Փաստ ինֆո

Սեպտեմբերի 9-ին «Հրազդան» մարզադաշտում կայանալիք Եվրոպայի 2015 թվականի երիտասարդական առաջնության ընտրական փուլի Հայաստան-Բելառուս հանդիպումից առաջ մամլո ասուլիս է տվել Հայաստանի երիտասարդական հավաքականի գլխավոր մարզիչ Աբրահամ Խաշմանյանը: Այս մասին հայտնում է armsport.am-ը:

-Վերջին խաղն է ընտրական մրցաշարում: Ինչպե՞ս կբնութագրեք ընդհանուր ցիկլը:

-Երևի բոլորտ էլ տեղյակ եք` սկզբնական շրջանում, երբ ես գլխաորեցի երիտասարդականը, մենք խմբից դուրս գալու ոչ մի շանս չունեինք: Մեզ մնում էր միայն պահպանողական աշխատանքներ կատարել և փորձել թիմ կաառուցել: Կառուցողական աշխատանքները մեզ մոտ ինչ-որ տեղ ստացվել են: Բայց արդյունքը բացասական է: Անձամբ իմ համար ֆուտբոլում ամենակարևոը հաղթանակն է:

Ինչ վերաբերվում է վաղվա հանդիպմանը, ապա նշեմ, որ 21 տարեկանների հավաքականը պատրաստ է խաղին: Ամեն ինչ կանենք՝ վաղը հաթանակ կորզելու համար:

-Արդեն հայտնի՞ է, թե ազգային հավաքականի որ ֆուտբոլիստները կմիանան երիտասարդականին:

-Այո, գիշերը ես հեռախոսազրույց ունեցա Դանիայում գտնվող մեր թիմի հետ: Երիատարդականին միանալու են դարպասապահ Արսեն Բեգլարյանը, Տարոն Ոսկանյանը և Արթուր Միրանյանը: Երեկ Տարոնը 20 րոպե խաղաց, ինչը ես շատ լավ եմ համարում խաղային պրակտիկայի առումով: Միրանյանը մեզ շատ անհրաժեշտ է, որովհետև մենք հարձակվողի խնդիր ունեինք:  Նշեցի նաև, որ մենք կառուցողական աշխատանք ենք կատարում և մեզ համար կարևոր է, որ մեր տրամադրության տակ եղած մյուս ֆուտբոլիստների խաղին նույնպես հետևենք:

Մեզ համար խաղային տոնուս պահպանելը շատ կարևոր է, այդ պատճառով այսօր նախատեսված առավոտվա մարզումը տեղափոխել ենք երեկոյան, որ այն խաղին ավելի մոտ լինի:

-Վադան Պողոսյանն Իսլանդիայի հետ մրցավեճում չխաղաց փաստաթղթային խնդիրների պատճառով: Վաղը նա կարո՞ղ է մասնակցել Բելառուսցիների դեմ մրցավեճին:

- Վարդանը այստեղ է: Ինչպես գիտեք մենք  երկու հարձակվող էինք հրավիրել: Բալոյանը վնասվածք ուներ, իսկ Վարդանը փաստաղթերի խնդիր ուներ: Վերջին օրը նրա փաստաղթային խնդիրը լուծվել էր և մենք կարող էիքն նրան շտապ կարգով բերել Իսլանդիա, սակայն նման պարագայում 15 ժամյա ուղևորությունից հետո նա անկարող կլիներ նորմալ խաղ անցկացնել:

-Դուք նշել էիք, որ կարող ենք այլ խաղացողներ հրավիրվել երիտասարդական հավաքական: Օրինակ, նշել էիք Վահագն Այվազյանի անունը...

- Մենք ազգային հավաքականից արդեն համալրում ունենք: Կիսապաշտպանությունը բավականին խաղացողների հագեցվածություն կա: Բացի այդ, շատ խաղացողներ ունենք, ովքեր 93-94 թթ ծնված են և նրանց ասպարեզ դուրս բերելու դեպքում կարող ենք նրանց դրսևորելու հնարավորություն տալ:

-Պարոն Խաշմանյան, կխնդրենք որպես մասնագետ վերլուծել երեկ կայացած Դանիայի հետ խաղը: Մասնավորապես, Մխիթարյանի փոփոխությունը ժողովորդի դժգոհությունն էր առաջացրել:

-Ես չեմ կարող վերլուծել ազգային հավաքականի խաղը, որովհետև դա պարոն Շալանդի գործն է: Բայց կարող եմ կարծիք հայտնել որպես հասարակ ֆուտբոլասեր: Առաջին խաղակեսում մեր թիմը շատ կազմակերպված խաղաց, երկրորդ մի փոքր քիչ, բայց նույնպես բարձր մակարդակով:  Գիտեմ, որ Հենրիխն ու Ռոբերտը վնասվածքներ ստացան: Ես միշտ ասել եմ՝ Մխիթարյանը մեծ ֆուտբոլիստ է: Մեր հավաքականի համար ամեն ինչ առջևում:

-Հենրիխի մասով վնասվածքի հարցը պարզ է, բայց կխնդրեինք մեկնաբանեիք մյուս փոփոխությունները:

-Կրկնեմ, վերլուծելը Շալանդի գործն  է: Ես կարող եմ միայն ասել, որ կողքից շատ հեշտ է դատողություններ անել: Բայց ճիշտ կարծիք հայտնելու համար պետք է գործընթացի մեջ լինել:

-Բազմիցս նշվում է, որ երիտասարդական հավաքականի խնդիրն ազգայինի համար լավ ֆուտբոլիստներ պատրաստելն է: Այժմ կա՞ն այնպիսի ֆուտբոլիստներ, ովքեր կարող են ուժեղացնել ազգային հավաքականը:

Եթե մենք մեկ քայլ ետ գնանք կտենենք, թե ովքեր են այժմ երիտսարադականից ազգայինում խաղում. Բեգլարյան, Տարոն Ոսկանյան, Վազրադատ Հորոյան,  Կամո Հովհաննիսյան:  Բայց կարղ եմ ասել, որ այս ցիկլում ունենք խաղացողներ, ովքեր պոտենցիալով գերազանցում են նշածս խաղացողներին: Մասնավորապես, Աղվան Պապիկյանը մեծ պոտենցիալ ունի: Կա նաև Արտյոմ Սիմոնյանը, ով նույնպես լավ որակներ ունի: Կարծում եմ՝ այս երկու ֆուտբոլիստները  մեծ պոտենցիալ ունեն և առաջիկայում կարող են օգուտ տալ ազգային ընտրանուն:

- Երբ դուք Իրանի հետ ընկերական խաղերում թիմն ասպարեզ դուրս բերեցիք 5 պաշտպանով, ասացիք, որ եթե Շալանդը ցանկանա, մենք հետագայում ևս 5 պաշտպանով կխաղանք: Տեսանք, որ այժմ ազգային հավաքականն էլ է անցել այդ սխեմային: Կարե՞լի է ենթադրել, որ այսուհետ երիտասարդականն էլ է այդ տակտիկայով գործելու:

-Ես միշտ ասել եմ, որ տակտիկան ընտրում եմ իմ տրամադրության տակ եղած խաղացողներից ելնելով: Օրինակ, Իսլանդիայի հետ խաղացինք 4 պաշտպանով և լուրջ խնդիրներ ունեինք:  Վաղը նույնպես 4 պաշտպանով ենք խաղադաշտ դուրս գալու: 5 պաշտպանի խաղի համար մեզ անհրաժեշտ է Հարոյանը, ով կարողանում է երեք կենտրոնականների խաղը միավորել: Չունենք Կամո Հովհաննիսյան, ով 90 րոպե կարող է ամբողջ աջ եզրում մեծ ծավալի աշխատանք կատարել: 90 տոկսով մենք վաղը կխաղանք 4-2-3-1 սխեմայով:

-Իսլանդիայի հետ խաղից առաջ գիտենք, որ թիմը կորուստներով է մոտենում, բայց նույնիսկ նման պարագայում 0:4 հաշիվն անակնկալ էր: Ինչպե՞ս կմեկնաբանեք այդ խաղը:  

- Ինձ համար էլ էր հաշիվն անակնկալ: Եթե նայեք հետխաղյա վիճակագրական տվյալներ, կտեսնեք, որ մենք գրեթե բոլոր գործոններով գերազանցել ենք մրցակցին: Կարող եմ ասել, որ խաղով չենք զիջել նրանց: Բայց կարևորը հաշիվն է, և մենք այտեղ զիջեցինք: Ճիշտ եք նշում վատ է, որ 1 խաղացողի կորուստը  ազդում է խաղի վրա, բայց մենք 6 կորուստ ունեինք: Կարելի է ասել խաղում էինք միայն կիսապաշտպաններով: