Փաստ ինֆո

2015 թվականի ընթացքում ՀՀ դատարանների կողմից քննչական սխալներով պայմանավորված կայացվել է 122 արդարացման դատական ակտ,  արդարացվել է 157 անձ, որից 110-ը՝ լրիվ, 47-ը՝ մասնակի:

Քննչական կոմիտեն ամփոփել է արդարացման դատավճիռները՝ համադրելով  նաև 2014թ. վիճակագրական տվյալները։ 2014 թ. ՀՀ դատարանների կողմից կայացված արդարացման դատական ակտերը 2015 թ. համեմատությամբ քիչ են եղել։ 2014թ. կայացվել է 97 արդարացման դատական ակտ,  արդարացվել է 125 անձ, որից 71-ը՝ լրիվ, 54-ը՝ մասնակի:

Ստացվում է, որ 2015թ. ընթացքում 2014 թվականի համեմատությամբ արդարացման դատական ակտերի թիվն աճել է 25-ով կամ 25,6 %-ով:

2015թ. ընթացքում ՀՀ դատարանների կողմից կայացված արդարացման 122 դատական ակտերից 109-ը կայացվել են Քննչական կոմիտեում քննված քրեական գործերով,  որը կազմում է  2015թ.-ի ընթացքում ՔԿ-ի վարույթում եղած 21.955 քրեական գործերի 0.49 %-ը, դատարան ուղարկված  3.165  քրեական գործերի  3.41%-ը : 6 արդարացում եղել է՝ ՀՀ հատուկ քննչական ծառայության, 5-ը՝ ՀՀ ֆինանսների նախարարության քննչական վարչության, 1-ը՝ ՀՀ ազգային անվտանգության ծառայության քննչական վարչության վարույթում քննված քրեական գործերով:

2015թ. ընթացքում Կոմիտեի վարույթում նախաքննությունն ավարտված  քրեական գործերով կայացված 109 դատական ակտերով արդարացվել է 130 անձ, որից 92-ը՝ լրիվ, 38-ը՝ մասնակի: Նշված արդարացման դատական ակտերից  3-ը եղել է  Քննչական կոմիտեի ՀԿԳ քննության գլխավոր վարչության, 10-ը՝ զինվորական քննչական գլխավոր վարչության, 58-ը՝ Երևան քաղաքի քննչական վարչության, 38-ը՝ մարզային քննչական վարչությունների վարույթում քննված քրեական գործերով:

Առավել շատ արդարացման դատական ակտեր են կայացվել Կոմիտեի Կենտրոն և Նորք-Մարաշ վարչական շրջանների քննչական բաժնի վարույթում նախաքննությունն ավարտված քրեական գործերով՝ 18, որին հաջորդում են Ավան և Նոր Նորք վարչական շրջանների քննչական բաժինը՝ 10, Շենգավիթ վարչական շրջանի քննչական բաժինը՝ 9, Աջափնյակ և Դավթաշեն վարչական շրջանների քննչական բաժինը, Կոտայքի մարզային քննչական վարչությունը՝ 8-ական, Արագածոտնի և Լոռու մարզային քննչական վարչությունները՝ 6-ական, Արմավիրի մարզային քննչական վարչությունը՝ 5, Տավուշի մարզային քննչական վարչությունը և Երևան քաղաքի քննչական վարչությունը՝ 4-ական, հատկապես կարևոր գործերի քննության գլխավոր վարչությունը, Արարատի, Գեղարքունիքի մարզային քննչական վարչությունները, Մալաթիա-Սեբաստիա վարչական շրջանի քննչական բաժինը, 4-րդ կայազորային քննչական բաժինը՝ 3-ական, Շիրակի մարզային քննչական վարչությունը, Արաբկիր վարչական շրջանի քննչական բաժինը, Քանաքեռ-Զեյթուն վարչական շրջանի քննչական բաժինը, Էրեբունի և Նուբարաշեն վարչական շրջանների քննչական բաժինը, 8-րդ կայազորային քննչական բաժինը՝ 2-ական, Վայոց Ձորի մարզային քննչական վարչությունը, Սյունիքի մարզային քննչական վարչությունը, զինվորական քննչական գլխավոր վարչության հատկապես կարևոր գործերի քննության վարչությունը, 5-րդ, 6-րդ, 7-րդ կայազորային քննչական բաժինները՝ 1-ական:

2015թ. ընթացքում Կոմիտեի վարույթում նախաքննությունն ավարտված  քրեական գործերով ընդհանուր իրավասության 1-ին ատյանի դատարանների 89 դատավճիռներ  բողոքարկվել են ՀՀ վերաքննիչ քրեական դատարան, որից  55  դեպքում դատավճիռները թողնվել են օրինական ուժի մեջ, 17 դատավճիռ բեկանվել է, 17-ով վերաքննիչ դատարանում գործի քննությունը շարունակվում է:

ՀՀ վերաքննիչ քրեական դատարանի 30 դատական ակտ բողոքարկվել է ՀՀ վճռաբեկ դատարան, որից  3 գործով ընդհանուր իրավասության առաջին ատյանի դատարանների դատավճիռները և դրանք անփոփոխ թողնելու մասին ՀՀ վերաքննիչ քրեական դատարանի որոշումները բեկանվել են և ամբաստանյալներն արդարացվել են, 15 բողոք թողնվել է առանց քննության կամ մերժվել է վարույթ ընդունելը, 12 գործով դատական ակտ դեռևս չի կայացվել:

Աղբյուր` Փաստինֆո