Փաստ ինֆո

Քրեական հեղինակություն համարվող կայարանցի Թևոսիկի եղբոր՝ Արթուր Սաֆարյանի,  սպանության գործով այսօրվա դատական նիստում ամբաստանյալ Իսրայել Սարգսյանը շարունակեց գործով ապացույցները կասկածի տակ դնելու իր մարտավարությունը:

Մասնավորապես, ամբաստանյալը հայտարարեց, որ կոյուղագծի խողովակաշարի փականը բացելու դեպքում դրանով չէր կարող մարդու գլուխ անցնել: Հիշեցնենք, որ ըստ Իսրայել Սարգսյանին առաջադրված մեղադրանքի, նա իր ընկեր Մովսես Ներսիսյանին պատվիրել է սպանել Արթուր Սաֆարյանին, իսկ կատարելուց հետո սպանել է նաև նրան ու դին նետել Քանաքեռավանի կոյուղու դիտահորը:

Ըստ  ամբաստանյալի, դիտահոր նետված խոզին ու շանը գտել են, իսկ Մովսես Ներսիսյանին՝ ոչ, որովհետև վերջինս ողջ է, չի սպանվել ու դիակն էլ դիտահորը չի նետվել:

Մեկը մյուսի հետևից պայթեցնելու եմ գործում առկա փուչիկները. Իսրայել Սարգսյան

Ամբաստանյալը դատարանի ուշադրությունը հրավիրեց գործով վկա, «Փոքր Մհեր» կրթահամալիրի նախկին տնօրեն Էդգար Միքայելյանի, ըստ ամբաստանյալի, շինծու ցուցմունքների վրա: Նա նաև հայտարարեց, որ վկայի մահը շատ հարցեր է առաջացրել, «ինքն այն տղեն չէր, որ կախվեր» (Էդգար Միքայելյանը հայտնաբերվել էր Քանաքեռավանում գտնվող իր տան բակում ծառից կախված վիճակում):

Տիգրան Ասատրյանի կողմից արված նրա ու իր՝ Իսրայել Սարգսյանի, խոսակցության ձայնագրությունը մոնտաժված է, եթե ձայնագրությունը ամբողջական կերպով ներկայացվեր իրավապահներին, ապա «հարյուր տոկոսով վստահ եմ, ես այստեղ չէի լինի, գործի քննությունն էլ կգնար ուրիշ ուղղությամբ»: Հիշեցնենք, որ ձայնագրության մեջ Իսրայել Սարգսյանը խոստովանել է, որ սպանել է Արթուր Սաֆարյանին:

Աղբյուր` Փաստինֆո