Փաստ ինֆո

Իսպանիայի Կատալոնիա ինքնավար համայնքի ղեկավար Արթուր Մասը երեկ ստորագրել է անկախության հանրաքվե անցկացնելու մասին որոշումը: Այս մասին հայտնում է RTVE իսպանական հեռուստառադիոընկերությունը:

«Մենք ցանկանում ենք  քվեարկել, մենք ցանկանում ենք որոշում կայացնել, և մենք դրա համար այժմ ունենք գործուն գործիք: Կատալոնիան ուզում է իր խոսքն ասել, ցանկանում է լսելի լինել և մտադիր է քվեարկել»,-ստորագրման արարողությունից հետո ասել է նա:    

Հանրաքվեի անցկացումը նախատեսված է այս տարվա նոյեմբերի 9-ին: Կատալոնացիները պետք է երկու հարցի պատասխանեն՝ «Ցանկանո՞ւմ եք արդյոք, որ Կատալոնիան պետություն դառնա» և «Ցանկանո՞ւմ եք, որ այդ պետությունն անկախ լինի»:         

Հանրաքվեի անցկացմանը դեմ են Մադրիդում՝ իսպանական կենտրանական իշխանությունները: Նրանք այս հանրաքվեն անօրինական են համարում և ծրագրոիմ են համապատասխան հայցով դիմել Իսպանիայի Սահմանադրական դատարան:

Կատալոնիան իրեն «ազգ» ՝ հռչակել դեռևս 2006թ-ին, սակայն Իսպանիայի գերագույն դատարանը չեղյալ է համարել այդ որոշումը:

Բարսելոնում հայտարարում են, որ Մեծ  Բրիտանիայի կազմում մնալու մասին որոշում կայացրած Շոտլանդիայի օրինակը հետ չի կանգնեցնում անկախության կողմնակիցներին:

«Շոտլանդիան մյուսներին ցույց տվեց ճիշտ ճանապարհը: Կատալոնական գործընթացը շարունակվում է: Կարելի ասել, որ այն, ինչ մենք տեսանք Շոտլավդիայում, հակամարտությունների լուծման և չհասկացվածության վերացման ճիշտ և միակ ուղին է», -շոտլանդական հանրաքվեի արդյունքների հրապարակումից հետո հայտարարել է Արթուր Մասը: