Փաստ ինֆո

Օդերևութաբանների կանխատեսումների համաձայն՝ հոկտեմբերի 27-ին և 28-ին, պայմանավորված հյուսիս-արևելքից արկտիկական ցուրտ օդային զանգվածների ներթափանցմամբ, մեր տարածաշրջանում սպասվում է եղանակային պայմանների կտրուկ փոփոխություն:
Ամենուրեք սպասվում են տեղումներ, որոնց առավելագույն ինտենսիվությունը կդիտվի հոկտեմբերի 27-ին:  Սպասվում է նաև մառախուղ:

Լեռնային շրջաններում, Լոռիում, Տավուշում, Սյունիքում և Արցախում տեղումները կդիտվեն ձյան տեսքով, մյուս շրջաններում՝ անձրևի:

Նշված օրերին օդի ջերմաստիճանը Լոռիում, Տավուշում, Սյունիքում և Արցախում կնվազի 17-18, մնացած մարզերում՝ 7-9 աստիճանով:
 
 Ըստ ուսումնասիրությունների՝ 29-31-ին հանրապետությունում սպասվում է առանց տեղումների եղանակ:

Հյուսիսարևելյան քամու արագությունը վայրկյանում կհասնի 5-10 մետրի:

Օդի ջերմաստիճանը հոկտեմբերի 28-ի լեռնային շրջաններում գիշերն սպասվում է -2...+2, ցերեկը՝ +1...+6, նախալեռներում գիշերը` +4...+7, ցերեկը՝ +5...+9, Արարատյան դաշտում գիշերը` +3...+6, ցերեկը՝ +9...+12, Սյունիքի հովիտներում և Արցախում գիշերը` 0...+3, ցերեկը՝ +2...+5 աստիճան:

Երևանում հոկտեմբերի 27-ին, 28-ին ժամանակ առ ժամանակ սպասվում է անձրև, իսկ 29-ին և 31-ին սպասվում է առանց տեղումների եղանակ:
Օդի ջերմաստիճանը հոկտեմբերի 24-ի գիշերը սպասվում է +4..+6, ցերեկը` +8...+10, առաջիկա երեկոյան և վաղը երեկոյան՝ +5 ... +7: