Փաստ ինֆո

Ինչը, անկախ աշխատավարձի չափից, չարժե հանդուրժել ո՛չ գործընկերների, ո՛չ ղեկավարության և ո՛չ էլ ենթակաների կողմից:

Delfi.lv լատվիական կայքը հաղորդում է, որ Լոս Անջելեսի համալսարանի գիտնականների տվյալներով՝ աշխատող մարդկանց 80 տոկոսը կյանքում գեթ մեկ անգամ հիվանդանում է աշխատանքային սթրեսի պատճառով: Հետաքրքրական է, որ այդ սթրեսը մեծամասամբ պայմանավորված չէ անխուսափելի աշխատանքային տհաճ իրավիճակներով:

Ցանկացած աշխատողի հիմնական խնդիրն այսպես կոչված աշխատանքային մթնոլորտն է:

Ոչ հաճելի աշխատանքային պայմաններն այնքան հաճախ են հանդիպում, որ մարդիկ դրա հետ համակերպվում են կամ գտնում են, որ պարտավոր են համակերպվել: Իրականում այն, ինչ ամեն օր աշխատողը հանդուրժում է աշխատավայրում, ընդհանրապես անհանդուրժելի է: Եվ ոչ միայն այն պատճառով, որ սթրեսը վնասում է առողջությանը:

Անսահման հանդուրժողականությունը վնասում է նաև մարդկանց կարիերային: Մարդիկ սկսում են մտածել, թե հանդուրժողի հետ կարելի է այդպես վարվել: Իսկ հենց այն է, ինչ աշխատողի մասին երբեք չպետք է կարծեն նրա գործընկերները, ենթակաները և առավել ևս՝ ղեկավարները:

Հոգեբանները շատ պարզ թեստ են առաջարկում: Պատկերացրեք, որ հերթական տհաճ իրավիճակում հայտնվել եք ոչ թե դուք, այլ ձեր ամենամտերիմ ընկերը: Նա ձեզ մանրամասն պատմում է իր աշխատավայրում ստեղծված իրավիճակի մասին և բողոքում, որ այդ ամենի պատճառով ինքն իրեն վատ է զգում:

Արդյոք դուք կասե՞ք, թե նա պետք է հանդուրժի այդ ամենը: Իհարկե՝ ոչ, դուք վրդովված արդարություն կպահանջեիք: Իրականությունը կայանում է նրանում, որ մենք չենք նկատում, թե ինչպես ենք հանդուրժում այն, ինչը մեր ընկերոջը մեկ ակնթարթ անգամ հանդուրժել թույլ չէինք տա: Այնպես որ, հաջորդ անգամ, երբ որևէ տհաճ իրավիճակ կստեղծվի, հարցրեք ինքներդ ձեզ, թե ինչ խորհուրդ կտայիք ձեր ընկերոջը: Հավատացեք՝ դա կլինի ցանկացած բան, բացառությամբ «դիմացիր»-ի:

Եվ այսպես, հատկապես որ տհաճությունները չի կարելի հանդուրժել.

1. Ձեր վրա ձայն բարձրացնել

Գոռգոռալ սիրող ղեկավարները շատ են: Սա դեռ քիչ է, կան նաև գործընկերներ, ովքեր ձեր ղեկավարները չեն և նույն կարգավիճակն ունեն, ինչ և դուք, սակայն անգամ նրանք հաճախ իրենց մտքերն ու զգացմունքներն արտահայտում են գոռգոռոցով:  

Հիշեք, որ դուք լավ լսողությամբ հասուն մարդ եք: Որևէ պարագայում թույլ մի տվեք, որ ձեր վրա ձայն բարձրացնեն:

Երբ առաջին անգամ ձեր վրա ձայն բարձրացնեն, փորձեք կատակի տալ: Խելացի բղավողը կհասկանա, որ ձեր հետ նման կերպ վարվել չի կարելի, և դա այլևս չի կրկնվի: Իսկ եթե մարդը հիմար է, ապա, ինչ արած, նրան մի կողմ քաշեք և առանց դեսուդեն ընկնելու ասեք, որպեսզի ձեր վրա այլևս երբեք ձայն չբարձրացնի:

2. Ձեզնից կատարելություն պահանջել

Սա փոքր ինչ տարօրինակ է հնչում, բայց ոչ, սա չի նշանակում, թե դուք խնդրում եք լավ աշխատող լինել ձեզնից չպահանջել: Դա պահանջելու իրավունք ունի ցանկացած գործատու:

Սակայն, հաճախ գործատուն երբեք լավ աշխատանքի համար աշխատողին չի գովում: Նա համոզված է, որ եթե մարդուն այսօր աշխատանքից չեն ազատել, դա արդեն նրա աշխատանքի որակի ամենաբարձր գնահատականն է:

Մինչդեռ, ամենաաննշան սխալի դեպքում սկսվում են սկանդալները, գոռգոռոցը և այլ տհաճությունները:

Ղեկավարության այս վարվելակերպի դեմն առնելու ամենաճիշտ միջոցը, իհարկե, աշխատանքից ազատվելն ու այնպիսի ղեկավար գտնելն է, ով հոգեբուժական օգնության կարիք չունի:

Եթե ճգնաժամի պայմաններում մեղսունակ ղեկավարի փնտրտուքը ձեզ ճոխություն է թվում (դա, իհարկե, այդպես չէ, բայց դուք ձեզ ներշնչել եք), ապա նախ փորձեք ղեկավարության ուշադրությունը հրավիրել այն փաստի վրա, որ երբ գործերը լավ են ընթանում, դա ոչ թե ինքն իրեն է ստացվում, այլ ձեր շնորհիվ է: Թե չէ, շատերին թվում է, թե աշխատանքային հաջողություններն ընկերության վաստակն են, իսկ անհաջողությունները՝ կոնկրետ աշխատողների մեղավորությունը:

3. Անտեսել ձեր ունակություններն ու տաղանդը

Ամերիկացիների 60 տոկոսը կարծում է, թե իր մասնագիտական ունակություններից ցածր պաշտոն է զբաղեցնում: Դուք, հավանաբար, կարծում եք, որ կարող եք ավելին անել՝ առնվազն ձեր ղեկավարի աշխատանքը: Հարցը նրանում չէ, որ ձեզ հարկավոր է զբաղեցնել նրա տեղը, այլ նրանում, որ ուրիշներին և անձամբ ձեզ թույլ չտաք իրավիճակ ստեղծել, երբ դուք ամիսներ, անգամ տարիներ շարունակ կատարում եք մի աշխատանք, որից վաղուց աճել եք:

Կարիերան տեղում չի դոփում: Եթե դուք չեք զարգանում, ապա անմիջապես սկսում եք ետ գլորվել, եթե անգամ այդպես չեք կարծում:

Փնտրեք ավելին անելու ուղիները, սովորեք: Ղեկավարությանը հասկացրեք, որ դա ձեր ունակությունների սահմանը չէ: Սա հատկապես վերաբերում է աշխատասեր և ընդունակ աշխատողներին: Քանի որ ձեր համեմատ մյուսներն ունակ չեն, ղեկավարն սկսում է բոլոր ճեղքերը ձեզնով փակել, բայց քանի որ դուք նրան հենց դրա և հենց այդ մակարդակում էլ պետք եք, ապա նա չի թողնում ձեզ աճել:

Եթե ձեզ տրվի այլ աշխատանք, ապա ով է կատարելու ձեր այսօրվա աշխատանքը: Թույլ մի տվեք ձեր հետ այդպես վարվել: Դուք պետք է աճեք: Եթե ղեկավարն այդ պարզ բանը չի հասկանում, ապա ուրիշին փնտրեք, բավական է սեփական ծուլությունն արդարացնել ճգնաժամով: