Փաստ ինֆո

14:00-ին Ֆուտբոլի ակադեմիայում սկսվել է ՀՖՖ նախագահ Ռուբեն Հայրապետյանի մամուլի ասուլիսը: Այս մասին գրում է Arnsport.am-ը՝ հիշեցնելով, որ օրերս Հայաստանի հավաքականն անցկացրեց տարվա վերջին պաշտոնական հանդիպումը՝ հյուրընկալվելիս 0:1 հաշվով պարտվելով Պորտուգալիային:

Ասուլիսի սկզբում Ռուբեն Հայրապետյանն ասաց հետեւյալը.

- Ասուլիսի հրավերի պատճառն այն է, որ ես հեռախոսով հարցազրույցներ չեմ տալիս: Դրա համար հրավիրել եմ ասուլիս:

- Ինչպիսի՞ն է Ձեր գնահատականը Բեռնար Շալանդի կատարած աշխատանքին:

- Բնականաբար ինձ արդյունքներն են հետաքրքրվում եւ ես շատ դժգոհ: Ինձ չի կարող բավարարել, որ հավաքականը 3 խաղում վաստակել է մեկ միավոր:

- Շարունակելո՞ւ եք վստահել Շալանդին:

- Եթե ես չվստահեի, ապա հիմա կհայտարարեի, թե նա հեռացված: Ինչ վերաբերվում է նրա մարտավարությանը եւ այլին, ապա չի բավարարում:

- Քննարկե՞լ եք այդ ամենն իր հետ:

- Ես ֆեդերացիայի նախագահ եմ եւ նշանակել եմ մարզիչ: Ես չեմ միջամտում մարզչի աշխատանքին: Բայց կարծիքս հայտնում եմ: Օրինակ, Արտակ Դաշյանին խորհուրդ եմ տվել, որ ընդհանրապես չհրավիրի, քանի որ նա չի համապատասխանում հավաքականին: Սերբիայի հետ խաղում մեր անհաջողությունի պատճառը Դաշյանի սխալ փոփոխությունն էր: Եթե ուշադիր եք եղել, մարզիչը բղավում էր, որ Արտակ «փակի»... Ֆրանսիայի հետ խաղում էլ նա անհաջող հանդես եկավ: Ես խաղի ժամանակ չեմ նայում գնդակին, այլ նայում եմ խաղացողների գործողություններին... Նման

- Ինչպե՞ս եք գնահատում մեր շանսերը ընտրական փուլում:

- Մենք շանսեր ունենք: Բայց եթե շարունակենք խաղալ Պորտուգալիայում, ապա շանսեր չենք ունենա: Եթե մենք մտածում ենք միայն նրա մասին, որ մեզ գոլ չխփեն, ապա չենք կարող: Շալանդը փորձառու մարզիչը է եւ կարծում եմ քայլեր կձեռնարկի:

- Մարսելի «Օլիմպիկում» խաղում է հայ պաշտպան, ՊՍԺ-ում էլ կա երիտասարդ կիսապաշտպան: Նրանք կարո՞ղ են խաղալ Հայաստանի հավաքականում:

- Եկեք Դուք ձեր գործով զբաղվեք, մենք՝ մեր: Ֆեդերացիան իր աշխատանքը կատարում է, մարզիչները հետեւում են: Եթե հայի ազգանուն ունի, ապա չի նշանակում թե հայ է: Ովքեր ցանկություն ունեն, ապա դռները բաց են: Ովքեր սկսում են «բազար» անել, ապա չեն կարող հանդես գալ հավաքականում: Մալոյանին 6 անգամ հրավիրել եմ, նույնիսկ «Պորշե» ուզեց, համաձայնվեցի, բայց չեկավ:

- Հավաքականի խաղերի տոմսերը թանակցան, ինչո՞վ էր դա պայմանավորված:

- Իսկ ինչու էժան տոմսերը չվաճառվեցի՞ն: Պատրադիր Գալկինը պետք է գա, որ մեր ազգը գնա... Տոմսերն այդքան թանկ չեն եղել: Ամենաէժան տեղերը դատարկ էին: Ֆեդերացիան էլ պետք է շահույթ ստանա տոմսերի վաճառքից: Մենք երկրպագուներին նաեւ 2000 դրամով են վաճառել, ովքեր որ հայտ են տվել: Մենք սովոր ենք ամեն ինչ բարդել այլ բաների վրա:  

- Խաղից հետո Շալանդը բողոք Պորտուգալիայի ֆեդերացիայի պահվածքից: ՀՖՖ-ն բողոք ներկայացնելու՞ է:

- Իհարկե ոչ: Վատ պարողի պատմությունը գիտե՞ք: Շալանդը թող այլ տեղ փնտրի պատճառները: Մեր վատ ֆուտբոլ խաղալը բարդում ենք Պորտուգալիայի ֆեդերացիայի վրա՞:

- Մինչեւ մարտ հավաքականն ազատ է: Հնարավոր է ընկերական խաղեր լինի:

- Կարող է փետրվարին որեւէ տաք երկրում հավաք անցկացնենք:

- Ինչպե՞ս եք գնահատում 21, 19, 17 տարեկանների ելույթները:

- Վատ, բայց պետք է ասել, որ նրանք ուրիշ խնդիր են լուծում եւ կգա ժամանակը եւ մենք կունենանք արդյունք:

- Ըստ Ձեզ, ո՞րն էր Պորտուգալիայի հետ խաղի անհաջողության պատճառը:

- վատ խաղը: Մենք ունենք պոտենցիալ... Սխալ մարտավարության արդյունքում ենք պարտվել: Դա իմ անձնական կարծիքն է: Սարկիսովը, Մարկոսը նստած էին պահեստայինների նստարանին...

- Մխիթարյանի դեմ պորտուգալացիները կոպիտ էին խաղում...

- Լավ էին անում: Թող մերոնք էլ Ռոնալդուի դեմ այդպես խաղային: Ուրախանանք միայն, որ Մխիթարյանը վնասվածք չստացավ:

- Յուրա Մովսիսյանը մի տեսակ կտրված էր...

- Յուրա Մովսիսյանն ինչ անելի, եթե այդքան մեծ ուժերով պաշտպանվում էինք: Մովսիսյանը «Ռեմբոն» հո չի, 4 պաշտպանի դեմ ինչ աներ:

- Այն ինչ Դուք ասում եք, շատերն են համամիտ, բայց կարծեք այդ ամենը Շալանդը չի հասկանում դա: Ինչո՞վ է պայմանավորված Ձեր վստահությունը նրա նկատմամբ:

- Իսկ Դուք կարծում եք, թե նոր մարզիչն այս 3 ամսում հասկանալու է, թե որն է խնդիրը: Ի տարբերություն մնացածի համար, ես ֆեդերացիայի նախագահն եմ եւ պատասխանատու եմ մարզչի համար: Մեծ հաճույքով կհանեի, բայց չկա կախարդական փայտիկ, որ նրա փոխարեն գա այն մարզիչը, ով կլուծի բոլոր խնդիրները:

- Կա մարզիչ, օրինակ Վարդան Մինասյանը, որին ժամանակ պետք չէ...

- Նա պայմանագիր ունի եւ աշխատում է: Մոռացաք, թե ինչ օրին քցեցիք Վարդան Մինասյանին: Բոլորն ասում էին, թե արտասահմանցի է պետք, բերեցի... Համոզված չեմ, որ Շալանդի փոխարեն ինչ-որ մեկը որ գա, ապա ավելի լավ է լինելու: Ես չեմ ուզեցել, որ Վարդանը գնա: Բայց նա չի ցանկացել մնալ: Վարդանը խորապես վիրավորած է եղել ֆուտբոլիստներից, լրագրողներից, երկրպագուներից...

Պետք չի շտապել, այն իր բացասական հետեւանքներն է ունենում: Շալանդին պետք է շանս տալ: Ազնվորեն, խաղից հետո չեմ զրուցել, քանի որ շատ վրդովված եմ եղել: Այժմ Իտալիայում է, կվերադառնա կզրուցենք: Եթե չընդունեց իմ ասածները, ապա ես իմ որոշումները կկայացնեմ:

Տանք եւս մեկ հնարավորություն Շալանդին, միգուցե կկարողանա ելք գտնել: Հանելը միշտ էլ կա: