Փաստ ինֆո

«Իրավունք» թերթը գրում է, որ օգոստոսի 12-ին 102-րդ ռուսական ռազմակայանի զինծառայող Վալերի Պերմյակովը դատապարտվեց 10 տարվա ազատազրկման` զենքով դասալքության, զենք եւ զինամթերք գողանալու եւ դրա անօրինական ձեռքբերման, փոխանցման, պահպանման, տեղափոխության եւ կրման հանցագործությունների համար նախատեսված ՌԴ քրեական օրենսգրքի երեք հոդվածով: Դատապարտյալը պատիժը կկրի խիստ ռեժիմով գաղութում:

Ըստ թերթի՝ այս պատիժը, սակայն, նրա համար էական չէ, քանի որ Պերմյակովը դեռ պետք է դատվի Ավետիսյանների ընտանիքի սպանության գործով: Այդ ուղղությամբ նախաքննությունը դեռ չի ավարտվել, դատական նիստի ժամկետները դեռ հայտնի չեն:

Տաքսու պատմությունն այս գործում անչափ էական է: Այսինքն, «Պերմյակովը եթե ոչ Ավետիսյանների տուն, ապա գոնե այդ փողոց է հասել տաքսիով, այստեղ պատահականության գործոնը գրեթե բացառվում է. պետք էր չէ՞ տաքսուն կոնկրետ հասցե տալ, թե ուր էր ցանկանում գնալ: Հետո էլ՝ վարորդը տեսնում էր չէ՞, որ զինված ուղեւորի է տեղափոխում: Եվ, վերջապես, եթե նպատակը փախչելն էր, ապա նախ կթալաներ վարորդին եւ նրա մեքենայով էլ կհասներ սահման, այն էլ՝ վրացական, որն անցնելն անհամեմատ ավելի հեշտ էր, քան թուրքականը»,-գրել է թերթը:

«Իրավունք»-ը զրուցել է դաժանաբար սպանված Հասմիկ Ավետիսյանի քրոջ` տիկին Ռիտայի հետ, ով առաջինն է տեսել Ավետիսյաններին` սպանված վիճակում:

Հոդվածն ամբողջությամբ՝ «Իրավունք»-ի 21.08.15թ. համարում։