Փաստ ինֆո

Կանայք հաճախ են դիմում դիետոլոգներին հետևյալ հարցով. ի՞նչ սննդակարգ կօգնի ազդրերի նիհարելուն: Հարցն արդիական է հատկապես գարնանը:

Ներկայացված  ճաշացանկն այն դիետաներից մեկն է, որն առաջարկում են դիետոլոգները՝ ազդրերի խնդիրը լուծելու համար:

1-ին օր

Նախաճաշ. մեկ բաժակ բնական յոգուրտ, մի կտոր դիետիկ հաց, թարմ լոլիկ, մեկ կանաչ խնձոր:

Ճաշ. 200 գրամից ոչ ավել հավի միս(առանց կաշվի), թարմ բանջարեղենային աղցան՝ կիտրոնի հյութով, մի կտոր սև հաց:

Կեսօրյա ճաշ. մի կտոր հաց`  խաշած լոբիով (երկու-երեք ճաշի գդալ), թարմ, կանաչ հազարի մի քանի տերև:

Ընթրիք. 50 գրամ սպիտալ չոր գինի, մի բաժին խաշած գունավոր կաղամբ, 25 գրամ պանիր, եփած խնձոր` սև հաղարջով և մի գդալ մեղրով:

2-րդ օր

Նախաճաշ. 100 գրամ խաշած անյուղ միս, 25 գրամ խաշած սունկ, մի կտոր դիետիկ հաց, մի թեյի գդալ հաղարջի ջեմ:

Ճաշ. երկու կտոր թեփի հաց, թարմ հազարի չորս տերև, 50 գրամ անյուղ կաթնաշոռ, 50 գրամ կանաչ խաղող:

Կեսօրյա ճաշ. մեկ բաժին բանջարեղենի ապուր, մի կտոր թեփով հաց, մեկ հատ կանաչ խնձոր:

Ընթրիք. 50 գրամ ապերիտիվ, 150 գրամ խաշած կամ խորոված ձուկ (որպես համեմունք կարելի է ավելացնել կանաչի, կարմիր և սև պղպեղ, կիտրոնի հյութ), 100 գրամ խաշած կարտոֆիլ, կաղամբով և կանաչ լոբիով աղցան:

3-րդ օր

Նախաճաշ. մեկ թերխաշ ձու, երկու կտոր դիետիկ հաց:

Ճաշ. 200 գրամ սեխ, երկու ճաշի գդալ խաշած լոբի, բանջարեղենի աղցան՝ կիտրոնահյութով, մի կտոր սև հաց:

Կեսօրյա ճաշ. մեկ բանան, մի բաժակ անյուղ բնական յոգուրտ:

Ընթրիք. խաշած գունավոր կաղամբ, 100 գրամ եփած անյուղ միս, մեկ լոլիկ(թարմ կամ եփած), 100 գրամ սպիտակ չոր գինի:

4-րդ օր

Նախաճաշ. մի կտոր դիետիկ հաց, 150 գրամ անյուղ կաթնաշոռ, մեկ թարմ լոլիկ:

Ճաշ. երկու կտոր թեփով հաց, 50 գրամ անյուղ խոզապուխտ, մեկ խնձոր:

Կեսօրյա ճաշ. 100 գրամ խաշած ձուկ, մեկ բաժին թարմ բանջարեղենային աղցան, մեկ խնձոր:

Ընթրիք. մեկ բաժակ անյուղ յոգուրտ: