Փաստ ինֆո

Արդարադատության նախարար Հովհաննես Մանուկյանը, ինչպես և խոստացել էր, այսօր հանրությանն է ներկայացրել կառավարության՝ սեպտեմբերի 25-ի նիստում ընդունված մի շարք որոշումների մանրամասներ, որոնք, այդ օրը, գործադրի գործունեությունը լուսաբանող լրագրողների բոյկոտի հետևանքով, նախարարին չէր հաջողվել անդրադառնալ:

Հիշեցնենք՝ հինգշաբթի օրը, կառավարությունը որոշում էր կայացրել Սյունիքի մարզպետի պաշտոնում Սուրիկ Խաչատրյանին վերանշանակելու մասին: Իսկ կառավարության նիստի ավարտին ասուլիսի ներկայացած նախարարներին, այդ թվում և՝ ԱՆ Հովհաննես Մանուկյանին, լրագրողները միայն մեկ ահրց էին ուղղել` ինչպե՞ս է նախարարը գնահատում Ս.Խաչատրյանի վերանշանակումը:

Կառավարության անդամենրից ոչ ոքայս հարցին չէր պատասխանել` գերադասելով հեռանալ մամուլի սրահից:Իսկ արդարադատության նախարարը խոստացել էր իր ասելիքը հանրությանը հասցնել ավելիուշ:

Եվ ահա, այսօր նախարարության լրատվական ծառայությունը տեղեկատվություն է տարածել, որում ներկայացրել է կառավարության հաստատած մի շարք նախագծերիբովանդակությունն ու նշանակությունը:

Մասնավորապես` կատարելու միջոցով ներդնել հանրային իրավական դրամական պահանջների կատարման դատական ընթացակարգ: Այն դեպքում, երբ ֆիզիկական անձի նկատմամբ առկա է նվազագույն աշխատավարձի 200-ապատիկ և ավել տուգանք նախատեսող անբողոքարկելի վարչական ակտ, կամ գանձման ենթակա դրամական պահանջով հնարավոր է նրան պատկանող միակ բնակարանի բռնագանձում,  այսինքն` հանրային իրավական դրամական պահանջների կատարումը կարող է հանգեցնել անձի համար ծանր հետևանքների, նախագծով նախատեսվում է ավելի հստակեցնել վարչական ընթացակարգը:

Օրինակ` վարչական մարմնի պարտականությունը դրամական պահանջները հարկադիր կատարման ներկայացնելիս կցել ոչ միայն վարչական ակտը, այլև այն հասցեատիրոջ կողմից ստանալը հավաստող ապացույցը: Ընդ որում, եթե հարկադիր կատարողը կատարողական վարույթի ընթացքում պարզում է, որ առկա չէ վարչական ակտը ստանալը հավաստող ապացույց, փաստաթղթերը վերադարձնում է վարչական մարմնին:

Փոփոխություն է կատարվել նաև կատարողական գործողությունների կատարման ծախսերի հատուցման չափի մեջ: Ներկայում «Դատական ակտերի հարկադիր կատարման մասին» օրենքով մինչև 100.000 դրամ պահանջի բավարարմանն ուղղված գույքային բնույթի կատարողական վարույթներով և ոչ գույքային բնույթի կատարողական վարույթներով որպես կատարողական գործողությունների կատարման ծախս բռնագանձվում է 5000 դրամ, սակայն հաճախ բռնագանձվող գումարը 5000 դրամից պակաս կարող է լինել:

Կատարված փոփոխության արդյունքում, այն դեպքում, երբ բռնագանձվող գումարը 5000 դրամից պակաս է, կատարողական գործողությունները համար ծախսը կբռնագանձվի այդ չափով:

Կառավարության մեկ այլ որոշմամբ ընդունվել է հասարակական կազմակերպությունները երկու խմբի՝ միավորում և հիմնադրամ, դասակարգելու մասին որոշում:

Միավորումը, կառավարության համոզմամբ, հնարավորություն կտա միավորել և՛ իրավաբանական և՛ ֆիզիկական անձանց: Իսկ հիմնադրամի ստեղծման համար նվիրաբերված դրամական միջոցները կարող է անմիջականորեն օգտագործվել միայն պետական պարտատոմսեր գնելու միջոցով, հիմնադրամը կանցնի տարեկան պարտադիր աուդիտ, իսկ նվիրաբերված դրամական միջոցների հետ կապված բոլոր գրառումներն ու գործարքները հասանելի կինեն դոնորների և հասարակության բոլոր շահագրգիռ անդամների համար: Բացի այդ` յուրաքանչյուր ֆինանսական տարվա ավարտից հետո հիմնադրամը պետք է հաշվետվություն հրապարակի իր կայքում և www.azdarar.am պաշտոնական հրապարակումների կայքում՝ կցելով նաև աուդիտի եզրակացությունը:

Նախատեսվում է, որ նույն եղանակով իրենց հաշվետվությունները պետք է հրապարակեն նաև հասարակական կազմակերպությունները:

Բացի այդ, կստեղծվի նաև առցանց տվյալների շտեմարան, որը կպարունակի տեղեկություններ տրամադրված դրամաշնորհների, ծրագիրն իրականացրած կազմակերպությունների մասին, կպարունակվեն հղումներ այն կայքին, որտեղ տեղադրված են դրանց տարեկան հաշվետվությունները: