Փաստ ինֆո

Արգենտինայի հավաքականի նախկին ֆուտբոլիստ Դիեգո Մարադոնան, ով հայտարարել էր, որ դարձել է խարդախության զոհ, հանցագործության մեջ կասկածում է իր նախկին կնոջը և նրա ընկերոջը:

Ավելի վաղ Մարադոնան հայտարարել էր, որ դարձել է ընդհանուր թվով  20 միլիոն դոլարի խարդախության զոհ:

Արգենտինայի ֆուտբոլի հավաքականի նախկին գլխավոր մարզիչը, ով այժմ գտնվում է Դուբայում, զանգել է իր ընկեր հեռուստալրագրող Խորխե Ռիալուին և հաղորդել, որ պատվիրել է ստուգել իր ենթակաների և շրջապատող մարդկանց ֆինանսական գործունեությունը:

Ստուգումների արդյունքում՝ կասկածի տակ են ընկել արգենտինացու նախկին կինը՝ Կլաուդիա Վիլյաֆանյեն և նրա ընկեր Խորխե Տայանան, որոնց հաշիվների նկատմամբ ստուգումները դեռ շարունակվում են: Հաղորդվում է նաև, որ Մարադոնայի դուստրեր Դալման և Ջիանինան նույնպես ենթարկվել են ստուգումների, սակայն այժմ նրանք կասկածից դուրս են:

Այս տարվա հուլիսին Արգենտինայի ոստիկանությունը ձերբակալել է Մարադոնայի նախկին սիրեցյալ Օլիվ Ռոսիոյին, որին ֆուտբոլիստը մեղադրում էր գողության մեջ:

Մարադոնան հայտարարել էր, որ որոշ ժամանակ՝ Դուբայում իր տանն ապրելու ընթացքում, նա թանկարժեք իրեր է գողացել իր տանից՝ ժամացույցներ, ադամանդե քարերով ոսկյա զարդեր:

Մարադոնայի փաստաբանները կորած իրերի ընդհանուր գումարը գնահատել են ավելի քան 400.000 դոլար:

Դատավարությունից հետո Ռոսիոյին ազատ են արձակել, սակայն Մարադոնան իր բողոքի դիմումը դեռ հետ չի վերցրել Դուբայի դատարանից: