Փաստ ինֆո

Այսօր պաշտոնական այցով Հայաստան է ժամանել Հունաստանի Հանրապետության ազգային պաշտպանության նախարար Պանայոտիս (Պանոս) Կամմենոսի գլխավորած պատվիրակությունը:

ՀՀ ՊՆ վարչական համալիրում Հունաստանի ազգային պաշտպանության նախարարի պատվիրակության դիմավորման պաշտոնական արարողությունից հետ երկու երկրների պաշտպանության նախարարները հանդիպում ունեցած նաև լրագրողների հետ:

ՀՀ ՊՆ Սերյան Օհանյանը ողջունելով իր գործընկերոջը, բարձ գնահատեց հայ-հունական համագործակցությունը պաշտպանական ոլորտում, նշելով, որ այն հիմնված է երկու երկրների ժողովուրդների բարեկամության, փոխադարձ օգնության պատրաստակամության և ընդհանուր մոտեցումների, ինչպե նաև ամուր իրավական հիմքերի վրա:

Երկու երկրների նախարարները մինչև լրագրողների հետ հանդիպումը ամփոփել էին պաշտպանության բնագավառում երկկողմ համագործակցության արդյունքները,  խոսել ռազմատեխնիկական և համագործակցության հարցերի շրջանների մասին:

Երկու երկրների համագործակցությունն իր մեջ ներառում է  այն ամբողջ ուսումնական, վարժական և կրթական ներուժը, որն առկա է երկու երկրների զինված ուժերում, բարձր  է գնահատվում նաև խորհրդատվության փոխանակումը, տարբեր հարցերի շուրջ:

Համագործակցությունն ունի նաև ռազմատեխնիկական կոմպոնենտ, որը զարգացման մեծ հեռանկար ունի:

Սեյրան Օհանյանն ընդգծեց, որ այսպիսի հանդիպումները նաև հենք են ստեղծում ոչ միայն համագործակցության մասին խոսելու, այլև խոսելու նաև պաշտպանության և անվտանգության խնդիրների վերաբերյալ: Անդրադարձ է եղել նաև տարածաշրջանային խնդիրներին, նրանց լուծման ուղիներին՝ օգտագործելով նաև միջազգային բոլոր նորմերն ու արժեքները:

«Ես և Հունաստանի ազգային պաշտպանության նախարարն ամեն ինչ կներդնենք, որպեսզի մեր համագործակցությունը դինամիկ զարգացում ապրի»,- ասաց Սերյան Օհանյանը:

Իր հերթին Հունաստանի Հանրապետության ազգային պաշտպանության նախարար Պանայոտիս Կամմենոսը՝ ՀՀ Պ նախարար Սերյան Օհանյանին իր շնորհակալական խոսքը հայտնեց ջերմ ընդունելուց համար՝ շեշտելով, որ մեր երկու ժողովուրդների պատմությունը արյունով է գրվել, որի հետևանքով ունեցել ենք մեծ թվով զոհեր:

«Շարունակում են դիմակայել մարտահրավերներին, որոնք գալիս են տարածաշրջանից:

Թուրքական ռազմական ուժերը շարունակում են խախտել մեր օդային և ջրային տարածքները: Թուրքական օկուպացիոն ուժերի կողմից Կիպրոսը մնում է գրավված»,- ասաց Պանայոտիս Կամմենոսը:

Հայ-հունական համագործակցությունը շարունակվում է  ռազմաարդունաբերության ոլորտում,- նշեց Պանայոտիս Կամմենոսը, հավելելով, որ այս համագործակցությունը խորը ազդեցություն կունենա երկու երկրների տնտեսությունների, ինչպես նաև Պաշտպանության նախարարությունների և զինված ուժերի համագործակցության վրա:

«Իսլամական ֆունդամենտալիզմի ահաբեկչությունը բոլոր ազատ պետությունների համար թշնամի է հանդիսանում: Մենք կշարունակենք մեր սերտ համագործակցությունը և կձևավորենք այն պայմանները, և երբ պատրաստ ես պատերազմի, ապա ապահով ես խաղաղությամբ: Ես հուսով եմ, որ մեզ կհաջողվի»,- ասաց Հունաստանի Հանրապետության ազգային պաշտպանության նախարարը: