Սենիկ Կարա-Պողոսյան. Համոզված եմ` Մխիթարյանը ծանրութեթև անելուց հետո ճիշտ ընտրություն կկատարի

ԲՈԼՈՐ ՆՅՈՒԹԵՐԸ

Բոլորը

11/22/2024 17:59 «Ֆազ»-ը սպանվել է գլխի շրջանում ստացած հրազենային վնասվածքներից. Մեղադրյալներն են՝ «Չաղ Ռուստամը» և Աշոտ Կուրեղյանը. Հայտնի է ով կքննի 11/22/2024 18:36 Դժբախտ պատահարի հետևանքով մաhաgել է Հայաստանի կարատեի առաջնությունների բազմակի չեմպիոն Մկրտիչ Ղազարյանը 11/21/2024 21:29 Վարորդը մահացել է, ուղևորները տեղափոխվել են հիվանդանոց 11/22/2024 15:19 Հաջիևն ասել է՝ ինչ պայմանով հայերը կարող են վերադառնալ Արցախ 11/21/2024 21:51 Արմավիրի մարզում տեսախցիկն արձանագրել է «BMW»-ի և ջերմաքարշ գնացքի բախումը. քննչական բաժինն ու ոստիկանությունն էլ պարզել են մահացածի ինքնությունը 11/21/2024 18:45 Շատ ճիշտ գնահատական է, կամավորականությունը պետություն չունենալու մասին է. Մովսես Հակոբյան 11/22/2024 15:04 Քաղաքապետարանի աշխատակիցները բռնի ուժով իջեցրին ավտոբուսից. TelCell-ի ապարատը կտրոն չի տալիս, ես էլ 100 դրամանոց չունեի.Ահազանգ բնակչից 11/21/2024 16:37 Ռոմանոս Պետրոսյանը կփոխարինի՞ Ռուտամ Բադասյանին 11/21/2024 20:20 Պետական դավաճանության մեջ մեղադրվող տղամարդն ինքնախոստովական ցուցմունքը տվել է ԱԱԾ-ում ծեծի ենթարկվելուց հետո․ նրան դիմակավորված անձինք ձերբակալել են 7 տարեկան երեխայի աչքի առաջ. պնդում է կինը 11/21/2024 14:49 Երեք օրվա ընթացքում Ֆրանցիսկոս Պապին երկու անգամ ողջունելու հնարավորությամբ ինձ իսկապես օրհնված եմ զգում. Աննա Հակոբյան 11/22/2024 23:07 Խոշոր ավտովթար՝ Երևանում. բախվել են «Toyota»-ն ու «Mercedes GLE»-ն, վերջինս կոտրել է խաչմերուկը կարգավորող լուսակիրը ու հայտնվել հետիոտնի անցման վայրում. կան վիրավորներ 11/22/2024 10:50 Ողբերգական վթար Երևանում.մահացածը մոտոցիկլի վարորդ պարեկն է. shamshyan.com 11/21/2024 20:36 Հեղափոխությունը մտնում է «յակոբինյան» փուլ. Փաշինյանն էլ չգիտեր, որ պետք է հեռացնի այդ մարդկանց․ Շարմազանով (Տեսանյութ) 11/22/2024 08:09 Հովիկ Աղազարյանը անհարմար դրության մեջ է դրել Նիկոլ Փաշինյանին. «Ժողովուրդ» 11/22/2024 20:19 Մեծ տոկոսը կտրելու եմ կացնային ձեւով. Փաշինյան 11/22/2024 08:19 3 միլիոն դրամը փող չԷ՞․ «Հրապարակ» 11/21/2024 20:35 Ինչ ժառանգություն թողեց Վահե Ղազարյանը 11/21/2024 17:04 Կարեն Սարուխանյանը շարունակո՞ւմ է մնալ Գյումրիի քաղաքապետի՝ ՔՊ-ի թեկնածուն. Էմմա Պալյանը՝ Սարուխանյանի մասին գյումրեցիների կարծիքի վերաբերյալ 11/21/2024 16:15 Ով էր ճեպազրույցի ժամանակ զանգել Զախարովային 11/22/2024 16:37 Բեռնատարն ընկել է Որոտան գետը ․ կա զոհ

Սենիկ Կարա-Պողոսյան. Համոզված եմ` Մխիթարյանը ծանրութեթև անելուց հետո ճիշտ ընտրություն կկատարի 05/03/2016 18:04 | Մարզական

Գերմանական մամուլի վերջին հրապարակումներից եւ Դորտմունդի «Բորուսիայի» ներկայացուցիչների վերջին հայտարարությունները վկայում են, որ ամռանը Հենրիխ Մխիթարյանն այլ ակումբ է տեղափոխվելու: Հայաստանի հավաքականի ռմբարկուի ծառայություններով լրջորեն հետաքրքրված են հատկապես Անգլիայում: Բացի այդ, Հենրիխը վաղուց հայտնել է, որ համակրում է Լոնդոնի «Արսենալին»: Այս կապակցությամբ armsport.am-ը զրուցել է «Պրոֆֆուտբոլի» հեղինակ եւ վարող Սենիկ Կարա-Պողոսյանի հետ, ով վերջին տարիներին մեկնաբանում է գերմանիական Բունդեսլիգայի հանդիպումները Հայաստանում.

- Նախկինում եւս շատ էին խոսակցություններն այն մասին, որ Մխիթարյանը կարող է այլ ակումբ տեղափոխվել, սակայն վերջին շրջանում արդեն կոնկրետ տեղեկություններ են հայտնվում: Համամի՞տ եք, որ հայ ֆուտբոլիստի տրանսֆերային տեղափոխությունը խիստ հավանական է առաջիկա ամռանը:

- Վերջին չորս տարիների ընթացքում արդեն համակերպվել ենք, որ ամառային տրանսֆերային պատուհանի ամիսներին անդադար խոսվելու է Մխիթարյանի այս կամ այն ակումբ տեղափոխվելու մասին: Այդպես էր Դոնեցկում անցկացրած հատկապես վերջին մրցաշրջանի ընթացքում, այդպես է Դորտմունդում գտնվելու առաջին իսկ ամիսներից: Նախորդ մրցաշրջանի ճգնաժամային խաղից հետո, մեր ֆուտբոլիստն այս տարի իր բարձրակարգ խաղի լրիվ նոր չափորոշիչներ սահմանեց: Կատակ բան չէ. Դորտմունդի «Բորուսիայի» այս մրցաշրջանում խփած 80 գոլերից 13,75%-ը (11 գոլ) Մխիթարյանն է հեղինակել, իսկ եւս 25%-ը (20 գոլային փոխանցում)՝ նրա անմիջական փոխանցումներից հետո են խփվել: Բունդեսլիգայի պես հզոր առաջնությունում չեմպիոնության համար պայքարող թիմի արդյունավետ գործողությունների 38,75% ՕԳԳ (11+20) ունենալով՝ իհարկե կարելի է նաեւ ավելի բարձրակարգ թիմերի մասին մտածել: Չմոռանանք նաեւ, որ հայ կիսապաշտպանն ամբողջ Բունդեսլիգայում միջին գնահատականով առհասարակ լավագույնն է՝ 2,53: Անսպասելի ոչինչ չկա, որ նման հզոր մրցաշրջանի արդյունքում Մխիթարյանը վերջին տարիների հավանական տրանսֆերների շարքից այս ամառ կդառնա արդեն տրանսֆերային շուկայի ամենացանկալի ու ամենապահանջված ֆուտբոլիստներից մեկը:

- Մխիթարյանի ծառայություններով լրջորեն հետաքրքրված են հատկապես լոնդոնյան ակումբները՝ «Չելսին» եւ «Արսենալը»: Երբեմն խոսվում է նաեւ «Տոտենհեմի» մասին: Ձեր կարծիքով, ո՞ր ակումբում Հենրիխը կարող է ավելի լավ դրսեւորել իրեն:

- Առաջին հայացքից, իհարկե, «Արսենալում», սակայն չմոռանանք, որ մեծ արհեստավարժի հետ գործ ունենք: Իմ կարծիքով Մխիթարյանի համար բաձարձակապես կապ չունի, թե որ թիմն իր համար կդառնա նոր ընտանիք: Համոզված եմ, որ նա ծանրութեթեւ անելուց հետո ճիշտ ընտրություն կկատարի: Տեղափոխվել Լոնդոն, թե՞ Թուրին, իսկ գուցե մնալ Դորտմունդում: Եթե ժամանակին Հենրիխի աստղը «Շախտյորում» փայլեց, նշանակում է նրա համար անհասկանալի ու անհասանելի թիմեր չկան:

- «Բորուսիան» գործնականում զրկվել է առաջին տեղում հայտնվելու հնարավորությունից: Ըստ Ձեզ, ինչը չի բավականացնում «Բորուսիային» Գերմանիայի ընթացիկ առաջնությունում չեմպիոն դառնալու համար:

- Իմ ուղիղ եթերների ժամանակ բազմիցս անդրադարձել եմ, որ եթե «Բորուսիան» հնարավորություն ունենար 3 հանդիպում վերախաղարկել, ապա չեմպիոնական պայքարում պատկերն այլ կլիներ: Ռուրյան ակումբը սեփական հարկի տակ ակնհայտորեն ձախողեց «Դարմշտադի» (2:2) հետ խաղը, իսկ դրսում՝ «Հոֆենհայմի» (1:1) եւ «Համբուրգի» (1:3) հետ հանդիպումները: Երեք խաղ, որոնց «Բորուսիան» ճիշտ տրամադրվել չկարողացավ: Չի կարելի ասել, թե Թոմաս Տուխելի թիմը հավասարակշռված մրցաշրջան չկարողացավ անցկացնել: Այդուհանդերձ, հենց այդ 3 խաղերն ամեն բան որոշեցին:

- «Բորուսիայից» պատրաստվում են հեռանալ մի շարք առաջատարներ: Հումելսը, Գյունդողանը, Օբամեյանգը պատրաստվում են այլ ակումբներում շարունակել կարիերան: Արդյո՞ք նման կորուստներից հետո «Բորուսիան» ի վիճակի կլինի գալիք մրցաշրջանում պայքարել մրցանակային տեղերի համար:

- Հումելս, Գյունդողան, Օբամեյանգ ... հնարավոր է նաեւ Մխիթարյանը: Ամենամյա անխուսափելի երեւույթ է: Ֆուտբոլիստները գալիս են եւ գնում: Հումելսի եւ Գունդողանի հեռանալով աշխարհի վերջին ականատես չենք լինի: Իհարկե նրանք թիմի առաջատարներից են, իհարկե նրանք լավն են, սակայն Դորտմունդը հերթական աստղերին է աճեցրել: Ունիվերսալ Մաթիաս Գինտերը խոստանում է դառնալ ոչ պակաս լավը, քան թիմի ավագ Հումելսը: Յուլիան Վայգլին արդեն մոտ ապագայում սպասվող փայլուն կարիերայի մասին խոսելն ավելորդ եմ համարում: Օբանեյանգն էլ անփոխարինելի չէ: Վառ ապացույցն էլ՝ Ադրիան Ռամոսն է, սակայն այ առանց Հենրիխ Մխիթարյանի ... արդեն անհանգստացնող է:

Աղբյուր` Փաստինֆո