Փաստ ինֆո

21.45  Մի փոքր միջադեպ տեղի ունեցավ ցուցարարների շարքերում. ոստիկանները հայտարարեցին, որ մի քաղաքացի մյուսին հարվածել է, ցուցարարները հերքեցին այդ պնդումը՝ հայտարարելով, որ ոստիկանները սադրում են:

21.27 Ցուցարարներին մոտեցավ Երևանի փոխոստիկանապետ Վալերի Օսիպյանը: Գրեթե անմիջապես փոխոստիկանապետը հեռացավ՝ առանց որևէ բան ասելու:

20.22  Ցուցարարները վանկարկում են «Հաղթելու ենք»:

20.07 Ցուցարարները վանկարկում են «Չեղարկում»:

21.03 Պաստառ է բերվել`  «Սա մայդան չէ, սա Մարշալ Բաղրամյանն է» բովանդակությամբ:

20.57  Քաղաքացիները վանկարկում են «Հաղթանակը մերն է»: Պաստառներից մեկը վրացական ծագում ունի. լատինատառ ռուսերենով գրված է՝ Թբիլիսին ձեր հետ է: ԱԺ պատգամավոր Նիկոլ Փաշինյանից բացի տարածքում է նաև պատգամավոր Թևան Պողոսյանը:

20:37 Ցուցարարները վանկարկում են «Հայաստան»:

20.35 Շոու բիզնեսի մի շարք ներկայացուցիչներ կենդանի պատ են ստեղծել՝ ոստիկանների ու ցուցարարների միջև բախում թույլ չտալու համար: Տարածքում է ԱԺ պատգամավոր Նիկոլ Փաշինյանը: Սպասվում է, որ կմոտենան  շոու բիզնեսի այլ ներկայացուցիչներ ևս:

20:14 Ոստիկանական ուժերն արագ քալերով մոտեցան Բաղրամյան պողոտայում ցուցարարներից բաժանող պատնեշին:

20:10 Բաղրամյան պողոտայում՝ մասնավորապես Սահմանադրական դատարանի մոտ է ՀՀ ոստիկանապետ Վլադիմիր Գասպարյանը:

 ՀՀ փոխոստիկանապետ Վալերի Օսիպյանը Բաղրամյան պողոտայում լրագրողների և ակտիվիստների հետ զրույցում հայտարարել է, որ եթե առաջիկա ժամերին Մաշտոցի պողոտան ցուցարարները չազատեն, ապա ոստիկանությունը դիմելու է կտրուկ քայլերի:

«Դուք, կարծես թե, շատ եք ոգեւորվում»,- ակտիվիստների ներկայացուցչին ասաց Վալերի Օսիպյանը։

Նշենք, որ Ազատության հրապարակից մեկնարկած երթի մասնակիցները ՝ հասնելով Մաշտոցի պողոտա-Սայաթ-Նովա խաչմերուկի մոտ, նստացույց հայտարարեցին:

Այս պահին փակել են նաև Մաշտոցի պողոտայի այդ հատվածը:

Ակցիայի մասնակից ակտիվիստները հայտարարեցին, որ նստաույցը Մաշտոցի պողոտայում այսօր տևելու է երկու ժամ, սակայն ամեն օր մեկ ժամով ավելանալու է՝ մինչև հարցի լուծումը: