Փաստ ինֆո

Ընթացիկ մրցաշրջանի առաջին հատվածը Դորտմունդի «Բորուսիայի» համար շատ հաջող է ստացել: Գերմանական ակումբը ինչպես ֆինանսական, այնպես էլ՝ մարզական առումով կայուն է:

«Armsport.am»-ի փոխանցմամբ` ruhrnachrichten.de-ի հետ զրույցում ակումբի նախագահ Ռայնհարդ Ռաուբալը իր կարծիքն է հայտնել թիմի գլխավոր մարզիչ Թոմաս Տուխելի, գլխավոր ռմբաբրկու Պյեր Էմերիկ Օբամեյանգի եւ կիսապաշտպան Հենրիխ Մխիթարյանի մասին:

-Նախորդ մրցաշրջանի ավարտից հետո «Բորուսիան» մնաց առանց Յուրգեն Կլոպի: Բազմաթիվ երկրպագուների համար սա ակումբի պատմության մի մեծ գլխի ավարտ էր: Սակայն Կլոպի հեռանալուց կես տարի անց «Բորուսիան» զբաղեցնում է երկրորդ հորիզոնականը Բունդեսլիգայում, դուրս է եկել Եվրոպա լիգայի փլեյ-օֆֆ փուլ եւ Գերմանիայի գավաթի խաղարկության քառորդ եզրափակիչ: Թոմաս Տուխելն արդարացրե՞լ է Ձեր սպասելիքները:

-Օտմար Հիտցվելդի շրջանից հետո Յուրգեն Կլոպի անկացրած 7 տարիները լավագույնն էին «Բորուսիայի» պատմության մեջ: Այս հաջողությունները սկսվել են 2004 թվականից, երբ ակումբը գրեթե լիակատար սննկացել էր: Թոմաս Տուխելը մեծ ժառանգություն է ստացել: Նա իր աշխատանքը կատարում է մեծ սիրով եւ ջանասիրությամբ: Հանդիպումների նախախաղային եւ հետխաղային վերլուծությունները տպավորիչ են:

-Թոմաս Տուխելը արագորեն հարմարվեց ակումբին:

- Թե ինչպես է խոսում խաղացողների հետ, ինչպես է նրանց պատրաստում խաղերին, տակտիկական փոփոխությունները խաղի ժամանակ, այս ամենը ֆանտաստիկ է եւ շատ տպավորիչ:

-Ի՞նչ է արել Տուխելը Մխիթարյանի հետ: Նա հանկարծակի սկսեց վստահությամբ շողալ եւ խփել գոլեր:

-Մենք շատ լավ գիտեինք, որ նա պոտենցիալ ունի: Հնարավոր է, որ Տուխելի խաղային ձեռագիրը ավելի հարմար է Մխիթարյանի համար: Եզրային պատշպաններն ավելի մոտ են գտնվում խաղադաշտի կենտրոնին, ինչը նույնպես օգնում է նրան: Նա իրեն շատ լավ է զգում այս պահին: Միկին լիակատար վստահության կարիք ունի:

-Օբամեյանգը նույնպես Տուխելի օրոք առաջընթաց է գրանցել: Այժմ նա գրավում է դարպասը ցանկացած դիրքից: Կկարողա՞նա «Բորուսիան» պահել նրան ընթացիկ մրցաշրջանից հետո:

-Նրա պայմանագիրը ուժի մեջ է մինչեւ 2020 թվականը: «Բորուսիան» ֆինանսապես լավ վիճակում է, ունի հովանավորներ, որոնց հետ երկարաժամկետ համաձայնագրեր են ստորագրված: Մեր ծրագրերը կազմված են առաջիկա տարիների համար: Բացի այդ, մենք ունենք հավատարիմ երկրպագուներ, որոնց աշխարհում եզակի են: Օբամեյանգը իրեն լավ է զգում մեզ մոտ: Նրա ծիծաղը վարակիչ է, այն արհեստական չէ: Մխիթարյանը եւ Օբամեյանգը թիմի մասն են, որը որպես միասնական կոլեկտիվ հրաշալի է գործում, պետք չէ մոռանալ դրա մասին:

-Որո՞նք են ձեր երեք ցանկությունները «Բորուսիային» նոր տարում:

-Ցանկանում եմ, որպեսզի թիմը որակավորվի Չեմպիոնների լիգայի համար: Որպեսզի մեր տաղանդավոր խաղացողները առաջադիմեն եւ հնարավորության դեպքում թիմը կրկին դուրս գա Գերմանիայի գավաթի խաղարկության եզրափակիչ: