Փաստ ինֆո

«Ժողովուրդ»-ը գրում է, որ այս տարվա փետրվարին ԲՀԿ խմբակցության անդամ Մելիք Մանուկյանի՝ Շիշ Մելոյի եղբոր որդին՝ Մովսես Մանուկյանը, հայտնվել է դատարանի առջև:

Պատգամավորի եղբոր որդին, պարզվում է, հայհոյել ու ծեծել է մի ոստիկանի և վերջինիս կնոջը:

Լրատվամիջոցը հիշեցնում է, որ դեպքը տեղի էր ունեցել Աբովյան քաղաքի «Օրիգինալ» սուպերմարկետի մոտ, իսկ Մովսես Մանուկյանը եղել է ալկոհոլի ազդեցության տակ:

Պարզվում է, որ ծեծի ենթարկվածը Ոստիկանության Երևան քաղաքի ՊՊԾ գնդի 4-րդ հատուկ գումարտակի ավագ ոստիկան Համազասպ Լալայանն է եղել:
Ըստ ոստիկանի ցուցմունքի՝ դեպքի օրն իր վարած ավտոմեքենային վազանց կատարող ավտոմեքենան ձայնային ազդանշան է տվել:

Ոստիկանը կարծել է, թե իրեն ծանոթ է, ինքն էլ նրան է ազդանշան տվել: Վազանց կատարած ավտոմեքենան հավասարվել է Հ.Լալայանի ավտոմեքենային, իջեցրել ապակին և ասել, որ կանգնի՝ հարցնելով, թե ինչու՞ է ազդանշան տալիս:

Արդյունքում՝ Մովսես Մանուկյանի ընկերը՝ Սեյրան Վանեսյանը, մեքենայից իջնելով, առանց որևէ բառ փոխանակելու կամ պարզաբանում պահանջելու, սեռական բնույթի հայհոյանքներ է հնչեցրել և ձեռքին եղած երկաթյա կաստետով հարվածել ոստիկանի գլխին՝ ասելով, որ ինքը սարալանջցի Սեյրանն է:

Քիչ հետո մոտեցել է մեկա այլ մեքենա, որից դուրս են եկել պատգամավորի եղբոր որդին և Գագիկ Գինոսյանը և շարունակել իրենց նախորդի սկսածը:

Ծեծկռտուքին միջամտել է ոստիկանի կինը: Այդ ժամանակ էլ Մովսեսը ձեռքի երկաթյա կաստետով հարվածել է կնոջ ծնոտին և կրծքավանդակին:

Ինչպես թերթն է գրում, Մովսեսն իրեն մեղավոր չի ճանաչել նախաքննության ողջ ընթացքում:

Կոտայքի մարզի ընդհանուր իրավասության դատարանում 6 ամիս տևած դատավարությունն ավարտվել է և սեպտեմբերի 5-ին հրապարակվել է դատավճիռը: Քրեական գործով անցնող երեք անձինք՝ Սեյրան Վանեսյանը, Մովսես Մանուկյանը և Գագիկ Գինոսյանը, դատապարտվել են տուգանքի:

Հոդվածն ամբողջությամբ կարող եք կարդալ «Ժողովուրդ» օրաթերթի` 19.09.2014թ. համարում:


Ա