Փաստ ինֆո

Վերջապես մոտենում է երկար սպասված գարունը, սակայն ձմեռային տոներն ու ֆիզիկական պասիվությունը, ցավոք, հանգեցրել են քաշի ավելացման: Չար կիլոգրամները թույլ չեն տալիս հագնել սիրելի կիսաշրջազգեստը կամ նեղ ջինսերը: Եվ ի՞նչ. պետք է համակերպվե՞լ, թե՞ խելքը գլուխը հավաքել ու սկսել նիհարել: 

Լիբերալ բլոգը գրում է, որ, նախքան դիետաներին անցնելը, պետք է նշենք, որ դրանք առավելագույն արդյունավետ կլինեն, եթե համադրվեն ֆիզիկական ակտիվության հետ: Ֆիզիկական վարժությունները նախ և առաջ պետք է անել, որպեսզի մաշկը ձգվի և նիհարելուց հետո չկախվի: Մի մոռացեք նաև, որ դիետաների ժամանակ պետք է առողջ ապրելակերպ վարել, այսինքն հրաժարվել ծխախոտից և ոգելից խմիչքից: 

Խիստ դիետա- 15 կգ

Այս դիետան իրենից ներկայացնում է սննդի խիստ սահմանափակում, ինչպես նաև հրաժարում քաղցրից, տապակած ուտելիքներից, խմորեղենից: 

Առաջին երկու օրը «սոված» օրեր են: Ողջ օրվա ընթացքում կարող եք երկու լիտր կեֆիր խմել, մի բաժակ տոմատի հյութ և մի քանի կտոր սև հաց:

Բարձր թթվայնության դեպքում կեֆիրը կարելի է փոխարինել կաթով կամ բնական յոգուրտով, իսկ տոմատի հյութը` կաղամբի կամ գազարի աղցանով: 

Երրորդ և չորրորդ օրերի մենյուն բաղկացած է սպիտակուցային սննդից: Նախաճաշին կարելի է խմել կաթով սուրճ կամ թեյ, մի կտոր սև հաց կարագով և մեղրով: Ճաշին արգանակ և 100 գրամ ոչ յուղոտ միս կամ ձուկ: Ճաշից հետո որոշ ժամանակ անց մեղրով կաթ: Ընթրիքին` երկու ձու, 100 գրամ խաշած միս և մի բաժակ կեֆիր: Կեֆիրը կարող եք խմել քնելուց առաջ:

Հինգերորդ և վեցերորդ օրերի ընթացքում կերեք բանջարեղեն: Նախաճաշին ու ճաշից հետո կարող եք երկուական խնձոր ու նարինջ ուտել, ճաշին վինեգրետ և բանջարեղենային ճաշ, իսկ ընթրիքին` կաղամբ, գազար, բազուկ, մեղրով թեյ և մի կտոր սև հաց:

Հետք կրկին անցեք «սոված» օրերին: Այս դիետան նախատեսված է 20 օրվա համար, որոնցից հետո կարող եք հանգիստ սրտով դիմավորեն ամառը: 

Չինական դիետա

Այս դիետան նախատեսված է նրանց համար, ովքեր չեն կարող խիստ սննդակարգի հետևել: Այն նախատեսված է ախորժակի նվազեցման համար: Ամեն առավոտ պետք է կուլ տաք այնքան բրնձի հատիկ, որքան տարեկան եք: Ընդ որում չի կարելի ջուր խմել: Դրանից հետո չի կարելի երկու ժամվա մեջ ուտել և խմել: Երկու ժամից կարող եք ուտել այն, ինչ ցանկանում եք, բացի յուղոտ ուտելիքներից և խմորեղենից, հացեղենից: Կարող եք ուտել շոկոլադ և մեղր, իսկ ահա շաքարավազից ստիպված եք հրաժարվել: Պետք է նվազեցնեք նաև աղի օգտագործումը: Եվ աշխատեք քնելուց չորս ժամ առաջ ոչինչ չուտել: Այս դիետային պետք է երկու շաբաթ հետևեք, իսկ կրկնել կարող եք միայն մեկ ամսից: