Փաստ ինֆո

Հյուսիսային Իռլանդիայում հացաբուլկեղենի ընկերությունը, որը հրաժարվել է համասեռամոլների համար «Sesame Street»-ի Բերտ և Էռնի կերպարների պատկերներով տորթի պատվերից, նախազգուշացում է ստացել: Այն պետք է ներողություն խնդրի և փոխհատուցի, այլապես կկանգնի դատարանի առջև:

Կառավարության իրավահավասարության հանձնաժողովը զգուշացրել է «Ashers Baking Co» ընկերությանը, որ այն մեղավոր է «անօրինական, կրոնական, քաղաքական և սեռական կողմնորոշման խտրականության մեջ»՝ համասեռամոլների թեմայով իր դիրքորոշման պատճառով:

Սակայն քրիստոնեական ընկերությունը հայտնել է, որ պատրաստ է «Դավիթ և Գոլիաթ մարտին»՝ պնդելով՝ դա հենց այն է, ինչ Աստված կկամենար, որ անեինք:

Վիճաբանությունը ծագել է, երբ մայիսին ընկերությունը հրաժարվել է պատրաստել 36.50 ֆունտ ստեռլինգ արժողությամբ նորարարական տորթը, որի վրա պետք է լինեին թևանցուկ կերպարները՝ «աջակցենք համասեռամոլների ամուսնությանը» կարգախոսով՝ հայտնելով, որ այն դեմ է տնօրենների կրոնական համոզմունքներին:

Սակայն կառավարության իրավահավասարության հանձնաժողովը պնդել է, որ ընկերությունը փոխհատուցի հաճախորդին, ով պատվիրել էր տորթը՝ Հոմոֆոբիայի դեմ միջազգային օրվա առթիվ:

Հյուսիսային Իռլանդիան Մեծ Բրիտանիայի միակ շրջանն է, որտեղ միասեռ ամուսնություններն անօրինական են: