Փաստ ինֆո

Հայաստանում առաջին անգամ անցկացվեց «Անմահ գունդ «հասարակական ակցիան՝ նվիրված Հայրենական մեծ պատերազմում Խորհրդային Միության տարած հաղթանակի 71-րդ տարեդարձին:

Ակցիային մասնակցում էին բազմաթիվ քաղաքացիներ, ՀՀ-ում ՌԴ արտակարգ և լիազոր դեսպան Իվան Վոլինկինը, դեսպանատան աշխատակիցներ: «Անմահ գունդ» ակցիայի մասնակիցները Սարյանի պուրակից երթով շարժվեցին դեպի Մատենադարան, որտեղից ավտոբուսներով շարժվեցին Հաղթանակի զբոսայգի՝ հարգանքի տուրք մատուցելու Հայրենական ﬔծ պատերազﬕ տարիներին զոհվածների հիշատակին: Ակցիայի մասնակիցները տանում էին իրենց պապերի և հայրերի լուսանկարները:

Հայաստանի Կոմունիստական կուսակցության կենտկոﬕ առաջին քարտուղար Տաճատ Սարգսյանն «Արﬔնպրես»-ի հետ զրույցում ընդգծեց, որ ակցիայի նպատակն է հարգանքի տուրք մատուցել նրանց, ովքեր մասնակցել են Հայրենական մեծ պատերազﬕն, ովքեր ջարդել են ֆաշիզմի քիթը:

«Նրանց շարքերում եղել են հայ ժողովրդի 600 հազար զավակներ, որոնց կեսը չի վերադարձել: Հայրենական մեծ պատերազﬕ մասնակից հայերը մեծ փառք ու պատիվ են բերել մեզ: Մենք ունեցել ենք 4 մարշալ, 64 գեներալ, 106 հերոսներ և կրկնակի հերոսներ: Մեզ համար մեծ պատիվ է, որ Բեռլինում հնչեց հայկական քոչարին: Մենք հաղթած ժողովուրդ ենք: Մենք ոչ միայն մասնակցել ենք Հայրենական մեծ պատերազմին, այլ մենք մեր հաﬔստ լուման ենք ունեցել այդ հաղթանակում, և կարող ենք ասել, որ մենք հաղթանակած ժողովուրդ ենք»,- եզրափակեց Տաճատ Սարգսյանը:

ՀՀ-ում ՌԴ արտակարգ և լիազոր դեսպան Իվան Վոլինկինն «Արմենպրես»-ի հետ զրույցում, շնորհավորելով հայ ազգին՝ Հայրենական մեծ պատերազմում տարած հաղթանակի 71-րդ տարեդարձի կապակցությամբ, ուրախությամբ նկատեց, որ «Անմահ գունդ» ակցիային մասնակցում են բազմաթիվ երիտասարդներ: «Ես շատ ուրախ եմ, որ այսօր տեսնում եմ այսքան երիտասարդների, ինչը խոսում է այն մասին, որ ոչ ոք ու ոչինչ չի մոռացվել: Սա խոսում է այն մասին, որ երիտասարդ սերունդն ընդունում է էստաֆետը»,- նշեց դեսպանը:

Երևանի Աջափնյակ վարչական շրջանի ավագ զինղեկ գնդապետ Նիկոլայ Ավանեսյանն ընդգծեց, որ ակցիան նպաստելու է նաև երիտասարդ սերնդի ռազմահայրենասիրական դաստիարակությանը:

«Ռազմահայրենասիրական դաստիարակությունն աﬔն երեխա պետք է իր վրա զգա, դրա համար ես այսօր հավաքել եմ իմ աշակերտներին, որոնց շատ հարգում ու սիրում եմ, նրանցից յուրաքանչյուրը մի մարշալի, մի գեներալի, ծովակալի նկար վերցրած եկել է երթին մասնակցելու :Բոլորը մեծ սիրով եկել են այս ակցիային մասնակցելու -,«ասաց Ավանեսյանը:

Ակցիայի կազմակերպիչներն են Հայաստանի կոմունիստական կուսակցությունը, ՀՀ Պատերազﬕ վետերանների միությունը, Ռուս-հայկական երիտասարդական միությունը, ռուսական մշակույթի «Հարմոնիա» միջազգային կենտրոնը, Հայաստանի խորհրդային սպաների միությունը:

 

Լուսանկարը՝ Armenpress-ի