Փաստ ինֆո

Հանցագործության նոր տեսակ է զարգանում՝ կեղծ գնորդներ:

«List.am» կայքում կարելի է հանդիպել տարբեր հայտարարությունների. մեկը վաճառում է, մյուսը՝ գնում, երրորդը՝ ծառայություններ մատացում եւ այլն։

Վաճառքի հանվող գույքի տեսականին, ինչպեսեւ պոտենցիալ գնորդները բազմազատեսակ են եւ նախկինում առիթ ունեցել ենք անդրադառնալ էլեկտրոնային վաճառքի հանված ապրանքի գնից ոգեւորված գնորդների դյուրահավատության մասին, որի հետեւանքով դարձել են խարդախության զոհ։ Բայց քիչ չեն նաեւ դեպքերը, երբ գնորդի անվան տակ հանդես են գալիս խարդախները՝ իրենց խաբեության սարդոստայնը գցելով միամիտ վաճառողներին։

Խոսքը տվյալ պարագայում վերաբերում է «List.am»  կայքի միջոցով համակարգիչների վաճառքին, որոնց գնորդի դերում հանդես է եկել խարդախը՝ Արմեն անունով։ «Փաստինֆո»-ի տեղեկություններով՝ տարբեր անձանց կողմից համակարգիչ վաճառելու հայտարարություն է տեղադրվել, որոնց  արձագանքել են գրեթե նույնկերպ. գնորդը խոստացել է վճարումը կատարել բանկային փոխանցման միջոցով:

Մեզ հայտնի դեպքերից մեկով «IMac» ֆիրմայի համակարգիչը գնելու ցանկություն հայտնած անձը խոստացել է համակարգչի տիրոջ բանկային փոխանցման միջոցով վճարել 980.000 ՀՀ դրամ:

Պայմանավորվել են հանդիպել, կինը համակարգիչը տվել է գնորդի աշխատակից ներկայացած մի երիտասարդ տղայի, սակայն իրեն որևէ գումար չեն փոխանցվել:

Հաջորդ դեպքով էլ համակարգիչ վաճառող անձին խոստացել են կրկին բանկային փոխանցմամբ վճարել 1.125.000 դրամ, սակայն ինչպես նախորդ դեպքով համակարգիչը վերցրել են, իսկ գումարը չեն փոխանցել:

3-րդ դեպքով էլ  «Լենովո»  մոդելի համակարգիչը ցանկացել են գնել  550.000  ՀՀ դրամով, այս դեպքում էլ գումարը չի փոխանցվել, թեեւ համակարգիչը վերցվել է:

Նշենք, որ այս բոլոր 3 դեպքերով էլ տեղադրված հայտարարությունից հետո համակարգիչները վաճառող անձանց զանգահարած տղամարդը ներկայացել է Արմեն անունով, իսկ համակարգիչները վաճառողից վերցրած անձը՝ որպես Արմենի աշխատակից: