Ավետիսյանների ընտանիքի հայր Սերյոժա Ավետիսյանը փորձել է պայքարել (Լուսանկարներ)

ԲՈԼՈՐ ՆՅՈՒԹԵՐԸ

Բոլորը

01/24/2025 23:58 Էլեկտրաէներգիայի անջատման հասցեները 01/24/2025 23:45 ՄԻՊ-ը պատգամավոր Գառնիկ Դանիելյանին հորդորում է պահպանել պատգամավորական էթիկայի կանոնները 01/24/2025 23:35 Վարդենյաց լեռնանցքը դժվարանցանելի է կցորդիչով բեռնատարների համար․ Իրավիճակը՝ ՀՀ ճանապարհներում 01/24/2025 23:23 Դանիան համաձայն է ԱՄՆ-ի հետ քննարկել Գրենլանդիայի հարցը 01/24/2025 23:08 ԱՄՆ-ում ավելի քան 700 հազար դպրոցականներ հայտնվել են արտաքսման վտանգի առաջ 01/24/2025 22:55 Թուրքիայում եռահարկ բնակելի շենք է փլուզվել 01/24/2025 22:54 ՄԱԿ-ը աջակցում է Պուտինի և Թրամփի միջև բանակցությունների հնարավորությանը 01/24/2025 22:48 Ստամբուլ-Մոսկվա չվերթը հարկադիր վայրէջք է կատարել Աստրախանում 01/24/2025 22:36 Տղամարդկանց մատնանշել են առողջության համար ամենավտանգավոր ալկոհոլը 01/24/2025 22:22 Պաշտոնյաների ուղեղում որքան նիհիլիզմ լինի, որ միգրացիոն ծառայությունը միացնի ՕՎԻՐ-ին․ Քոչարյան 01/24/2025 22:11 Թրամփը Կանադային հարկային մեղմացում է խոստացել, եթե վերջինս մտնի ԱՄՆ-ի կազմի մեջ 01/24/2025 21:59 Պուտինը Տիգրան Քեոսայանին վաստակավոր արտիստի պատվավոր կոչում է շնորհել 01/24/2025 21:49 Քննարկվել են Հայաստանի և Ֆրանսիայի միջև գործընկերությանն առնչվող հարցեր 01/24/2025 21:37 Թուրքիայում կալանավորել են հյուրանոցի տիրոջը, որտեղ հրդեհի հետևանքով 78 մարդ Է զոհվել 01/24/2025 21:21 Հոռոմի խաչմերուկում բախվել են «Toyota Land Cruiser»-ն և «Nissan Rogue»-ը․ վիրավորների մեջ է ԿԸՀ նախկին նախագահ Տիգրան Մուկուչյանի եղբայրը 01/24/2025 21:12 Թրամփը նշել Է Ուկրաինայի հակամարտության լուծման խոչընդոտը 01/24/2025 20:59 Գինեկոլոգը նշել է 40 տարեկանից հետո կանանց առողջության համար նախատեսված 5 վիտամինները 01/24/2025 20:46 Հուսով եմ, որ մի օր կհաշվենք ու կգնահատենք այն հսկայական ռեսուրսները, որն այս իշխանությունը վատնում է մասկիշոուներից մինչև «դատական ատյաններում» իրականացվող ֆարսը. Տիգրան Աբրահամյան 01/24/2025 20:31 ՊԵԿ նախագահը հյուրընկալել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինին 01/24/2025 20:19 Փաշինյանը հանդիպում է ունեցել Շվեյցարիայի հայ համայնքի ներկայացուցիչների հետ 01/24/2025 20:06 Նվեր Ծառուկյանը գործուղման է, կվերադառնա ու կմասնակցի քննությանը. փաստաբան 01/24/2025 19:56 «Հոգեբանական խնդիր ունե՞ք», «Ոչ», «Վստա՞հ եք»․ Լևոն Քոչարյանի գործով Ասատուրովը բարձրացրեց տուժող ոստիկանի նկատմամբ փորձաքննություն նշանակելու հարց 01/24/2025 19:53 Իրավիճակը՝ Լարսում 01/24/2025 19:43 15 տարի առաջ ու հիմա ոչ տրանսպորտն է նույնը, ոչ քաղաքը, ոչ էլ 100 դրամը. Ալեն Սիմոնյանը՝ տրանսպորտի թանկացման մասին 01/24/2025 19:29 Երևանի կենտրոնում բախվել են «iCar» մակնիշի էլեկտրամոբիլը և «Mercedes»-ը, ինչի հետևանքով վերջինը բախվել է էլեկտրասյանը և հայտնվել հետիոտնային անցման վրա 01/24/2025 19:19 Ռուսաստանի ԱԳՆ-ում մեկնաբանել են Մոսկվայի և Թբիլիսիի հարաբերությունները 01/24/2025 19:11 Իսրայելը կհետաձգի Լիբանանից զորքերի դուրսբերումը 01/24/2025 18:54 Իրանը բողոքի նոտա է հղել Ադրբեջանին. այդ երկրի դեսպանը կանչվել է ԱԳՆ 01/24/2025 18:50 Ազատի զինվորական կացարանի հրդեհից առաջ, 1 տարվա ընթացքում, հրդեհի մոտ 30 դեպք է եղել, զինծառայողներին հաջողվել է դուրս գալ, այս դեպքն անհասկանալի է․ վկան դեպքի վայրում սև խոռոչ է տեսել 01/24/2025 18:45 Մոսկվան Կիևին է փոխանցել 757 զինծառայողի մարմին 01/24/2025 18:31 Գևորգ Ալթունյանի և մյուսների վերաբերյալ գործն ուղարկվել է դատարան 01/24/2025 18:08 Խոշոր հրդեհ է բռնկվել Ստամբուլում (տեսանյութ) 01/24/2025 18:05 Թալինի, Արթիկի և Աշոցքի տարածաշրջաններում թույլ ձյուն է տեղում 01/24/2025 17:53 Նար-Դոսի փողոցում «ԲՄՎ»-ով «դրիֆթ» կատարած վարորդը ձերբակալվել է (տեսանյութ) 01/24/2025 17:47 Քաղաքական և հանրային գործիչների կողմից ատելության խոսքի կիրառումը մտահոգիչ է. Մանասյան 01/24/2025 17:35 Հայաստանը 12 երկրների շարքում է, որտեղ պատերազմ է սպասվում առաջիկա երկու տարում. GRPS 01/24/2025 17:21 Նիկոլ Փաշինյանը հանդիպել է շվեյցարահայ գործարար և բարերար Վահե Գաբրաշին 01/24/2025 17:19 Տղամարդը «ՆՈԱ» ֆուտբոլի ակադեմիայի տարածքից վնասվածքներով տեղափոխվել է հիվանդանոց. shamshyan.com 01/24/2025 17:00 Լեւոն Քոչարյանի գործով «տուժած» ոստիկանը դատարանում խոստովանեց՝ ինքը ֆիզիկական ուժ գործադրող է, բանակցություններ վարելու վերապատրաստում չի անցել (տեսանյութ) 01/24/2025 16:43 15 զինվորի մահվան գործով Եղիշե Հակոբյանն ահազանգում է՝ իր իրավունքները չեն պաշտպանվում, նա փակ հանդիպում կունենա տուժողների փաստաբանի հետ․ լարված իրավիճակ՝ դատարանում 01/24/2025 16:27 Թբիլիսիի հասարակական տրանսպորտում ուղեվարձի վճարման ապարատներն «անցել են» ցուցարարների կողմը 01/24/2025 16:23 Բռնություն գործադրած ոստիկանը դարձել է տուժող. շարունակվում է Լեւոն Քոչարյանի գործով նիստը. ուղիղ միացում 01/24/2025 16:21 Մեկնարկում են բուհի ընդունելության 2025 թվականի ձմեռային քննությունները. ԳԹԿ 01/24/2025 16:19 Ինչպես պետք է ներկայացնել եկամուտների հայտարարագիր․ քայլերի հաջորդականությունը 01/24/2025 16:07 Խաղատանը զենքի գործադրմամբ կատարված խուլիգանության մասնակիցների վերաբերյալ գործը դատախազը հանձնել է դատարան 01/24/2025 15:55 Հասկացա, որ ռուսական կողմն ըմբռնումով է մոտեցել ու անգամ հավանություն տվել.Գևորգյանը՝ Հովհաննիսյանին 01/24/2025 15:35 Ստամբուլում ուղևորատար ավտոբուս է շրջվել. կան զոհեր 01/24/2025 15:23 Եթե դա վաշխառուական մոտեցում է, ուրեմն իմացեք, որ դա ամրագրված է ԵՄ-ի հիմնադիր փաստաթղթերում. Եղոյանը՝ Խզմալյանին (տեսանյութ) 01/24/2025 15:22 ՀՀ քաղաքացիները ե՞րբ կկարողանան առանց վիզաների շրջագայել. հարց փոխարտգործնախարարին 01/24/2025 15:15 Կոճոռ թաղամասի բնակիչները շատ դժվարին վիճակում են, փայտե կացարանները հերթով քանդվում են, պատերն անջատվում են. Մելքոնյան

01/24/2025 17:35 Հայաստանը 12 երկրների շարքում է, որտեղ պատերազմ է սպասվում առաջիկա երկու տարում. GRPS 01/23/2025 18:58 Ինչ է հայտարարագրել Նիկոլ Փաշինյանի թալանված աներձագը. հափշտակված ոսկյա զարդերը հայտարարագրված չեն եղել 01/23/2025 16:00 Մեր սիրելի վարչապետը առանց ձեզ էլ մեզ կընդուներ, ես դժգոհ չեմ, եկել եմ աչքդ հանեմ. բողոքի ակցիայի մասնակիցը՝ լրագրողին 01/23/2025 20:58 Ադրբեջանը մոտեցել է Իրանի կարմիր գծերին և որոշակիորեն նաև, Ռուսաստանի կարմիր գծերին. Բադալյան (տեսանյութ) 01/24/2025 16:43 15 զինվորի մահվան գործով Եղիշե Հակոբյանն ահազանգում է՝ իր իրավունքները չեն պաշտպանվում, նա փակ հանդիպում կունենա տուժողների փաստաբանի հետ․ լարված իրավիճակ՝ դատարանում 01/24/2025 20:59 Գինեկոլոգը նշել է 40 տարեկանից հետո կանանց առողջության համար նախատեսված 5 վիտամինները 01/23/2025 12:51 Սեյրան Օհանյանի մեղադրանքը վերաորակվեց, դատախազը հրապարակեց մեղադրանքի որոշումը 01/23/2025 14:44 Փաշինյանը հիմա էլ հրապարակել է կադրեր Դավոսում իր ու կնոջ հյուրանոցային համարից. տեսանյութ 01/23/2025 20:49 Սուրեն Անտոնյանի գործով ՄԻԵԴ վճիռը լուրջ ազդանշան է, հետո նոր ազդանշաններ են գալու․ Ղազարյան 01/23/2025 08:22 Որքան գումար պիտի ծախսի քաղաքացին` հայտարարագիր լրացնելու համար. «Ժողովուրդ» 01/23/2025 10:45 Դատարանը Ռոբերտ Քոչարյանի նկատմամբ նկատողություն հայտարարեց 01/23/2025 20:35 «Խաղաղ գործընթացի որևէ փուլում չի եղել Շուշի քաղաքից հրաժարվելու հարց» . ՔՊ-ն ԱԺ ամբիոնից կեղծ թեզեր է գեներացնում 01/23/2025 08:24 ՔՊ-ում փնտրում են «դավաճանին»․ «Հրապարակ» 01/24/2025 18:50 Ազատի զինվորական կացարանի հրդեհից առաջ, 1 տարվա ընթացքում, հրդեհի մոտ 30 դեպք է եղել, զինծառայողներին հաջողվել է դուրս գալ, այս դեպքն անհասկանալի է․ վկան դեպքի վայրում սև խոռոչ է տեսել 01/23/2025 19:56 ԱՄՆ-ի կողմից օտարերկրյա բոլոր աջակցության ծրագրերի 90 օրով սառեցումը վերաբերում է նաև Հայաստանին․ Ավետիսյան 01/23/2025 18:44 Գառնիում կնոջ շիրմաքար են կոտրել. կասկածյալը որդին է. shamshyan.com 01/23/2025 13:26 Մարդ կա գալիս, ասումա՝ տղայիս եմ նշանում, էսքան պակաս ա, մարդու դրության մեջ մտնում, տալիս ենք, բայց դրանից հարկվում ենք, չէ՞. ոսկու շուկայի աշխատակից 01/23/2025 18:25 Զախարովային հարցրել են Արցախի ռազմաքաղաքական ղեկավարության դեմ Բաքվում սկսված շինծու դատավարության մասին (տեսանյութ) 01/23/2025 15:31 Սուրեն Անտոնյանի կարգապահական պատասխանատվության վերաբերյալ գործը կվերաբացվի․ՄԻԵԴ-ն արձանագրել է՝ Կարեն Անդրեասյանը չէր կարող մասնակցել գործի քննությանը 01/23/2025 19:36 Այնթափի տներից մեկում առաջացած կրակն ու ծուխը տեսանելի են մի քանի 100 մետրից. ժամանել է հրշեջների 2 մարտական հաշվարկ

Ավետիսյանների ընտանիքի հայր Սերյոժա Ավետիսյանը փորձել է պայքարել (Լուսանկարներ) 05/14/2015 14:26 | ՀՐԱՏԱՊ ԹԵՄԱ

Գյումրիում Ավետիսյանների ընտանիքի դաժան սպանության ժամանակ բնակարանում հրազենային կրակոցներն արձակելիս ինքնաձիգի փողը եղել է հորիզոնական, այլ ոչ թե վերևից ներքև: Դա թույլ է տալիս ենթադրելու, որ ենթադրաբար Պերմյակովը շատ ժամանակ չի ունեցել կրակոցներ արձակելիս և դրանք եղել են խառը բնույթի: Այսօրվա ասուլիսում ներկայացնելով Գյումրիի սպանդի գործով վերջին փորձաքննության արդյունքները՝ տուժողների իրավահաջորդների ներկայացուցիչներն ընդգծեցին, որ ասում են՝ ենթադրաբար Պերմյակովը՝ անմեղության կանխավարկածը չխախտելու նկատառումներից ելնելով:

Տուժողների իրավաջահաջորդի ներկայացուցիչ, փաստաբան Միհրան Պողոսյանը ներկայացրեց դատահետքաբանական, սառը զենքի, դատաձգաբանական և դատաքիմիական համալիր փորձաքննության արդյունքները, այն կազմված է 144 թերթից, առկա է 313 նկար:

Նշվեց, որ Ավետիսյանների տունը փոքրիկ է. մեկ ուղղությամբ տեղաբաշխված են հյուրասենյակը, առաջին, ապա՝ երկրորդ ննջասենյակները: Հյուրասենյակում, որտեղ գտնվել Աիդա Ավետիսյանը, առկա են երկու վնասվածքներ, տասը վնասվածք հայտնաբերվել է ավագ ամուսինների՝ Սերյոժայի ու Հասմիկի ննջասենյակում, այդ վնասվածքներից երկուսն անցել են նաև նրանց որդու ու կնոջ՝ Արմենի ու Արաքսյայի ննջասենյակ, ննջասենյակում առկա է տասը վնասվածք:

Կրակոցներն արձակվել են փորձաքննության ներկայացված 5,45 մմ տրամաչափի ԱԿՍ տեսակի, այն է՝ Պերմյակովին ամրակցված ինքնաձիգից:

Տուժող կողմի ներկայացուցիչ փաստաբաններ Միհրան Պողոսյանը, Լուսինե Սահակյանը և Երեմ Սարգսյանը նշեցին, որ այս փորձաքննությամբ դեռևս պարզաբանված չէ տուժողների դիրքը, ուստի՝ կրկին համալիր փորձաքննություն է նշանակվել. դատաձգաբաններն ու դատաբժիշկները կպարզաբանեն այդ հարցերը:

Լուսինե Սահակյանը նշեց, որ ամենահետաքրքրական և որոշ առումով անսպասելի փորձաքննության եզրակացությունը, որ ստացել են՝ դատաբժշկական փորձաքննության եզրակացությունն է, որը համադրելով դատագենետիկական փորձաքննության եզրակացության հետ՝ կարելի է որոշակի հետևությունների հանգել: Առաջին սենյակում՝ հյուրասենյակում, գտնվող Աիդա Ավետիսյանը չի էլ հասցրել տեղաշարժվել, նա երկու հրազենային վնասվածք է ստացել գլխի շրջանում: Այն, որ վերմակը բարձրացված է եղել, կարելի է բացատրել նրանով, որ դեպքի վայրում գտնվել են բժիշկները և փորձել են օգնություն ցույց տալ, սակայն Աիդան մնացել է միևնույն դիրքում:

Տատիկը՝ Հասմիկ Ավետիսյանը, հստակ արթնացած ու տեղաշարժված է եղել, որովհետև նրա ոտքերը դեպի ներքև էին գտնվում, փաստորեն նա արթնացել է ու նույնիսկ կարողացել է կանգնել: Պապիկը՝ Սերյոժա Ավետիսյանը, գտնվել է անկողնու մեջ և պետք է որ տեղաշարժված չլիներ, բայց փորձագետի եզրակացություններով հիմնավորվել է, որ նույնիսկ պապիկը, ըստ էության, պայքարել է, որովհետև դատաբժշկական փորձաքննության համաձայն՝ Սերյոժա Ավետիսյանի վրա բացի հրազենային վնասվածքներից՝ կային նաև քերծվածքներ, այսինքն՝ բութ գործիքով վնասվածքներ՝ ձախ աչքի վերին կոպի, աջ ուսահոդի, ձախ ենթակողի, որովայնի աջ կողմնային պատի շրջանում, այսինքն՝ ակնհայտ երևում է, որ նա փորձել է պայքարել:

Դա հաստատվում է նաև դատագենետիկական փորձաքննությամբ, ըստ որի՝ ինքնաձիգի փողի վրա հայտնաբերվել է Սերյոժա Ավետիսյանի ԴՆԹ-ն, ինչը նշանակում է, որ նա հասցրել է փողից բռնել, նրա ԴՆԹ-ն հայտնաբերվել է նաև խզակոթի վրա, ինչը, ամենայն հավանականությամբ, թույլ է տալիս ենթադրել, որ կրակող անձը խզակոթով հարվածել է նրան:

Հաջորդ ննջասենյակում, որտեղ եղել են Արմեն Ավետիսյանը, նրա կինը ու փոքրիկները, փոքրիկ Սերյոժան եղել է մոր գրկում, իսկ աղջիկ երեխան՝ իր մահճակալում: Արմեն Ավետիսյանը հստակ արթնացած է եղել, որովհետև նրա դիակը հայտնաբերել են գետնին, իսկ Արաքսյան գտնվել է մահճակալի մեջ. փոքրիկ Սերյոժան նրա գրկում է եղել:

Դատաբժշկական եզրակացությամբ հիմնավորվել է, որ նաև Արաքսյա Պողոսյանն է ստացել մարմնական վնասվածք կրտող-ծակող գործիքով: Ինչպես հայտնի է, փոքրիկ Սերյոժան, ում կյանքը բժիշկները փորձում էին փրկել, ստացել էր վնասվածքներ՝ կտրող-ծակող գործիքով:

Դատագենետիկական փորձաքննության եզրակացությամբ արդեն իսկ հիմնավորվել է, որ սվին դանակի վրա հայտնաբերված արյան խառնուրդ (ինչը նշանակում է, որ մեկ անձից չէ այդ արյունը) ամենայն հավանականությամբ համապատասխանել է փոքրիկ Սերյոժայի արյան խմբին, որը կարող էր համապատասխանել Արաքսյայի արյան խմբին: Ամենայն հավանականությամբ, երբ հանցագործը փորձել է վնասվածք պատճառել փոքրիկին, վնասվել է նաև Արաքսյայի ձեռքը՝ դրանք պատճառվել են կենդանության օրոք:

Փոքրիկ Հասմիկ Ավետիսյանը մեկ հրազենային վնասվածք է ստացել, ընդ որում՝ թափանցիկ վնասվածք, «հորիզոնական դիրքից և գնդակի մուտքն է եղել, և դիմացի մասից՝ ելքը, այսինքն՝ և՛ ելքը, և՛ մուտքը եղել է մարմնի առաջամասից»:

Բավականին մեծ թվով հրազենային վնասվածքներ են ստացել ընտանիքի պապիկն ու տատիկը, մասնավորապես՝ Սերյոժա Ավետիսյանի մոտ եղել է շուրջ 12 վնասվածք, եղել են նաև շոշափող վնասվածներ, որոնք չի բացառվում, որ պատճառվել են կնոջն ուղղված գնդակների՝ նաև նրան դիպչելու հետևանքով: Հրազենային 8 վնասվածք է ստացել Արմեն Ավետիսյանը, իսկ նրա կինը՝ Արաքսյան՝ 5-6 վնասվածք: «Հիմնականում այն անձինք, ովքեր որ դեռևս պայքարելու, շարժման ընթացքում են եղել, ավելի շատ գնդակներ են դիպել ու ավելի շատ վնասվածքներ պատճառել»,- եզրակացրեց Երեմ Սարգսյանը:

«Շատ փոքրիկ տուն է, մի քանի քայլ գցելով՝ կարողանում ես տան մի ծայրից մյուս ծայրն անցնել, նույնիսկ եթե փորձել են, այնքան կարճ ժամանակում է եղել, որ ուղղակի չեն էլ հասցրել ինչ-որ գործողություններ ձեռնարկել՝ նրան վնասազերծելուն ուղղված»,- հավելեց Լուսինե Սահակյանը:

Տուժողի իրավահաջորդի ներկայացուցիչ Երեմ Սարգսյանն անդրադարձավ ենթադրյալ հանցագործություն կատարած անձի՝ Վալերի Պերմյակովի թողած հետքերին ու ապացույցներին: Ըստ այդմ, Դատագենետիկական փորձաքննության եզրակացության համաձայն՝ հյուրասենյակում գազի վառարանի վրա հայտնաբերվել է ծխուկ, որը 99,99 տոկոս հավանականությամբ թողնված է Պերմյակովի կողմից:

Սվին դանակի պատյանի, բռնակի, սվին դանակի գոտու վրա ևս հայտնաբերվել է Պերմյակովի ԴՆԹ-ն՝ 99,99 տոկոս հավանականությամբ, զինվորական համազգեստի ձմեռային բաճկոնի օձիքի, համազգեստի ծոցագրպանում հայտնաբերված խոշորացույցի վրա նույնպես հայտնաբերվել է Վ.Պերմյակովի ԴՆԹ-ն:

ԴՆԹ-ներ են տարանջատվել նաև դեպքի վայրում հայտնաբերված ականջակալներից, ինքնաձիգի տարբեր հատվածներից՝ լիցքավորված և չլիցքավորված պահունակներից, ինքնաձիգի մեջ առկա փամփուշտից, դեպքի վայրում թողնված նրա կիսաճտքավոր ձախ կոշիկի ներքին ներբանից, ձեռնոցի դարձերեսից, այսինքն՝ դեպքի վայրում հայտնաբերված հագուստներից, զինվորական առարկաներից:

«Քանի որ վերջին նշածների վրա խառնուրդներ են հայտնաբերվել, փորձագետները զրկված են հարյուր տոկոս հավանականությամբ ասել, թե ումն են ԴՆԹ-ները, սակայն դրանցից անջատված ԴՆԹ-ները համապատասխանում են նաև Վալերի Պերմյակովի ԴՆԹ-ին»,- ասաց Ե.Սարգսյանը՝ ընդգծելով, որ եթե սվին դանակի վրա 99.99 տոկոս հավանականությամբ ունենք Պերմյակովի ԴՆԹ-ն, որևէ այլ ԴՆԹ դրա վրա չի հայտնաբերվել, և կան արյան հետքեր, այս փուլում դա հնարավորություն տալիս է նախնական ենթադրություն անել, որ դանակը վնասվածք պատճառելու պահին եղել է Պերմյակովի ձեռքին:

Ինքնաձիգից կրակվել է 28 փամփուշտ, ևս մեկ փամփուշտ եղել է պահունակի մեջ, մեկն էլ՝ զենքի մեջ և չի կրակվել: Վերջինիս վրա նույնպես հայտնաբերվել է Պերմյակովի ԴՆԹ-ն:

Ի պատասխան լրագրողների հարցերի՝ Լուսինե Սահակյանը նշեց, որ կարելի է ենթադրել, որ ամենայն հավանականությամբ շատ կարճ է տևել այս ամբողջը: Ըստ նրա՝ Ավետիսյանների հարսը՝ Արաքսյան, փորձել է փոքրիկ որդուն իր մարմնով պաշտպանել, կարելի է նաև ենթադրել, որ փոքրիկին իրենով պաշտպանելու համար է, որ մայրը անկողնուց դուրս չի եկել:

Տանը որևէ այլ անձի ներկա գտնվելը բացառո՞ւմ եք հարցին Լ.Սահակյանը պատասխանեց. «Մենք իրավաբաններ ենք, իրավունք չունենք ոչինչ բացառելու», կրակոցների ուղղությունից հնարավոր ենթադրել, որ դա մեկ անձի շարժման ուղղություն է:

Փաստաբանը նշեց, որ դեպքի վայրն այնքան փոքր է, որ մեկ-երկու հոգի այնտեղ կանգնեն, ուղղակի չեն կարող տեղավորվել, առավել ևս՝ կրակոց արձակելիս, կրակողը կարող է վնասել իր հետ եղած անձին: Ուստի՝ կարելի է ենթադրել, ըստ փաստաբանի, որ ամենայն հավանականությամբ մեկ անձ է եղել:

Միհրան Պողոսյանը բացառում է հանկարծակիության գործոնը, դիտավորությունը միանշանակ առկա է եղել: Տուժող կողմը, այս պահին իրեն հասու տվյալների վրա հիմնվելով, նշեց, որ գործով որևէ տվյալ ձեռք չի բերվել, որ հանցագործն ու զոհերը որևէ առնչություն են ունեցել իրար հետ: