Փաստ ինֆո

Կարծիք կա, որ սուրճը, ինչպես և ծխախոտն ու թեյը,  մգեցնում են ատամները, և ատամների էմալը ծածկվում է դեղի փառով: Սակայն վերջերս կատարված հետազոտությունները ցույց են տվել, որ այդ պնդումը ճիշտ չէ: Այս մասին հաղորդում է health.tert.am-ը` հղում կատարելով gogetnews.info-ին:

Որպեսզի կարողանաք պաշտպանել ատամները ոչ բարենպաստ ազդեցությունից, հարկավոր է հետևել  պարզ կանոնների:

Ատամնաբույժները պնդում են, որ սուրճն ու ատամներն առողջ համադրություն են:

Սուրճի օգտագործման դեպքում ատամների էմալը կարող է փոխել իր գույնը միայն այն դեպքում, եթե նրանում առկա են միկրոճաքեր: Այդ դեպքում հարկավոր է  հետևել հիգիենայի պարզ կանոնների:

Մի օգտագործեք քաղցր սուրճ: Դա թույլ կտա պաշտպանել ատամները  բակտերիաների կուտակումից: Քաղցր ըմպելիքները կարող են խթանել ախտածին բակտերիաների կուտակում, որոնց հետևանքով էլ առաջանում է դեղին փառ:

Բոլորին հայտնի է, որ ջերմաստիճանի կտրուկ տատանումները  վատ են անդրադառնում ատամների վրա, սակայն շատ քչեը կհրաժարվեն վայելել սուրճը պաղպաղակի հետ: Եվ արդյունքում տաքի ու սառի համարդրությունից էլ առաջանում են միկրոճաքեր, արդյունքում էլ ատամի էմալի մգեցում:

Վերջերս  իտալացի մասնագետները բարձրաձայնեցին այն մասին, որ սուրճը կանխում է կարիեսի առաջացումը:

Իտալացի գիտնականները երկարատև հետազոտությունների արդյունքում եկել են այն եզրակացության, որ սուրճը ունի մանրէասպան հատկություններ, որոնց շնորհիվ էլ  վնասակար բակտերիաները չեն կուտակվում ատամների մակերեսի վրա:

ԱՄՆ-ում գիտնականները ևս  պարզել են, որ սուրճի մեջ առկա են թթուներ, որոնք թույլ չեն տալիս կարիես առաջացնող  մանրէների կուտակումը: Այս դեպքում խոսքը վերաբերվում է առանց շաքարի, քաղցրավենիքի ու հավելումների սուրճին:

Եվս մեկ հետաքրքիր փաստ, այն մարդիկ, ովքեր կանոնավոր օգտագործում են սուրճ, պաշտպանված են  բերանի խոռոչի ու կոկորդի քաղցկեղածին հիվանդություններից   մոտավորապես 40%-ով:

Աղբյուր` Փաստինֆո