Փաստ ինֆո

Եվրոպայի առաջնության D խմբի առաջին տուրում Թուլուզ քաղաքում հանդիպել էին Իսպանիայի ու Չեխիայի հավաքականները: Խաղն ավարտվեց Իսպանիայի 1:0 հաշվով հաղթանակով:

«Armsport.am»-ի հաղորդմամբ` չնայած նրան, որ «ֆուրիա ռոխան» ամբողջ հանդիպման ընթացքում ահռելի առավելություն ուներ, միայն խաղավարջում կարողացավ հաղթանակ կորզել: 87-րդ րոպեին Անդրես Ինյեստայի հաշվենկատ փոխանցումից հետո Ժերար Պիկեն մոտ տարածությունից գլխի հարվածով  գրավեց դարպասը:

Առաջին կեսում Վիսենտե դել Բոսկեի սաները մի քանի վտանգավոր պահեր ստեղծեցին, սակայն ամեն անգամ դարպասապահ Պետր Չեխը փրկում էր իր թիմին: Հատկապես տպավորիչ էր փորձառու դարպասապահի սեյվը Մորատայի` մոտ տարածությունից կատարած հարվածից հետո:

Երկրորդ կեսը չեխերն ակտիվ սկսեցին, սակայն խաղավարտի մոտ սկսեցին նկատելիորեն հետ քաշված գործել, որի արդյունքում նրանց դարպասի մոտ վտանգավոր պահերը սկեցին հաջորդել մեկը մյուսին: Կարող էին աչքի ընկնել Ժորդի Ալբան ու Տյագո Ալկանտարան:

Նշենք, որ թիմերը խաղը սկսեցին հետևյալ մեկնարկային կազմերով.

Իսպանիա. Դավիդ դե Խեա, Ժերար Պիկե, Սերխիո Ռամոս, Ժորդի Ալբա, Խուանֆրան, Սերխիո Բուսկետս, Անդրես Ինյեստա, Սեսկ Ֆաբրեգաս, Դավիդ Սիլվա, Նոլիտո, Ալվարո Մորատա.

Չեխիա. Պետր Չեխ, Պավել Կադերաբեկ, Թեոդոր Սելասիե, Ռոման Հուբնիկ, Տոմաշ Սիվոկ, Դավիդ Լիմբերսկի, Տոմաշ Նեցիդ, Յարոսլավ Պլաշիլ, Լադիսլավ Կրեյչի, Տոմաշ Ռոսիցկի, Վլադիմիր Դարիդա.

Այս հաղթանակից հետո Իսպանիան 3 միավորով հավասարվեց Խորվաթիային, որը երեկ 1:0 հաշվով հաղթել էր Թուրքիայի ընտրանուն: 

Աղբյուր` Փաստինֆո