Փաստ ինֆո

«Փաստինֆո»-ն վերջերս անդրադարձել էր նույն անձնավորության կողմից երիտասարդ կնոջը խաբեության ու բռնաբարության ենթարկելու դեպքին՝ ներկայացնելով տուժող կողմի տեսակետը:

Երիտասարդ կինն  աշխատել է «Գուդվին» ընկերության գրասենյակներից մեկում, որտեղ ծանոթացել է մեկ այլ աշխատակցի հետ, ում հետ համակարգչային ներքին ցանցով ունեցել որոշակի շփումներ: Անձն սկսել է ընդհանուր հետաքրքրություն ներկայացնող հարցերի շուրջ զրուցել կնոջ հետ՝ ընտանիք, երեխաներ, առողջական խնդիրներ, ապա «կամաց-կամաց մտել է այդ աղջկա վստահության մեջ» և ձեւավորել ջերմ հարաբերություններ։ Ըստ կնոջ՝ չարաշահել իրվստահությունը. Անկանխիկ խաղադրույքներ է կատարել, չի վճարել, աղջկան անընդհատ իրենից կախվածության մեջ է պահել, ասելով՝ գումարը կբերեմ, խնդիր չկա, ապա նաեւ՝ բռնաբարել։ Կնոջ հաղորդման հիման վրա հարուցվել է քրեական գործ՝ խարդախության եւ բռնաբարության հատկանիշներով։

Ըստ տուժող կնոջ՝  մի քանի անգամ գումարային հարցերի շուրջ զրուցելու պատրվակով տղամարդն իրեն տարբեր տեղեր է տարել, փորձել բռնաբարել, սակայն կնոջը հաջողվել է հեռանալ: Նույն մտացածին պատրվակով գործընկերը ևս մեկ անգամ հրավիրել է վերջինիս համար անծանոթ վայր և բռնաբարել: Բոլորովին այլ է տղամարդու վարկածը։

Այժմ ներկայացնում ենք հակառակ կողմի տեսակետը, որն էապես տարբերվում է կնոջ վարկածից։

Տուժողին պաշտպանելու փոխարեն հովանավորության ներքո են վերցրել առերևույթ հանցագործություն կատարած անձին. Ինեսսա Պետրոսյան

«Փաստինֆո»-ի զրուցակցի հավաստմամբ՝ բռնաբարություն տեղի չի ունեցել, այլ սեռական հարաբերություն՝ փոխադարձ համաձայնությամբ՝ հյուրանոցում։ 

Ըստ կողմի, դատաբժշկական փորձաքննությամբ էլ կնոջ մարմնի վրա չեն հայտնաբերվել բռնաբարությանը բնորոշ վնասվածքների օբյեկտիվ հատկանիշներ:

Ըստ տղամարդու դիրքորոշման, կնոջ պատմածի մեջ խախտված է նաև վերագրվող արարքների  հաջորդականությունը. վիճարկվող սեռական հարաբերությունը տեղի է ունեցել օգոստոսին, իսկ պայմանական խոշոր խաղադրույքը կատարվել է դեկտեմբերին :

Եթե ինքը բռնաբարել է կնոջը, ինչո՞ւ է վերջինս շարունակել շփվել իր հետ ու թույլ տվել անկանխիկ խաղադրույք կատարել։ 

Իսկ հաջորդ օրը կինն իր ամուսնուն պատմել է տեղի ունեցածի մասին և ամուսնու հորդորով հանցագործության մասին հաղորդում ներկայացրել իրավապահ մարմիններին:

«Փաստինֆո»-ն դիմել է նաեւ քննչական կոմիտեին՝ դեպքի վերաբերյալ պաշտոնական տեղեկություն ստանալու վերաբերյալ։

Աղբյուր` Փաստինֆո