Փաստ ինֆո

Արաբկիր բժշկական կենտրոնում 2,5 տարեկան Լիա Միսակյանի մահվան գործով այսօրվա դատական նիստին չէին ներկայացել երկու փորձագետներ: Նրանք դատարանին գրավոր տեղեկացրել էին, որ մեկը վիրահատության է, իսկ մյուսը մասնակցելու  է հետազոտությունների:

Մեղադրողը չառարկեց նիստը փորձագետների բացակայությամբ անցկանելուն`գտնելով, որ այլևս հարկավոր չէ այդ երկու փորձագետներին հարցաքննել և կարող են հրապարկել նրանց նախաքննական ցուցմունքները:

Տուժողի իրավահաջորդ Գեորգի Միսակյանը ևս փորձագետներին դատարան հրավիրելու կաիրք չտեսավ. «Համ նալին են խփում, համ մեխին»,- ասաց Միսակյանը:

Պաշտպանական կողմը դեմ արտահայտվեց փորձագետներին դատարան չհրավիրելուն և նրանց նախաքննական ցուցմուքները հրապարակելուն: Զարինե Այվազյանի պաշտպան Երեմ Սարգսյանը կարեւորեց հատկապես հյուսվածքաբանի հարցաքննությունը:

Ըստ նրա,  դատարանում փորձագետների հարցաքննությունը պարտադիր է, իսկ դատախազի միջնորդությունը՝ անհիմն:

Ամբաստանյալ Լիլիթ Վարդանյանի պաշտպան Գիվի Հովհաննիսյանը ևս համակարծիք էր եւ կարեւորեց փորձագետների հարցաքննությունը` նշելով, որ գոյութուն ունեն 2 փորձաքննությունների՝ հակասող եզրակացություններ:

Դատարանը գտավ, որ ներկայացված միջնորդության քննարկումը պեքտ է հետաձգել մինչև որոշ հանգամանքների պարզաբանումը, մասնավորապես՝ միջոցների ձեռնարկումը՝ փորձագետներին դատարան հրավիրելու, իսկ անհնարինության դեպքում անդրադառնալ միջնորդության քննարկմանը:

Նշենք նաև, որ այսօրվա դատական նիստին դատարան չէր ներկայացել նաեւ տուժողի իրավահաջորդի ներկայացուցիչ Սաքունցը:

Տուժողի իրավահաջորդ Գեորգի Միսակյանի կողմից տրված լիազորագիրով դատարան էր ներկայացել Հելսինկյան ասոցիացիայից մեկ այլ ներկայացուցիչ, մասնագիտության իրավաբան Տաթևիկ Սիրադեղյանը: Վերջինս Արթուր Սաքունցի բացակայության դեպքում դատարանում հանդես կգա՝ որպես տուժողի իրավահաջորդ:

Դատական հաջորդ նիստը տեղի կունենա սեպտեմբերի 25-ին: