Փաստ ինֆո

Ազգային ժողովը քիչ առաջ 102 «կողմ», 17 «դեմ» և 3 «ձեռնպահ» ձայներով երրորդ ընթերցմամբ և մաբողջությամբ ընդունեց Ընտրական օրենսգրքի և կից մի շարք օրինագծերի փաթեթը:

Երկրորդ ընթերցումից հետո օրենսդրական փաթեթում կատարվել են միայն խմբագրական փոփոխություններ, շտկումներ:

Քվեարկությունից առաջ ՀԱԿ խմբակցության ղեկավար Լևոն Զուրաբյանը հայտարարեց խմբակցության դեմ քվեարկելու որոշման մասին: Նա, մասնավորապես, նշեց այս տեսքով օրինագծին դեմ են քվեարկում՝ ըմբռնումով, որ լայն կոնսենսուսի հասնելու շուրջ պայմանավորվածությունը կյանքի կկոչվի, և դրան հասնելու դեպքում ԸՕ-ում կարվեն համապատասխան փոփոխություններ:

Դեմ քվեարկեցին նաև «Օրինաց երկիր» խմբակցության անդամները, «Ժառանգություն» խմբակցությունից Զարուհի Փոստանջյանը և Թևան Պողոսյանը: ԲՀԿ խմբակցության 3-ական պատգամավորներ դեմ և ձեռնպահ էին:

Նշենք, որ կառավարության առաջարկով նիստի սկզբում ԱԺ-ն ընդունեց արտահերթ նիստի հատուկ ընթացակարգ՝ աշխատել առանց ընդմիջման՝ մինչև օրակարգի սպառումը:

Աղբյուր` Փաստինֆո