Փաստ ինֆո

Որպեսզի բնակարանը փայլի և մաքուր լինի, պարտադիր չէ մեծ գումարներ ծախսել լվացող միջոցների վրա: Մաքրությունը կարելի է ապահովել տանն եղած պարզ միջոցներով:

Segodnya.ua-ն ներկայացնում է տան մաքրությունն ապահովող մի քանի գործուն խորհուրդներ:

Այսպես՝ պատուհանների ապակիների և հայելիների փայլն ապահովելու համար առաջարկվում է հին, ստուգված միջոց՝ քացախի լուծույթ՝ քացախը և ջուրը 1:5 հարաբերակցությամբ: Այս միջոցի միակ բացասական կողմը հոտն է, սակայն այն օդափոխությամբ արագ վերանում է:

Նաև մի շտափեք դեն նետել օգտագործված կանաչ թեյի փաթեթները: Թեյի թուրմը կարող է մաքրել ապակիներն առանց հետքեր թողնելու և դրանց փայլ հաղորդել: Նույնը կարելի օգտագործել հայելիները մաքրելու համար:

Ապակիներն ու հայելիները փայլեցնելու համար շատ արդյունավետ են կանացի հին կապրոնե զուգագուլպաները:

Հնացած կեղտը կարելի է վերացնել օսլայի լուծույթով. 1 ճաշի գդալ օսլան բացելով 1 լիտր ջրում՝ շփել ապակիները, ինչից հետո՝ լվանալ:

Հատակին փայլ հաղորդելու համար այն կարելի լվանալ քացախի լուծույթով՝  1 բաժակ քացախը բացելով 1 դույլ ջրում: Սա արդյունավետ հականեխող միջոց է և գործնականում կարելի է կիրառել և լամինատե հատակը, և մանրահատակը, և լինոլիումը մաքրելու համար:

Սալիկապատ լոգարանում և խոհանոցում որպես հակասնկային միջոց կարելի է օգտագործել տանն եղած միջոցներով պատրաստված լուծույթ՝ 0.5 բաժակ սոդան, 3-4 կիտրոնաթթվի փաթեթը, 0.25 բաժակ քացախը խառնել 7 բաժակ ջրի հետ: Սալիկների եզրակարերը մաքրեք սպունգով, 10-15 րոպե անց լվացեք ջրով:

Սպասքը լվանալու ամենապարզ և մատչելի միջոցը կերակրի սոդան կամ մանանեխն է: Այն գործնականում հաղթահարում է ցանկացած կեղտ: