Փաստ ինֆո

Սերոբն ամուսնանալիս ապագա կնոջը ներկայացել էր որպե բժիշկ, հետո որոշել, որ այդ կեղծիքը ոչ միայն հարգանք, այլև գումար կարող է բերել իրեն:

Նախ` կնոջ բարեկամներին ստել էր, թե  ՀՀ ՊՆ--ի միջոցով Ռուսաստանի Դաշնության Սանկտ Պետերբուրգ քաղաքի ռազմաբժշկական հաստատություն ուսանելու մեկնելու, գրքեր, հագուստներ, կոշիկներ և այլ պարագաներ գնելու համար իրեն գումար է հարկավոր, և, իհարկե, խոստացել էր գումարը մոտ ապագայում վերադարձնել:

Հետո կնոջ բարկամների երեխաների մոտ հորինված, սուտ հիվանդություններ է ախտորոշել, իսկ հետո գումար պահանջել` նրանց բուժելու դեղահաբեր տալու համար:

Բացի այդ նա նաև կնոջ հարազատներին խաբելով, թե պատրաստվում է բժշկական թանկարժեք սարքավորում գնելու համար վարկ վերցնել, նրանց անունով 800 000 դրամի վարկ է ստացել ու գումարը չի վերադարձրել:

Կնոջ մեկ այլ բարեկամի էլ, ներկայանալով որպես «Էրեբունի» հիանդանոցի բժիշկ, խոստացել է լուծել նրա դստեր տեսողական խնդիրները, և նրանից ևս, բժշկական սարքավորումներ գնելու պատրվակով, 370 000 դրամ գումար վերցրել`դարձյալ` անվերադարձ:

Ընդհանուր առմամբ կեղծ բժիշկը կնոջ բարեկամներից 1.263.000 ՀՀ գումար է ստացել:

Իսկ երբ խաբեությունը բացահայտվել է, կեղծ բժիշկը հայտնվել է դատարանում` խարդախության մեղադրանքով: Այստեղ, սակայն, տուժողներից մեկը հրաժարվել է նախկինում ներկայացված պահանջից, քանի որ ամբաստանյալն արդեն հատուցել է նրան պատճառած 370 000 դրամի վնասը: Եվ դատարանը որոշել է Սերոբ Դաղունցի նկատմամբ այս դրվագով քրեական հետապնդումը դադարեցնել:

Իսկ մնացած շուրջ 900 000 դրամի խարդախության համար կեղծ բժշկի գործով դատաքննությունը դեռ շարունակվում է: