Փաստ ինֆո

ԼՂՀ կենտրոնական ընտրական հանձնաժողովն այսօրվա նիստում գրանցել է մայիսի 3-ի ընտրությունների արդյունքներով Ազգային ժողովի համամասնական ընտրակարգով ընտրված պատգամավորներին: Մեծամասնական ընտրակարգով ընտրված պատգամավորներին ԼՂՀ ԿԸՀ-ն գրանցել էր դեռևս մարտի 10-ին:

ԼՂՀ ԿԸՀ նախագահ Սրբուհի Արզումանյանը համամասնական ընտրակարգով ընտրված 22 և մեծամասնական ընտրակարգով ընտրված 11 պատգամավորներին հանձնել է Ազգային ժողովի պատգամավորի վկայական:

Առաջնորդվելով «Ազգային ժողովի կանոնակարգ» ԼՂՀ օրենքի 34-րդ հոդվածի 1-ին մասի դրույթներով, ԼՂՀ կենտրոնական ընտրական հանձնաժողովի կողմից հայտարարվել է, որ 2015թ. մայիսի 21-ին` ժամը 11.00-ին հրավիրվում է ԼՂՀ 6-րդ գումարման նորընտրիր Ազգային ժողովի առաջին նստաշրջանը:

Ինչպես տեղեկացնում են ԼՂՀ կենտրոնական ընտրական հանձնաժողովից, համամասնական ընտրակարգով պատգամավորների գրանցումն իրականացվել է, հաշվի առնելով ԱԺ համամասնական ընտրակարգով ընտրությունների արդյունքներով պատգամավորներ ընտրվելու մասին որոշումը և անցողիկ շեմը՝ 5 տոկոսը, հաղթահարած կուսակցությունների ընտրական ցուցակներում ընդգրկված թեկնածուների՝  մանդատից հրաժարվելու մասին դիմումները, ինչպես նաև խորհրդարան անցած կուսակցությունների ընտրական  ցուցակների անցողիկ տեղերում ընդգրկված որոշ թեկնածուների մեծամասնական ընտրակարգով ընտրվելու փաստը:

Ըստ այդմ՝ մանդատից հրաժարվել են ԼՂՀ ներկայիս վարչապետ Արայիկ Հարությունյանը («Ազատ հայրենիք» կուսակցություն), Սուրեն Գրիգորյանը (Արցախի Ժողովրդավարական Կուսակցություն), ԼՂՀ փոխվարչապետ Արթուր Աղաբեկյանը («Հայ Հեղափոխական Դաշնակցություն» կուսակցություն) և Վալերի Բալայանը («Հայ Հեղափոխական Դաշնակցություն» կուսակցություն):

Մեծամասնական ընտրակարգով ընտրվել են կուսակցությունների ընտրական  ցուցակներում ընդգրկված  Արթուր Թովմասյանը և Արզիկ Մխիթարյանը («Ազատ հայրենիք» կուսակցություն), Վահրամ Բալայանը («Հայ Հեղափոխական Դաշնակցություն» կուսակցություն)  և Վիտալի Բալասանյանը («Շարժում-88» կուսակցություն):  

Այսպիսով՝ մայիսի 3-ին կայացած ԼՂՀ Ազգային ժողովի հերթական ընտրությունների արդյունքներով համամասնական ընտրակարգով պատգամավորներ են գրանցվել`

«Ազատ հայրենիք» կուսակցության ընտրական ցուցակից՝

            1. Դադայան Ռամելա Նիկոլայի

            2. Հյուսնունց Ռուդիկ Լևոնի

            3. Ավանեսյան Արպատ Սանջանի

            4. Պետրոսյան Գագիկ Ռազմիկի

            5. Իսրայելյան Ռուսլան Էդուարդի

            6. Ջիվանյան Հովիկ Խանլարի

            7. Գրիգորյան Արամ Արամայիսի

            8. Օհանջանյան Արարատ Արամայիսի

            9. Ղահրամանյան Ռոբերտ Էդիկի

            10. Կասպարյան Գրիգորի Իսակի

            11. Ուլուբաբյան Վարդգես Աշոտի

                                   (11 մանդատ)

«Ազգային վերածնունդ» կուսակցության ընտրական ցուցակից՝ 

            1.Խանումյան Հայկ Ռուբենի

                                   (1 մանդատ)

Արցախի Ժողովրդավարական Կուսակցության ընտրական ցուցակից՝

            1. Ղուլյան Աշոտ Վլադիմիրի

            2.Գալստյան Ժաննա Գեորգիի

            3. Բաղրյան Վարդգես Բորիսի

            4. Բարսեղյան Լյուդմիլա Անուշավանի

                                   (4 մանդատ)

«Հայ Հեղափոխական Դաշնակցություն» կուսակցության ընտրական ցուցակից՝

            1.Պետրոսյան Գեորգի Միքայելի

            2.Սարգսյան Արմեն Թեմուրի

            3.Մնացականյան Ռիտա Միքայելի

            4.Գաբրիելյան Ալյոշա Գրիգորիի

                                               (4 մանդատ)

«Շարժում-88» կուսակցության ընտրական ցուցակից՝

            1.Աղաբեկյան Էդուարդ Արտավազդի

            2.Բաղունց Գագիկ Միքայելի

                                               (2 մանդատ)

Ավելի վաղ տեղեկացրել էինք, որ Ազգային ժողովի մեծամաuնական ընտրակարգով ընտրությունների արդյունքներով պատգամավորներ են ընտրվել. 

թիվ 1 ընտրատարածքում` Դավիթ Մելքումյանը, ով առաջադրվել է Արցախի ժողովրդավարական կուսակցության կողմից,

թիվ 2 ընտրատարածքում` Արսեն Առստամյանը (ինքնաառաջադրված անկուսակցական), 

թիվ 3 ընտրատարածքում` Արզիկ Մխիթարյանը («Ազատ Հայրենիք»), 

թիվ 4 ընտրատարածքում` Վահրամ Բալայանը (ՀՅԴ),

թիվ 5 ընտրատարածքում` Վիտալի Բալասանյանը («Շարժում-88»), 

թիվ 6 ընտրատարածքում` Իվան Ավանեսյանը («Ազատ Հայրենիք»), 

թիվ 7 ընտրատարածքում` Սերգեյ Հարությունյանը («Ազատ Հայրենիք»), 

թիվ 8 ընտրատարածքում` Դավիթ Իշխանյանը (ՀՅԴ), 

թիվ 9 ընտրատարածքում` Արթուր Թովմասյանը («Ազատ Հայրենիք»), 

թիվ 10 ընտրատարածքում` Լեռնիկ Հովհաննիսյանը (ՀՅԴ), 

թիվ 11 ընտրատարածքում` Արմո Ծատրյանը (Արցախի ժողովրդավարական կուսակցություն):

Այսպիսով՝ ԼՂՀ ԱԺ համամասնական և մեծամասնական ընտրակարգերով մանդատների թվով առաջատարը «Ազատ հայրենիք» կուսակցությունն է, որի ցուցակը գլխավորում է ԼՂՀ վարչապետ Արայիկ Հարությունյանը: ԱԺ 33 մանդատներից 15-ը բաժին է հասել այս կուսակցությանը:

ՀՅԴ-ն, որի ցուցակը գլխավորում է ԼՂՀ փոխվարչապետ Արթուր Աղաբեկյանը, ԱԺ-ում կունենա 7 պատգամավոր, Արցախի Ժողովրդավարական Կուսակցությունը, որի ցուցակը գլխավորում է ԼՂՀ Ազգային ժողովի նախագահ Աշոտ Ղուլյանը ՝ 6 պատգամավոր, «Շարժում-88»-ը, որի ցուցակը գլխավորում է ԼՂՀ ԱԺ պատգամավոր, անկուսակցական Վիտալի Բալասանյանը՝ 3 պատգամավոր, Հայկ Խանումյանի գլխավորած «Ազգային վերածնունդ»-ը՝ 1 պատգամավոր: