Փաստ ինֆո

«Հայկական Ժամանակ»-ի տեղեկացմամբ՝  երեկ վաղ առավոտյան ջարդել են Չարենցավանում գտնվող «Վիսլա» ՍՊԸ-ին պատկանող խանութի ապակին և գողացել երեք շիշ օղի։ Այս տեղեկատվությունը առաջին հայացքից հնարավոր չէ ուշագրավ համարել։ Բայց միայն առաջին հայացքից։

Այս գողությունը, ինչպես թերթն է նշում, ունի, մեղմ ասած, հետաքրքիր, նույնիսկ անկրկնեյի նախապատմություն։ Պարզվում է խանութը ունի իր անհատական, անձնական, էքսկլյուզիվ գողը, անունը Ժորա է (անմեղության կանխավարկածից ելնելով նշում ենք միայն անունը)։ Այն հաճախականությունը եւ հետևողականությունը որով գողություն է կատարվում այս խանութից, ուղղակի ապշեցնում է. Գողությունը կատարում է նույն անձը, գողանում է միայն այս խանութից, գողանում Է միշտ նույն ձեւով եւ միշտ գողանում է նույն ապրանքները՝ երկու– երեք շիշ օղի։

Ինչպես պատմել է խանութի սեփականատերը՝ Գևորգ Հակոբյանը, առաջին անգամ իր խանաթից գողությանը կատարվել է դեռ մի 4 տարի առաջ։ Հետո էլի, դրանից հետո էլի... մի խոսքով, 8 անգամ։

«Միշտ ջարդում Է նույն ապակին ու տանում երկու կամ երեք շիշ օղի. մեկ-մեկ Էլ ծխախոտ ու կրակայրիչ։ Գողանում Է այնպես, որ գոզոնի ընդհանուր գումարը 5000 դրամը չանցնի»,– ասում Է Գևորգը։ 5000 դրամը այստեղ առանցքային նշանակության ունի։ Ըստ ՀՀ օրենսդրության այդ սահմանագիծը չանցած գողը կարող Է ազատվել քրեական պատասխանատվությունից եւ ենթարկվել տուգանքի։

 

Գողությունները շարունակվել են, ու եթե չլիներ Գեւորգի համառությունը ու հետևողականությունը, գողին դժվար թե բռնեին։ Բռնեցին, դատեցին ու ազատազրվեցին։ Անցած տարի այդ գողին ազատ են արձակել, եւ մի քանի ամիս առաջ նա կրկին իր անկրկնելի ձեռագրով գողության Է արել նույն խանութից։ Հետո գողության Է արել նաև նախօրեին, ու վերջինը՝ երեկ։ Մի խոսքով, ընդհանուր առմամբ այդ անձը 11 անգամ գողության Է արել իր խանութից։

 

Մի հետաքրքիր «զուգադիպություն». ընդամենը երկու-երեք շիշ օղի գողացող Ժորան մի քանի ամիս առաջ ենթարկվել է վարչական պատասխանատվության՝ 50 հազար դրամ տուգանքի եւ շատ արագ վճարել տուգանքը: Թող ընթերցողը ինքը կռահի, թե 5 հազար դրամի համար գողություն անող Ժորային որտեղի՞ց 50 հազար դրամ, ո՞վ է վճարել նրա փոխարեն և ո՞վ և ի՞նչ նպատակով է նրան մղում գողություն անել հատկապես այս խանաթից, միայն այս խանաթից, «սուգուբը» այս խանութից»,- գրում է թերթը։

Հոդվախն ամբողջությամբ կարող եք կարդալ «Հայկական Ժամանակ» օրաթերթի՝ 07.05.16թ. համարում: