Փաստ ինֆո

Հայաստանի եւ Վրաստանի վարչապետներն ամփոփել են երկկողմ բարձր մակարդակի բանակցությունների արդյունքները։

Հայաստանի Հանրապետության վարչապետ Հովիկ Աբրահամյանի հրավերով այսօր պաշտոնական այցով Հայաստան է ժամանել Վրաստանի վարչապետ Իրակլի Ղարիբաշվիլիի գլխավորած պատվիրակությունը:

Ինչպես տեղեկացնում է Կառավարության տեղեկատվության և հասարակայնության հետ կապերի վարչությունը, երկու երկրների վարչապետների առանձնազրույցից հետո կայացել են պաշտոնական պատվիրակությունների մասնակցությամբ ընդլայնված կազմով բանակցությունները: Այնուհետեւ վարչապետներ Հովիկ Աբրահամյանը եւ Իրակլի Ղարիբաշվիլին ՀՀ կառավարության մամուլի կենտրոնում հանդիպել են զանգվածային լրատվամիջոցների ներկայացուցիչների հետ եւ հանդես եկել բանակցությունների արդյունքներն ամփոփող հայտարարությամբ:

«Վերահաստատելով երկու երկրների միջեւ առկա ամուր բարեկամական կապերը եւ առկա հարաբերություններն էլ ավելի զարգացնելու պատրաստակամությունը՝ քննարկեցինք երկուստեք հետաքրքրություն ներկայացնող հարցերի լայն շրջանակ, որը ներառում է առեւտրատնտեսական հարաբերություններին, ենթակառուցվածքների զարգացմանը, կրթական, հումանիտար եւ մշակութային կապերի խորացմանն առնչվող խնդիրներ»,- ասել է ՀՀ վարչապետ Հովիկ Աբրահամյանը: Վերջինիս ներկայացմամբ՝ հատուկ ընդգծվել է  հայ-վրացական միջկառավարական հանձնաժողովի գործունեության կարեւորությունը եւ կանոնավոր հանդիպումների անհրաժեշտությունը, որը երկու երկրների առեւտրատնտեսական հարաբերությունների փոխշահավետ զարգացման լավագույն միջոցն է:

Շահագրգիռ քննարկումներ են տեղի ունեցել նաեւ ենթակառուցվածքների զարգացման եւ տրանսպորտային կապի բարելավման հետ կապված հարցերի շուրջ: Վարչապետը տեղեկացրել է, ո մանրամասն քննարկվել է  սահմանային անցակետերի արդիականացման խնդիրը, մասնավորապես, Բագրատաշեն-Սադախլո անցակետում նոր կամրջի շինարարության Քննարկեցինք անցած գիշեր Վերին Լարս անցակետում տեղի ունեցած սողանքի ու դրա հետեւանքները վերացնելու խնդիրը, իմ գործընկերոջն առաջարկեցի Հայաստանի համապատասխան ծառայությունների Երկուստեք կարեւորվեց նաեւ պատմամշակութային հարուստ ժառանգության պահպանման եւ վերականգնման խնդիրը:

«Կարող եմ նշել, որ բանակցություններն ընթացան բարեկամ երկրներին բնորոշ ջերմ եւ կառուցողական մթնոլորտում»,- հայտարարել է Հ.Աբրահամյանը:

Վրաստանի վարչապետ Իրակլի Ղարիբաշվիլին իր կողմից շնորհակալություն է հայտնել ջերմ հյուրընկալության համար՝ արձանագրելով. «Ինձ համար անչափ ուրախալի է, որ ինձ հնարավորություն տրվեց այցելել մեր
բարեկամ երկիր՝ Հայաստանի Հանրապետություն, որի հետ մեզ կապում են բազմադարյա բարիդրացիական հարաբերությունները եւ համագործակցությունը»:

Վրաստանի վարչապետը հայտարարել է, որ  համաձայնություն է ձեռք բերվել  էլ ավելի պետք է խորացնել Վրաստանի եւ Հայաստանի միջեւ գոյություն ունեցած սերտ համագործակցությունը, եւ տվյալ այցը հենց այս նպատակին է ծառայում: «Մենք ընթացիկ տարվա 6 ամսվա կտրվածքով 42 տոկոսով ավելացրել ենք առեւտրաշրջանառությունը: Այս ամենը խոսում է այն մասին, որ մեր երկու երկրների միջեւ գոյություն ունեցած տնտեսական հարաբերությունները զարգանում են, եւ մենք, իհարկե, դա կշարունակենք: Շատ կարեւոր է, որ մեր երկրների միջեւ հանդիպումներն ընթանան ու զարգանան ոչ միայն բարձր մակարդակով, այլեւ գերատեսչությունների մակարդակով»,- նշել է Իրակլի Ղարիբաշվիլին:

Ըստ նրա, բանակցությունների ընթացքում խոսել են նաեւ  տարածաշրջանում կայունության ամրապնդման հարցերի շուրջ: Նշելով, որ ունենք զբոսաշրջության աճ, դրական միտում կա այդ բնագավառում՝  Վրաստանի վարչապետը հայտնել է, որ  համաձայնություն է ձեռք բերվել ավելի խորացնելու այս հարաբերությունները:

«Ցանկանում եմ նաեւ նշել, որ մենք համաձայնության ենք եկել, որ Հայաստանը եւ Վրաստանը համատեղ կկառուցեն կամուրջ: Այսօր իմացանք, որ կա հետաքրքիր նախաձեռնություն կամուրջը կոչել Բարեկամության կամուրջ, եւ մենք հաճույքով համաձայնեցինք այդ առաջարկին»,- նշել  է Ղարիբաշվիլին եւ ավելացրել, որ Հայաստանի վարչապետը հիշատակել է  երեկ գիշեր Վրաստանում տեղի ունեցած սողանքը, որն արդեն երկրորդ անգամ է արձանագրվել, ինչի կապակցությամբ պատրաստակամություն է  հայտնել, որ   երկու-երեք օրում վերականգնեն գազի մատակարարումը, եւ գազատարը կվերականգնվի: