Փաստ ինֆո

Ոստիկանության լրատվական ծառայությունը տեղեկացնում է, որ մի քաղաքացի տեղեկացրել է զինամթերք թողնելու մասին: Մեկ այլ դեպքով զենք-զինամթերք է հայտնաբերվել խուզարկության արդյունքում.

Այսպես.

Դեկտեմբերի 4-ին՝ ժամը 08:50-ին, ոստիկանության Տարոնի բաժնում անհայտ քաղաքացուց ահազանգ է ստացվել, որ Լազյան և Բանյոյի փողոցների խաչմերուկի աղբարկղի մոտ փամփուշտներ է թողել:
Մեկնած օպերատիվ խումբը նշված վայրում՝ աղբարկղի մոտ,  պոլիէթիլենային պարկում հայտնաբերել է 5,45 մմ՝ 18  և   տարբեր տրամաչափի  27 փամփուշտ:
Նշանակվել է դատաձգաբանական փորձաքննություն:
Կատարվում է հետաքննություն:

Դեկտեմբերի 4-ին, ժամը 18.30-ին, Արարատի և Վայոց ձորի մարզերի ընդհանուր իրավասության դատարանի որոշման հիման վրա ոստիկանության Մասիսի բաժնի ծառայողները խուզարկություն են կատարել 1942 թ. ծնված Նորայր Պ.-ի տանը, որտեղ հայտնաբերվել և առգրավվել է 16 մմ տրամաչափի, մեկփողանի ողորկափող որսորդական հրացան և  5,56 մմ տրամաչափի  «ՏՕԶ» մարտական ակոսավոր հրացան:
Հայտնաբերվածն ուղարկվել է ՀՀ ոստիկանության ՓՔՎ:
Նորայր Պ.-ն  բերման է ենթարկվել բաժին:
Կատարվում է քննություն: