենք հստակ շարադրում ենք հարկային օրենսգրքի հիմքում դրված նպատակները և ասում ենք, եթե խնդիրներ եք տեսնում, եկեք քննարկենք այդ խնդիրները: Այսինքն, մենք ի սկզբանե հակված չենք սոցիալական
լարվածություն ստեղծել, ընդհակառակը՝ մեր հիմնական խնդիրը սոցիալական խնդիրները կանոնակարգելն է»,-«Արմենպրես»-ի հաղորդմամբ՝ նշեց Միրումյանը:

Հարցին՝ ընդունվելո՞ւ են պատգամավորների քննադատությունները և դրանց հիման վրա հարկային օրենսգրքի նախագծում փոփոխություններ արվելո՞ւ են, Միրումյանը պատախսանեց. «Բոլոր այն քննադատությունները, որոնք առողջ են, մենք կդարձնենք քննարկման առարկա: Եթե մենք աշխատանքային քննարկուﬓերի արդյունքում տեսնենք, որ իրապես կան խնդիրներ, բնականաբար, կընդունվեն: Եթե մեր պատգամավորները կներկայացնեն առաջարկությունների ցանկ, մենք կքննարկենք նրանց հետ: Օրինակ, պատգամավոր Հրանտ Բագրատյանը ներկայացրել է առաջարկությունների ցանկ՝ բաղկացած 120 առաջարկներից: Բնականաբար, մենք այդ 120 առաջարկները կետ առ կետ կքննարկենք պատգամավորի հետ և կփորձենք մեկս մյուսին ապացուցել, համոզել, հասկանալ՝ ով է ճիշտ, ով՝ սխալ»:

Վախթանգ Միրումյանը համաձայն չէ որոշ պատգամավորների տեսակետի հետ, թե հարկային օրենսգրքի նախագիծը վատն է: Նրա խոսքով՝ օրենսգրքով առաջարկվող շուրջ 1300 կարգավորուﬓերից միայն երեքի շուրջ են պատգամավորները լուրջ մտահոգություններ ներկայացրել, իսկ դա չի նշանակում, որ նախագիծը վատն է:

«Այո, մտահոգությունը մենք էլ ենք կիսում, բայց հիմա ﬔնք պետք է հասկանանք, թե ինչպես ենք փարատում այդ մտահոգությունը և ինչպես ենք վերաբաշխումներ կատարում»,- ընդգծեց նա:

Աղբյուր` Փաստինֆո