Փաստ ինֆո

«Հրապարակ»-ն անդրադարձել է երեկ ոսկու շուկայում տեղի ունեցած դեպքին:

Շուկայի սեփականատեր Վաղարշ Աբրահամյանը, ինչպես թերթն է ներկայացնում, երեկ մոլեգնել էր, քանի որ շուկայի մի քանի աշխատակիցներ գնացել էին Կառավարության շենքի մոտ:

Շուկայի աշխատողներից մեկը թղթակցի հետ զրույցում ասել է, որ Աբրահամյանը պահանջել է, որ սեղանիկները տանեն, կտոր-կտոր անեն: Աշխատողների խոսքով՝ շուկայի սեփականատեր Վ.Աբրահամյանը 7-8 սեղան ջարդել է:

Մեկ այլ աշխատակից լրատվամիջոցին ասել է, որ իրենց հետ հանդիպել է Աբրահամյանը, զգուշացրել, որ չգնան բողոքի ակցիային, հակառակ դեպքում նրանց վերջը վատ կլինի:

Ինչպես լրատվամիջոցն է նշում, Աբրահամյանը չի փոշմանել, որ կոտրել է սեղանիկները:

«Ջարդել եմ, լավ եմ արել, որովհետև անշնորհք ժողովուրդ են, իրանց բիզնեսի մասին են մտածում, իսկ իմ բիզնեսը փչացնում են»,- ասել է Աբրահամյանը՝ հավելելով, որ աշխարհի ամենալավ օրենքն է ընդունվել, աշխարհում նման օրենք չկա:

Նա միաժամանակ ասել է, որ եթե չենթարկվեն օրենքին, աշխատանքի թող չգան. «Մինչև հիմա աղի պես ապրել են, թող գնան ֆայլաբազարում աշխատեն»,- ասել է սեփականատերը:

Թերթի տեղեկացմամբ՝ «Տաշիր» առևտրի կենտրոնի, «Ֆիրդուսի» նտոնավաճառի, Երրորդ մասի կրպակների աշխատակիցները և այլ առևտուր իրականացնողները երեկ գործադուլ են արել:

Հոդվածն ամբողջությամբ կարող եք կարդալ «Հրապարակ» օրաթերթի` 26.09.2014թ. համարում: