Փաստ ինֆո

05:30 ոստիկանները կիրառեցին ֆիզիկակակն ուժ եւ ջրցան մեքենաներ: Մի շարք անձինք, նրանց թվում լրագրողներ բերման են ենթարկվել, խոսվում է տուժածների մասին:

Ցուցարարները բանակցում են, որ լուսավորումը միացնեն

01:10 Բաղրամյան պողոտան հոսանքազրկվեց եւ ցուցարարները մնացին մթության մեջ, սակայն  ցուցարարները չեն լքում տարածքը, Վալերի Օսիպյանը նորից ու նորից հիշեցնում է համակեցության կանոնների խախտման մասին, ինչպես նաև, որ օրենք չիմանալը չի ազատում պատասխանատվությունից:

01:00 քաղաքացիական նախաձեռնության մասնակիցները որոշեցին լռակյաց շարունակել նստացույցը:

00:58 Ցուցարարներն անցան ասմունքին: Մեր լույսերն էլ մեր վրա կտրեցիք, թաղեմ ձեզ, հայտարարեց ցուցարար կանանցից մեկը:

00:55 ցուցարարները շարունակում են երգել, ինչին ի պատասխան ոստիկանության ներկայացուցիչները հայտարարեցոն. «Դուք խախտում եք համակեցության կանոնները, լռությունը, հակառակ դեպքում ոստիկանությունը կդիմի հատուկ միջոցների»:

00:48-ի սահմաններում Օսիպյանը հայտարարեց, որ թմբուկը կառգրավվի:

Ցուցարարները ազգային ազատագրական երգեր են երգում, սուլում ու ծափահարում՝ խլեցնելով Երևանի փոխոստիկանապետ Վալերի Օսիպյանի ձայնն, ով բարձրախոսով  հիշեցնում է, որ  ժամը 23.00-ից հետո չի կարելի խախտել լռությունը:  Դուք արդեն ոստիկանների հանդուրժողականությունն ենք չարաշահում, ժաը 00:44-ի սահամններում կրկին հայտարարեց  փոխոստիկանապետը:

00:33 Քաղաքացիական նախաձեռնության անդամները շարունակեցին կոչ անել Երևանի փոխոստիկանապետին միանալ իրենց՝ վանկարկելով՝  Օսիպյան, միացիր:

Կեսգիշերն անց քաղաքացիական նախաձեռնության անդամների շարքերում հակադիր կարծիքներ էին հնչում: Մասնավորապես, խոսվում է արկածախնդրություն չդրսևորելու և Ազատության հրապարակ վերադառնալու  մասին: Սակայն այս տեսակետին հակառակ տեսակետներ նույնպես հնչեցին՝   Բաղրամյան պողոտայում նստացույցի խաղաղ ակցիան շարունակելու մասին, այս տեսակետն աստիճանաբար գերակշռող դարձավ:  00:25-ին տղամարդիկ տեղեր զբաղեցրեցին ոստիկանական պատին ավելի մոտ առաջին գծում եւ մասնակիցները նորից նստեցին հատակին:

00:17 հայտարարություն հնչեց, թե քաղաքացիական հագուստով ոստիկաններ կան իրենց շարքերում, եւ կոչ արեցին չտրվել սադրանքներին եւ բոլորը նստեն:

00:12 Վալերի Օսիպյանը հայտարարեց, որ բողոքավորների շարքերում կան սադրիչներ, խմբեր, ովքեր փորձում են օգտագործել ստեղծված իրավիճակը եւ խնդիրներ ստեղծել ոստիկանության եւ քաղաքացիների միջեւ:

00:10 ակտիվիստների շարքերում նկատվում է տարակարծություն. մի մասը ցանկանում է մնալ, իսկ մյուս մասը կոչ է անում հասկանալ, թե  գիշերը պողոտայում մնալուց հետո որոնք են լինելու հետագա քայլերը:

Քաղաքացիական ակտիվիստները փորձում են որոշել իրենց հետագա քայլերը: Հունիսի 23-ին` ժամը 00:08-ի սահմաններում ակտիվիստներից մեկը կոչ արեց չկրկնել քաղաքական գործիչների սխալները եւ չնահանջել:

23:27 Երևանի փոխոստիկանապետ Վալերի Օսիպյանը չբացառեց, որ հետագայում Ոստիկանության տեսախցիկներով նկարահանած  և տեսանյութերում արձանագրված անձինք կկանչվեն պատասխանատվության: Նա նաև հայտնեց, որ ժամը 23:00-ից հետո ցույցի մասնակիցները խախտել են լռության ժամը՝ բարձրաձայն կոչեր հնչեցրել, վանկարկումներ արել, երգել: Ոստիկանության լրատվական ծառայության տեսախցիկներն արձանագրում են խախտում թույլ տված անձանց:

23:10 Ցուցարարները Բաղրամյան պողոտայի սկզբնամասում շարունակում են երգել ազգային-ազատագրական երգեր:

23:00 Երևանի փոխոստիկանապետ Վալերի Օսիպյանը հայտարարեց, որ 23:00-ից սկսվում էլռության ժամը և փողոցներում երգելն ու աղմկելը արգելվում է:

22:54 Բողոքի ակցիայի մասնակիցները շարունակում են երգել ազատագրական երգեր: Միաժամանակ նրանց են բաժանվում սնունդ եւ ջուր;

22:47 «Ոչ թալանին» նախաձեռնությունը կոչ արեց Երևանի և մարզերի բնակիչներին ինքնակազմակերպվել, «տներից դուրս գալ ու գալ Բաղրամյան պողոտայի սկզբնամաս»՝ միանալով բողոքի ակցիային:

Տեղեկություն ստացվեց, որ փակ է Երեւան-Թբիլիսի միջպետական ավտոճանապարհը;

22:36 Նախաձեռնության ակտիվիստներից Մաքսիմը հայտարարեց, թե Երեւանում իրենց են միացել ներկայացուցիչներ հանրապետության տարբեր քաղաքներից` Գյուրմիից, Սեւանից"

22:18 Երևանի փոխոստիկանապետ Վալերի Օսիպյանը հայտարարեց. «Անթույլատրելի եմ համարում ոստիկանների ուղղությամբ շշեր շպրտելը», ինչին ի պատասխան ցուցարարները հայտարարեցին, որ նման բան իրենց շարքերից չեն արել, դրանք սադրիչներ են եղել և վանկարկեցին. «Ոստիկանը մենք ենք»:

22:07 Ցուցարարները պնդում են, որ  բողոքի ակցիան կդադարեցնեն Էլեկտրաէներգիայի սակագինը բարձրացնելու որոշումը չեղարկելուց հետո:

22:05 Հայ առաքելական եկեղեցու ներկայացուցիչը բանակցում է  նախաձեռնության ակտիվիստ Մաքսիմի հետ:

22:00 Օսիպյանը բանակցում է նստացույցի մասնակիցների հետ, որ ընդունեն Նախագահի առաջարկը եւ 3-5 հոգու լիազորեն հանդիպել Նախագահի հետ:

21:53 Երևանի փոխոստիկանապետ Վալերի Օսիպյանը գետնին նստած ակտիվիստների հետ կանգնած բանակցելուց հետո կքանստեց Բաղրամյան պողոտայում նստացույց անող քաղաքացիների կողքին: Օսիպյանի այս քայլը բավական խանդավառությամբ ընդունվեց ցուցարարների կողմից, բայց տևեց միայն մի քանի րոպե:

21:50 Ցուցարարաները Երևանի փոխոստիկանապետ Վալերի Օսիպյանից պահանջում են միանալ իրենց բողոքի ակցիային՝ «Օսիպյան միացիր» և «ոստիկանը մենք ենք» վանկարկումներով:

21:43 փակվել է Գյումրի-Երեւան ավտոճանապարհը:

21:40 Քաղաքացիական նախաձեռնության անդամներից Վաղինակ Շուշանյանը հայտարարեց, որ նստացույցը կշարունակվի պողոտայի վրա եւ չեն առաջանա դեպի Նախագահի նստավայր: Նրա պնդմամբ` ոստիկանների հետ բախումներ չեն ուզում:

21:22 Բաղրամյան պողոտայում գետնին նստած բողոքի ակցիայի մասնակիցները շարունակում են ազգային ազատագրական երգեր երգել:

21:20 ցուցարարներին են մոտեցել հայ առաքելական եկեղեցու ներկայացուցիչները` Պարգեւ Սրբազանը, ովքեր փորձում են բանակցել եւ կանխել հնարավոր բախումները:

21: 10 Ոստիկանության և ցուցարարների միջև բանակցությունները շարունակվում են:

21:05 ցուցարարներին մոտեցավ Երևանի փոխոստիկանապետ Վալերի Օսիպյանը՝ դարձյալ հայտարարելով, որ նախագահը պատրաստ է ընդունել նախաձեռնության 3-4 հոգանոց խմբին:

Երևանի փոխոստիկանապետ վալերի Օսիպյանը լրագրողներին կոչ արեց հեռանալ ցուցարարների ու ոստիկանների մոտից, քանի որ ոստիկանությունը պատրաստվում է դիմել որոշակի գործողությունների:

Նրա այս հայտարարությոնից հետո պատ կազմած ոստիկանները մի քանի քայ առաջ եկան՝ ռետինե մահակներով հարվածելով վահաններին: Բայց ցուցարարները չշարժվեցին տեղից ու շարունակում են նստած մնալ Բաղրամյան պողոտայում:

Հեղինակ` «Փաստինֆո»