Փաստ ինֆո

Սոցիալական ապահովության պետական ծառայության նախկին պետ Վազգեն Խաչիկյանն այսօր հրաժարվել է դատարանում ցուցմունքներ տալ՝ չառարկելով նախաքննական ցուցմունքների հրապարակմանը։

Ցուցմունքի հրապարակումն սկսեց մեղադրանքը պաշտպանող դատախազը, բայց քիչ անց դժգոհեց, որ Խաչիկյանի ձեռքով գրված յուրաքանչյուր երկրոդ բառը չի հասկացվում: Ուստիեւ՝ նախաքննական ցուցմունքի մի հատվածի հարապարակումն ստանձնեց նիստը նախագահող դատավոր Արշակ Վարդանյանը:

Իսկ մինչ այդ ցուցմունք տվեց ամբաստանյալ Վիգեն Գևորգյանը:
Ամբաստանյալն առաջադրված մեղադրանքում իրեն մեղավոր չճանաչեց և հայտարարեց, որ չի իմացել, թե տեղի է ունենում մասսայական հափշտակություն, և եթե ինքը գիտակցեր, որ մասսայական հափշտակություն է կատարվում, ապա կենսաթոշակներն ստացող անձանց անձնագրային տվյալները չէր գրանցի իր մոտ:

Ամբաստանյալի դատաքննական և նախաքննական ցումունքներում առկա էական հակասությունների պատճառով հրապարակվեց ամբաստանալի նախաքննական ցուցմունքը, որտեղ ամբաստանյալը նշում էր, որ ինքը գործել է Աշոտ Աբրահամյանի ցուցումով, ով էլ հավաստիացրել է, որ Վազգեն Խաչիկյանը տեղյակ է:

Ամբաստանյալի նախաքննական ցուցմունքից պարզ դարձավ, որ կենսթոշակ ստացած անձինք իրենց նախաձեռնությամբ որպես «շնորհակալություն» գումարներ են տվել իրեն, որոնք հավաքելով՝ ամբաստանյալը յուրաքանչյուր ամսվա վերջ տվել է Ա.Աբրահամյանին:

Ըստ ամբաստանյալի ցումունքի՝ եթե ինքն այդ հանձնարարությունը չկատարեր, ապա կարծում է, որ իրեն աշխատանքից կազատեին:

Ամբաստանյալը չբացառեց, որ իր կողմից դեպոնացված վճարները հանձնած անձինք ուղարկված լինեն Հ.Գրիգորյանի, Ա.Աբրահամյանի և Վազգեն Խաչիկյանի կողմից:

Ամբաստանյալ հրաժարվեց նախաքննական ցուցմունքներից և խնդրեց հիմք ընդունել դատաքննական ցուցմունքները: