Փաստ ինֆո

«ՌԻԱ  Նովոստի»-ն հաղորդում է, որ ՌԴ նախագահ Վլադիմիր Պուտինը Թուրքմենստանի նախագահ  Գուրբանգուլի Բերդիմուհամեդովի հետ հանդիպմանը քննարկել է Կասպից ծովի վերևի օդային տարածքի անվտանգության հարցերը: Ռուսաստանյան պետության ղեկավարը նաև հայտարարել է, որ Ռուսաստանն օգտագործելու է Կասպից ծովի վերևի օդային տարածքը Իսլամական պետության դեմ պայքարի նպատակով, մինչև որ ահաբեկչական ակտերի բոլոր մեղավորները պատժվեն:

«Մեր ղազախ  գործընկերներին իբրև թե շատ անհանգստացնում են հարցերը, որոնք տեղի են ունենում Կասպից ծովի մակարդակից բարձր, դա կապված է նաև ռազմական հարցերի հետ»,- ասել է Բերդիմուհամեդովը Պուտինի հետ հանդիպմանը,  որն անց է կացվում  Թեհրանում,  գազ   արտահանողներ երկրների ֆորումի շրջանակում:  Ըստ նրա, այդ առնչությամբ հարցեր են ծագում միջազգային քաղաքացիական օդային հաղորդակցության հետ:   «Այսինքն՝ պե՞տք է, արդյոք, փոխել օդային հաղորդակցությունները երթուղիների, էշելոնների և երթևեկության հարցերով: Կա այդպիսի մտահոգություն, ես չգիտեմ, Դուք  տեղյակ եք, թե ոչ: Մեր ղազախ գործընկերները դրա մասին շատ են անհանգստանում»,- ասել է Բերդիմուհամեդովը:

«Ինչ վերաբերվում է տարածաշրջանում մեր ընկերների մտահոգությանը Կասպից ծովի վերևի օդային տարածքի օգտագործման հետ կապված, մեզ ղազախստանցի մեր ընկերները դեռևս ոչինչ չեն ասել, բայց մենք դա ի նկատի կունենանք:  Մենք հասկանում ենք, որ որոշ անհարմարություններ առաջանում են, բայց  մենք՝ ձեզ հետ միասին գիտենք,  որ ահաբեկչության դեմ պայքարում Ռուսաստանի կողմից գործադրված ջանքերը դրանք ծանրություն են առաջին հերթին  Ռուսաստանի վրա… Ահաբեկչական կազմակերպությունները, այնպիսիք, ինչպես այսպես կոչված  ԻՊԻԼ-ն է,  և այլ կազմակերպություններ, նրանք չեն խնայում ոչ ոքի, գազանություններ են գործում, չեն խնայում այդ թվում նաև քաղաքացիական  նավերը»,- ասել է Պուտինը:

«Այդ պատճառով, եթե ինչ-որ անհարմարություններ ստեղծվում են, ապա դրանք, իհարկե, պետք է նվազագույնի հասցնել… Սակայն ունենալով ողբերգության փորձ՝ կապված մեր ինքնաթիռի հետ, մենք դա կանենք այնքան ժամանակ, քանի դեռ անհրաժեշտ կհամարենք մեղավորներին պատժելու համար»,-  ընդգծել է Պուտինը: