Փաստ ինֆո

Այս պահին Ազատության հրապարակում հավաքվել են «Մենք ենք տերը մեր երկրի» երիտասարդական շարժման ներկայացուցիչները, որոնք ցանկանում են երթով շարժվել դեպի Բաղրամյան 26:

Ակցիայի մասին «Մենք ենք տերը մեր երկրի» նախաձեռնությունը հայտարերել էր օրեր առաջ՝ նշելով, որ

ապրիլի 22-ին կազմակերպում է երթ դեպի Բաղրամյան 26՝ «Մենք զինվորի կողքին ենք» կարգախոսով։

Պահանջը՝ ստորև

«Մենք պահանջում ենք Բաղրամյան 26-ից՝

1. Պետբյուջեից անհապաղ ֆինանսական աջակցություն ցուցաբերել զոհված զինվորների ընտանիքներին՝ առնվազն 30,000-ական ԱՄՆ դոլարի չափով, ինչպես նաև վիրավորված զինվորներին՝ առնվազն 5000-ական ԱՄՆ դոլարի չափով:
2. Աշխատանքից ազատել ԱԳՆ Էդուարդ Նալբանդյանին և ԶՈՒ Գլխավոր Շտաբի պետ Խաչատուրովին իրենց անգործության և իրավիճակին չտիրապետելու պատճառով, ինչը հանգեցրել է մարդկային զոհերի:
3. Աշխատանքից ազատել ԴԱՀԿ ծառայության պետին՝ պարտավորեցնելով նրան պետբյուջե փոխանցել Պանամական օֆշորային ընկերություններից անօրինական ճանապարհով ստացած իր ամբողջ եկամուտը:
4. Պաշտոնապես հայտարարել, որ Բ26 դեմ է Արցախում խաղաղապահ ուժերի տեղակայմանը:
5. Նշված ցանկում ընդգրկված օլիգարխներից յուրաքանչյուրին պարտավորեցնել պետբյուջե վճարել առնվազն 5 մլն ԱՄՆ դոլարի չափով գումար, այդ թվում՝ Սաշիկ Սարգսյան, Հովիկ Աբրահամյան, Գագիկ Խաչատրյան, Գագիկ Ծառուկյան, Ռուբեն Հայրապետյան, Գագիկ Բեգլարյան, Երվանդ Զախարյան, Մհեր Սեդրակյան, Սամվել Ալեքսանյան, Նավասարդ արք Կճոյան, Գագին Բ կաթողիկոս, Դավիթ Հարությունյան, Մանվել Գրիգորյան, Սեյրան Սարոյան, Ռոբերտ Քոչարյան, Տիգրան Սարգսյան, Անդրանիկ Մանուկյան, Մայրապետյան, Արմեն Գևորգյան, Տարոն Մարգարյան, Վարդան Այվազյան, Աղվան Հովսեփյան, Բարսեղ Բեգլարյան, Նարեկ Սարգսյան, Հերմինե Նաղդալյան, Արամ Հարությունյան, Սուրիկ Խաչատրյան, Հրանուշ Հակոբյան, Արթուր Ջավադյան, Խաչատուր Սուքիասյան, Վարդան Օսկանյան, Գորիկ Հակոբյան, Գալուստ Սահակյան, Գագիկ Հարությունյան, Ռոբերտ Նազարյան, ԵՊՀ ռեկտոր Արամ Սիմոնյան, Աշոտ Աղաբաբյան, Էդուրադ Շահմազանով, Արմեն Աշոտյան, Արթուր Բաղդասարյան, Լյովա Խաչատրյան, Կարեն Կարապետյան, Սամվել Նիկոյան, Գագիկ Ջհանգիրյան, Հովհաննես Սահակյան, Սերգո Կարապետյան, Դավիթ Լոքյան, Միհրան Պողոսյան և ուրիշներ (ընդհանուր 50 հոգի՝ ընդհանուր 250 մլն ԱՄՆ դոլար):

Հավաքագրված դրամական միջոցները պետք է մուտքագրվեն պետբյուջեի հատուկ հաշվեհամարին և դրանց ծախսումը իրականացվի հանրային վերահսկողության ներքո: Հավաքագրված այս գումարի առնվազն կեսը պետք է ներդրվի պաշտպանական և բարձր տեխնոլոգիաների զարգացման ֆոնդի մեջ, որը ծախսումները իրականացնելու է մրցութային կարգով: Այս ֆոնը գումարներն ուղղվելու են Հայաստանում բարձր տեխնոլոգիաների կիրառմամբ պաշտպանական համակարգեր մշակելուն: Առկա է մանրամասն նախագիծ»:

Ուղիղ միացումը՝ 1in.am-ի