Փաստ ինֆո

«Ժողովուրդ»-ի տեղեկություններով՝ ոստիկանության Գորիսի բաժնի նախկին պետ Գևորգ Ազիզյանի և նրա տեղակալ Մուշեղ Գևորգյանի միջև առերեսում է եղել։

Ըստ թերթի՝ օրեր առաջ հատուկ քննչական ծառայությունում առերեսում է եղել Գորիսի նախկին ոստիկանապետ Գևորգ Ազիզյանի և նրա նախկին տեղակալ Մուշեղ Գևորգյանի միջև։

Ոստիկանապետ Գևորգ Ազիզյանը բաժնում, հաշվի չառնելով որ Արթուր Գևորգյանը իր տեղակալի եղբայրն է, ծեծել և հայհոյել էր նրան։

Եվ ահա, ըստ էության, աշխատանքից ազատված տեղակալը ասել է իրավապահներին, որ իր ներկայությամբ ևս իր եղբորը ծեծել են, ինչի հետ առերեսման ժամանակ, բնականաբար, համաձայն չի եղել ոստիկանապետ Ազիզյանը։ Ասել է, թե ոստիկանապետի և նրա տեղակալի հայտարարությունները հակասել են միմյանց։

«Այսքանով առերեսումների շարքը չի ավարտվում։ Պարզեցինք, որ ծեծի մասնակից Արթուր Գևորգյանի և ոստիկանապետ Գևորգ Ազիզյանի միջև ևս առերեսում է եղել, որի ժամանակ Արթուր Գևորգյանն ասել է. «Ինքը ընկերոջս քաշքշում էր, մեքենայից իջել, գնացել, ասել եմ՝ ապե՛ր, խի ես ընկերոջս քաշքշում, ու միանգամից ֆռացել է, բա դու ով էս, արա՛, ու տփոց։ Ես չեմ ճանաչել ոստիկանապետին, Եթե ճանաչեի, նա ոստիկանապետն է, ուրեմն կհամարեի, որ իմ դիմաց կանգնած է իմ եղբայրը։ Բաժնում հերթապահ մասի մոտ կանգնած մտել է ու սկսել է տփել, քացով-մացով խփել»։ Արթուր Գևորգյանի այս պնդումներին ի պատասխան՝ ոստիկանապետ Գևորգ Ազիզյանն ասել է, թե նման բան չի եղել։

Հավելենք, որ միջադեպի մյուս ականատեսների և մասնակիցների միջև ևս առերեսումներ են եղել, նրանց մի մասն ասում է, թե չի հիշում ինչպես է դեպքը եղել, կամ էլ հավաստիացնում է, որ իրենք ոչինչ չեն տեսել։ Ոստիկանության աշխատակիցները ևս կցկտուր բաներ են հայտնում իրավապահներին, քանի որ Գորիսում լուրեր են շրջանառվոմ Գևորգ Ազիզյանը հետ է վերադառնալու իր պաշտոնին, ինչը, բնականաբար կաշկանդում է աշխատակիցներին իրականությունը պատմելու հարցում:

Մնում է այս պատմության մեջ քննիչները կարողանան ճշմարտությունը տարանջատել՝ չմոռանալով կարևորի մասին, որ կա միջադեպի աղմկալի տեսանյութը, որտեղ ակնհայտ երևում է՝ «ով ում բարեկամն» Է»,–գրում է թերթը։

Հոդվածն ամբողջությամբ կարող եք կարդալ «Ժողովուրդ» օրաթերթի՝ 14.05.16թ. համարում:
 

Աղբյուր` Փաստինֆո