Փաստ ինֆո

Գյումրիում սեպտեմբերի 10-ին ինքնասպանություն գործած տաղամարդու գործով «Փաստինֆո»-ին նոր հանգամանքներ են հայտնի դարձել:

Պարզվում է ոչ միայն հարևանի, այլև սեփական երեխաներին նկատմամբ սեռական գործողություններ կատարած տղամարդու մասին ոստիկանություն հաղորդում է ներկայացրել ոչ միայն հարևանուհին, ինչպես նախկինում հայտնել էինք, այլև` աները:

Հիշեցնենք` 51-ամյա տղամարդը նույն օրը` 10:30-ի սահմաններում, կախվել էր կիսակառույց շինության 2-րդ հարկում: Ավելի ուշ պարզվել էր, որ նրա նկատմամբ Գյումրիի ոստիկանությունում քերական գործ կա հարուցված` հարևանուհու` օգոստոսի 26-ին ներկայացրած հաղորդման հիման վրա:

Հարևանուհին իրավապահներին պատմել էր, որ տղամարդն իր 6-ամյա որդու նկատմամբ սեռական գործողություններ է կատարել: Ոստիկանությունում արդեն իսկ քրեական գործ էր հարուցված` ՀՀ քրեական օրենսգրքի 142 հոդվածի հատկանիշներով (տասնվեց տարին չլրացած անձի նկատմամբ անառակաբարո գործողություններ կատարելը), երբ նույն անձի վերաբերյալ նոր ահազանգ է ստացվել:

Սեպտեմբերի 10-ին` ինքնասպանության օրը, նույն տղանարդու աները ոստիկանության Գյումրի քաղաքի Կումայրիի բաժնում հաղորդում էր տվել այն մասին, որ իր դստեր ամուսինը անառակաբարո գործողություններ Է կատարել սեփական երեխաների` 9-ամյա որդու և 11-ամյա դստեր նկատմամբ:

Դրանից առաջ, օգոստոսի 24-ին, հարևանի տնից վերադառնալով, 6-ամյա երեխան ավագ քրոջը, ապա` նաև մորը պատմել էր, որ հարևանն իրեն ստիպել է իր հետ անառակաբարո գործողություններ կատարել: Մայրն էլ հաջորդ օրն ևեթ դիմել էր ոստիկաններին:

Հարուցված քրեական գործի նախաքննության ընթացքում տղամարդը հերքել էր իր նկատմամբ հարևանուհու բոլոր մեղադրանքները` ասելով, որ ինքը ոչ միայն երեխային մատով չի դիպել, այլև նույնիսկ պաղպաղակ է գնել նրա համար, իսկ երեխան իրենց տուն է եկել` իր երեխաների հետ խաղալու:

Ինչ վերաբերում է սեփական երեխաների նկատմամբ կատարված նույն գործողություններին, ապա դեպքը տեղի է ունեցել սեպտեմբերի 9-ին: Նույն օրը երեխաները տանից հեռացել են, քանի որ վախեցել են, թե հայրն իրենց կծեծի, և ապաստան են գտել պապի տանը:

Պապն էլ, իմանալով երեխաների հետ կատարվածի մասին, հաջորդ օրն իսկ հաղորդում է ներկայացրել ոստիկանություն:

Իմանալով, որ աները դիմել է ոստիկանություն և հայտնել՝ սեփական երեխաների նկատմամբ իր կատարած անառակությունների մասին, տղամարդը նույն օրն ինքնասպան է եղել:

Նշենք, որ ինքնասպան եղած 51-ամյա տղամարդը  բազմազավակ ընտանիքի հայր էր: Բացի վերոհիշյալ` 11- ամյա դստեր, 9- ամյա որդուց, ուներ նաև 1 տարեկան և նորածին 2 որդիներ: