Փաստ ինֆո

Հայաստանում գնալով Էքստրեմալ սպորտաձևերը զարգանում են, հիմնվում նորերը: Օգոսոտոսի 15-ին բացվել է էքստրեմալ լողի ակումբ, որի նպատակն է բաց ջրամբարները լողալով անցնելը: Ակումբի հիմնադիրն է Աշոտ Պետրոսյանը, ով բավականին երկար ժամանակ է զբաղվում է այս սպորտաձևով:

Վերջին տարիներին Աշոտ Պետրոսյանը մասնակցել է տարբեր էքստրեմալ սպորտաձևերի փառատոնների, որից հետո նա մտադրվել է ստեղծել բաց ջրերում լողալու էքստրեմալ սպորտաձևը:

Ակումբի հիմնադրման կապակցությամբ Աշոտ Պետրոսյանը և 10 երիտասարդներ երեք ժամում լողալով անցան Սևանա լճի 10 կմ տարածք:

Ողջունելով ակումբի բացմանը ներկա գտնվողներին`  Աշոտ Պետրոսյանը նշել է, որ ակումբում կարող են մարզվել բոլորն անկախ տարիքից և սեռից: «Մեր ակումբի նպատակն է կոփված և առողջ սերունդ դաստիարակել և դժվարությունների հաղթահարմանը պատրաստելն է: Գաղափարը ոչ միայն առողջ ապրելակերպին է ուղղված, այլ նաև Սևանա լճի էկոհամակարգի պահպանմանը: Քանի որ վերջին ժամանակշրջանում Սևանա լճի նկատմամբ մարդկանց վերաբերմունը ոչ բարեխիղճ է եվ մաքրությանն այնքան էլ լուրջ չեն վերաբերվում, մասնակիցներն այս քայլով խրախուսում ենք պահպանել բնությունը, իսկ լողորդներն ու քաղաքացիներն ամբողջությամբ վայելեն բարձր լեռնային քաղցրահամ լճի էկոլոգիական օգտակարությունը»,-նշել է Աշոտ Պետրոսյանը:

10 կմ շրջանագիծն ավարտելուց հետո նշել է, որ բավականին դժվար էր լողալը քանի որ լճում առկա ներքին հոսանքները դժվարացնում էին լողը: Աշոտ Պետրոսյանի խոսքով՝ այս միջոցառումը կազմակերպվելու է ամեն տարի և ներառելու է այլ երկրներից լողորդներ, ովքեր կգան կմասնակցեն այս միջոցառմանը:

Նշենք, որ 2008թ. Աշոտ Պետրոսյանին հաջողվել է 11 ժամում ավելի քան 55 կմ լողալով անցնել Սևանա լիճը՝ սահմանելով համաշխարհային ռեկորդ:

Հեղինակ` «Փաստինֆո»