Փաստ ինֆո

Ըմբշամարտի աշխարհի առաջնությունից հետո Հայաստանի ազատ եւ հունահռոմեական ոճի ընտրանու մարզիչները եւ աշխարհի նորընծա չեմպիոնները հանդիպեցին լրագրողներին: Այս մասին հայտնում է armsport.am-ը:

Ասուլիսին Արայիկ Բաղդադյանից և Լևոն Ջուլֆալակյանից զատ ներկայացել էին նաև մարզչական շտաբի ու ըմբշամարտի ֆեդերացիայի ներկայացուցիչներ:

Լևոն Ջուլֆալակյան.

-59 կգ քաշային կարգը Ռոման Ամոյանի համար նոր կարգ էր: Այստեղ նրան կայանալ էր պետք. բոլորս էլ գիտենք, որ քաշային նախորդ կարգում նա իրեն շատ լավ էր դրսևորում: Ամեն դեպքում, նրանից սպասելիքներ կային, սակայն չմոռանանք նաև, որ ծնկի վնասվածք ուներ:

65 կգ քաշային կարգում Միրհրան Հարությունյանն էր մեր մասնակիցը. նա արեց այն, ինչը որ կարող էր:

Ինձ ուրախացրեց Վարշամ Բորանյանը, ով ցավոք չկարողացավ արդյունքի հասնել: Վերջին գոտեմարտում նա 99 տոկոսով հաղթելու էր, սակայն արդեն 2-րդ րոպեին վնասվածք ստացավ: Նա մարտական կամք դրսևորեց, ավարտեց մենամարտը:

Ինչ վերաբերում է Արսենին, ապա նշեմ, որ ուղղակի իդեալական մարզավիճակում է: Բոլոր գոտեմարտերը բարձր մակարդակով անցկացրեց և արժանացավ իր ոսկուն:

85 կգ քաշային կարգում սպասելիքներ կային նաև Արթուր Շահինյանից, սակայն իմ դիտարկմամբ այդ կարգում սայթաքում եղավ:

98 կգ քաշային Արթուր Ալեքսանյանն ամբողջ աշխարհին ապացուցեց, որ ուեղագույնն է այդ քաշում: Մեծ կամային հատկանիշներ ցուցաբերեց Արթուրը, ռևանշ վերցրեց իրանցի մարզիկից և եզրափակչում շատ հստակ հաղթանակ տոնեց:

130 կգ քաշային Վաչիկ Եղիազարյանից դժգոհ եմ. հետագան եթե նման կերպ դասավորվի, ապա մենք մասնակից չենք ունենա քաշային այս կարգում: Մեր թիմի մասնակցությունից ընդհանուր առմամբ գոհ եմ. շնորհավորում եմ բոլորին:,- սկսեց Լևոն Ջուլֆալակյանը:

Արայիկ Բաղդադյան.

-Ընդհանուր մասնակցությունից ես դժգոհ եմ. մեր ամենամեծ հույսը Դավիթ Սաֆարյանն էր, ումից սպասում էին չեմպիոնության կրկնում: Նրանք խանգարեց նաև նախորդ տարվա չեմպիոնությունը, բացի այդ էլ վնասվածք ուներ, որից երկար ժամանակ ապաքինվում էր:

61 կգ քաշային կարգում Ֆրանգուլյանն էր մասնակցում, ով հենց առաջին գոտեմարտից լքեց պայքարը. նա մենամարտեց իր ուժերի ամբողջ չափով:

Մյուս տղաների մասով կասեմ այն, որ բոլորն էլ ուժերի առավելագույն չափով են մասնակցել: Ես ամբողջ պատասխանատվությունն ինձ վրա եմ վերցնում... բոլորն էլ ընկճված են, բոլորն էլ միտված են սխալներից հետևություններ անելուն: Մենք լավագույնս կպատրաստվենք հաջորդ առաջնությանը, որը օլիմպիական վարկանշային է:

Ես հետևություններ եմ անում մեր անհաջող մրցելույթներից, պետք է առաջ շարժվել և լավ պատրաստվել:

Մրցավարության մասին. Լևոն Ջուլֆալակյան. «Ըմբշամարտի նոր կանոնները բավականին լավն են և մտածված են լավ պատրաստված ըմբիշների համար: Վստահաբար կասեմ, որ նոր կանոնները մեծապես առաջ և ավելի լավն են նախորդից: Այսկերպ մրցավարական սխալները նվազագույնի են հասնում»:

Արայիկ Բաղդադյան. Ինչ խոսք, նախորդ տարիների համեմատ այժմ ամեն ինչ ավելի բարվոք վիճակում է: Մրցավարական սխալները հասցված են նվազագույնին:

Աշխարհի չեմպիոններին հարց ուղղվեց ուսումնառության վերաբերյալ.

Ա. Ջուլֆալակյան. Ինչպես գիտեք, սովորում եմ ԵՊՀ միջազգային հարաբերությունների ֆակուլտետում՝ ասպիրանտուրայի բաժնում: Պատրաստվում եմ ավարտել համալսարանը, ապա նոր միայն կմտածեմ հետագայի մասին: Անչափ ուրախ եմ, որ ինձ հրավիրեցին հայ-սլավոնական համալսարան և ինձ շնորհեցին ինստիտուտի վարկածով տարվա մարդ կոչումը:

Ա. Ալեքսանյան. Սովորել եւ ավարտել եմ Գյումրու մանկավարժական համալսարանում, այժմ մագիստրատուրայում եմ սովորում. ասեմ, որ մարզումների և առաջնությունի ընթացքում հեռացել եմ ուսումից (ժպտում է):

Ֆավորիտի դիրքը որքանո՞վ է խանգարում մրցումներից առաջ.

Ա. Ալեքսանյան. Ինչ խոսք, ֆավորիտից, գործող չեմպիոնից սպասելիքներն ավելի մեծ են լինում. դա ճնշում է մարզիկին և պրոֆեսիոնալիզմ է անհրաժեշտ լավագույնս տրամադրվելու համար:

Ա.Ջուլֆալակյան. Ֆավորիտներին և առհասարակ մարզիկներին հանգստություն է անհրաժեշտ: Պետք է հոգեբանորեն պատրաստվել և միայն երազելով չգնալ գոտեմարտի: Աշխարհի այս առաջնությանը շատ հանգիստ էի մոտեցել, չափազանց հանգիստ. գուցե հենց դրա շնորհիվ էլ չեմպիոն դարձա:

Արթուր, բավականին հանգիստ և վստահ կերպով անցկացրիր եզրափակիչ գոտեմարտը. ինչի՞ շնորհիվ:

Մարզիչները միշտ ասում են, որ աշխարհի առաջնություններում յուրաքանչյուր գոտեմարտ կարևորագույն է: Այդ փուլում ինձ միմիայն հաղթանակ էր պետք և ես գիտեի, որ հաղթելու եմ:

Արայիկ Բաղդադյանը Եվրոպայի և աշխարհի առաջնությունների տարբերությունների վերաբերյալ.

Չեմ կարող ասել, որ նախորդ ստուգատեսի համեմատ մարզիկները պակաս են պատրաստվել. չկա նման բան: Բոլորն են առավելագույնս պատրաստվել են, աշխատել են... սպորտ է, և է հնարավոր չէ միշտ հաղթել: Սա թիմի պարտությունն էր, բոլորը պետք է համախմբվեն, տրամադրվեն և նայեն առաջ:

Ըմբշամարտի ֆեդերացիայի փոխնախագահներ.

Հրանտ Ենոքյան. Ֆեդերացիայի նախագահի գլխավորությամբ բոլոր աշխատանքներն ընթանում են պատշաճ մակարդակով: Մեզ մոտ աշխատավարձերի, պարգևատրումների հարցը լավագույնս կարգավորված է: Ֆեդերացիան միշտ առաջ է նայում և չի բավարարվելու այս չեմպիոնություններով: Մենք հենց այսօրվանից պատրաստվելու ենք հաջորդ առաջնությանը. ոչ մի ջանք չի խնայվելու և ուսումնամարզական պլանները, ծրագրերը բարձր մակարդակով կազմակերպվելու են:

Սամվել Գևորգյան. Չեն կարող լինել լավ մրցելույթներ առանց լավ ֆեդերացիայի: Այստեղ աշխատանքները շատ լավ են կազմակերպվում, մենք անընդհատ մարզիչների հետ քննարկումների գործընթացում ենք, որպեզսի ամեն ինչ հստակ լինի:

-Ես ցանկանում եմ շնորհավորել ամբողջ հայ ժողովրդին: Հիշեցի մի դեպք. տարեց մի մարդ ասաց, որ նստեմ իր ուսերին և շրջի ինձ հրապարակով ու վերջում էլ հավելեց, որ նույնը փոխանցեմ Արթուրին (ժպտում է): Շատ մարդիկ են շնորհավորում, ժպտում, բարևում... մեր չեմպիոնությունները բոլորինն են,- եզրափակեց Արսեն Ջուլֆալակյանը: