Փաստ ինֆո

«Փրկարարար ծառայության մասով մենք պահանջարկ ենք ներկայացրել 546 մլն դրամի, մեզ տրամադրվել է 255»,- այսօր ԱԺ-ում ԱԻՆ 2015թ. բյուջեի ներկայացման ընթացքում հայտարարեց ԱԻ նախարար Արմեն Երիցյանը:

Ի դեպ, այս նախարարության հաջորդ տարվա բյուջեն 2015թ. գլխավոր ֆինանսական փաստաթղթի նախագծով 984 մլն դրամ է, որի շուրջ 80%-ը, նախարարի խոսքով, աշխատավարձի ֆոնդն է:

Ի դեպ, համեմատության համար նշենք, որ, ինչպես ներկայացրեց ֆինանսների փոխնախարար Պավել Սաֆարյանը, Ոստիկանության տարեկան հատկացումը պետբյուջեից 36 մլրդ է, որից 31.4 մլրդ-ը աշխատավարձերն են, Ազգային անվտանգության նախարարության բյուջեն 29 մլրդ է, որից 16 մլրդ-ը՝ աշխատավարձերը:

Ֆինանսների փոխնախարարի խոսքով՝ հաջորդ տարվա բյուջեում նախորդ տարիների համեմատ դինամիկայի փոփոխություն չկա: «Աշխատավարձերի տեսակարար կշռի աճ չի նկատվել»,- ասաց Պավել Սաֆարյանը նշելով, որ աշխատավարձերի ֆոնդերը մնացել են ընդհանուր բյուջեի  80%-ի միջակայքում:

Պատասխանելով պատգամավոր Խոսրով Հարությունյանի հարցին, թե որքանով են միջազգային կառույցներն աջակցում ԱԻՆ-ին, Արմեն Երիցյանը նշեց, որ հարաբերակցությունը 30/70 է:

«Ասյինքն՝ պետության հատկացումը շուրջ 30% է, միջազգային կառույցներինը՝ 70%»,- ասաց ԱԻ նախարարը՝ հավելելով, որ արտաքին աջակցությունը բացառապես տեխնիկական միջոցների տեսքով է: