Փաստ ինֆո

«Հայկական Ժամանակ»-ն անդրադարձել է փետրվարի 22-ին Երևանի թիվ 195-րդ դպրոցի մոտ մի խումբ պատանիների միջև տեղի ունեցած վիճաբանության և դանակահարության դեպքին, որի արդյունքում երկու պատանիներ տեղափոխվել էին հիվանդանոց:

Ըստ թերթի՝ վիճաբանությանը մասնակից տղաները եղել են երկու հարևան՝ 195 և 168-րդ դպրոցների աշակերտներ: 

168-րդ դպրոցի տնօրեն Սոնա Գալստյանի խոսքով՝ պատանիները հին վեճ ու կոնֆլիկտ են ունեցել միմյանց հետ, իսկ այդ օրը շատ պատահական են հանդիպել: Երբ տղաներից մեկը բարևել է, մյուս խմբի տղաներից մեկը փոխարենը հայհոյել է, իչից էլ սկսվել է վեճը:

Տուժողներից Բենիկ Նավասարդյանի մասին տնօրենը դրական է արտահայտվել: Ի դեպ նա բռնցքամարտի Հայաստանի չեմպիոն է:

Լրատվամիջոցը զրուցել է նաև թիվ 195-րդ դպրոցի տնօրենի՝ Անահիտ Պողոսյանի հետ: Տնօրենի խոսքով՝ իր դպրոցի սան, կասկածյալն այդ օրը պարապմունքից տուն վերադառնալիս է եղել միայնակ: Ճանապարհին 168-րդ դպրոցի 8-րդ դասարանցիները՝ մոտ 16-17 հոգի, կտրել են տղայի ճանապարհը և նրանից հեռախոն ուզել՝ զանգելու համար:

Իսկ երբ նա հետ ուզել իր հեռախոսը, խմբից պատասխանել են, թե նա իրենց լավ չի բարևել: Այդպես էլ սկսվել է վեճը, որը վերաճել է դանակահարության:

Հայտնի չէ, թե կասկածյալ տղայի մոտ որտեղից է դանակ եղել: Տնօրեն Ավետիսյանը համոզված է, որ տղային հասցրել են նման արարքի՝ հայհոյել են, վիրավորել, արժանապատվությունը նսեմացրել, և չի հասկացել, թե ինչպես է հարվածել, անգամ չի նայել, թե ում է հրվածում:

Հոդվածն ամբողջությամբ կարող եք կարդալ «Հայկական Ժամանակ» օրաթերթի` 26.02.2015թ. համարում: