Փաստ ինֆո

«Ժամանակ»-ի ուշադրության կենտրոնում է ինքնասպանության հասցնելու վերաբերյալ մի գործ, որ որով բերված վերաքննիչ բողոքի քննությունն ավարտվել է:

Գործը քննվել է Տավուշի մարզի առաջին ատյանի դատարանում: Գործով մեղադրյալ Սեդա Քոչարյանը կալանքի տակ է եղել 2013թ. հոկտեմբերի 28-ից:

Ըստ մեղադրանքի՝ Ս.Քոչարյանը շուրջ 5 տարի իր գործընկերուհի Աննա Ա.-ին դրդել համոզել է տարբեր անձանցից գումարներ վերցնել և տալ իրեն: Հետագայում հրաժարվել է այդ գումարները վերադարձնել Աննային, սպառնացել է վնասել նրան, նրա ընտանիքին: Այս ամենից հետո Աննան Դիլիջանի գերեզմանատանն ինքնասպան էր եել՝ կախվելու միջոցով:

Առաջին ատյանի դատարանը Սեդա Քոչարյանին մեղավոր չի ճանաչել՝ գտնելով, որ նրա գործողություններում փաստացի բացակայում է ՀՀ քրեական օրենսգրքի 110-րդ հոդվածի 2-րդ մասով նախատեսված հանցագործության դեպքը: Նա ճանաչվել է անմեղ ու արդարացվել:

Դատավճռի դեմ բողոք է բերել մեադրող դատախազը, ում կարծիքով՝ դատարանի հետևությունները չեն համապատասխանում նախաքննությամբ ձեռք բերված և դատաքննության ընթացքում հետազոտված ապացույցներին:

Ըստ մեղադրողի՝ դատարանը թույլ է տվել քրեադատավարական օրենքի էական խախտումներ: Մեղադրողը գտնում է, որ Ս.Քոչարյանի կողմից տուժողին հասցեագրված սպառնալիքները վերջինիս կողմից ընկալվել են որպես իրականություն:

Միաժամանակ մեղադրողը մեջբերում է տուժողի մի գրություն, որտեղ մասնավորապես ասվում է. «Ես դառնում եմ Սեդայի զոհը, ինձ խաբելով, վախեցնելով՝ գումարը վերցրի տվեցի, հետո հենց ասում եմ գումարը տուր՝ ասում է կտամ՝ , հետո վախեցնելով, թե քեզ դատախազություն, միլիցիա կտամ...»:

Վերաքննիչ դատարանում Սեդա Քոչարյանը չի կարողացել բացատրել, թե ինչու է ինքը տուժողի միջոցով պարտքեր վերցրել, ինչու է նրան գցել ծանր վիճակի մեջ:

Տուժող Աննայի դուստրը դատարանում ասել է, որ ինքը պահանջ չի ներկայացրել, քանի որ Սեդա Քոչարյանը խոսատցել է վերադարձնել գումարները: Սակայն հետագայում պարզ է դարձել, որ ամբաստանյալը շարունակում է դրսևորել իր մոր նկատմամբ  ցուցաբերած վարքագիծը՝ հիմա էլ իր նկատմամբ:

Վերաքննիչ դատարանը որոշել է մերժել մեղադրողի բողոքը, սակայն նաև որոշել է գործը վերադարձնել նույն դատարան՝ այլ կազմով նոր քննության:  

Հոդվածն ամբողջությամբ կարող եք կարդալ «Ժամանակ» օրաթերթի` 09.08.2014թ. համարում: