ՄԻՊ-ը վիճարկում է վարչական ակտերի դատարանի շրջանցմամբ ԴԱՀԿԾ կատարման գնալու սահմանադրականությունը

ԲՈԼՈՐ ՆՅՈՒԹԵՐԸ

Բոլորը

01/03/2025 14:21 ԼՂ-ից տեղահանված անձանց և ՀՀ սոցիալապես անապահով ընտանիքներին կտրամադրվի նպատակային դրամական աջակցություն․ այն կփոխանցվի e-քարտերի միջոցով 01/03/2025 21:25 Իրանի վրա հարձակվելու որոշումն ընդունված է, հարձակումը մոտ է․ Արթուր Խաչիկյան 01/03/2025 13:31 Քաղաքացին անցել է Կիևյան կամրջի արգելապատնեշը. մինչ իրավապահների ժամանելը նա իրեն ցած է նետել. shamshyan.com 01/04/2025 13:41 «Երեխայիս գնդի հրամանատարը շարքից հանել է, հայհոյել, հարվածել, որին ի պատասխան՝ երեխաս էլ նրան է հարվածել». ահազանգ զինվորի հորից. shamshyan.com 01/04/2025 20:09 Ինֆորմացիա բացեմ՝ դեռ 90-ականներից հանցավոր պլան է մշակվել, որ Հայաստանում չպետք է լինի 1 միլիոնից ավել հայ. դրա հետևում միայն թուրքերը չեն. էքստրասենս 01/04/2025 21:55 Երկուշաբթի լույս չի լինի նշված հասցեներում 01/04/2025 13:45 Ջերմաստիճանը նախ կբարձրանա՝ 6-8 աստիճանով, ապա՝ կնվազի 7-10 աստիճանով. սպասվում է ձյուն 01/03/2025 15:07 Մոսկվա-Երևան չվերթի օդանավում մահացած տղամարդը երկքաղաքացի էր. մարմնի վրա բռնության հետքեր չեն հայտնաբերվել 01/03/2025 10:28 Թուրքիայում բերման է ենթարկվել Ամանորի գիշերը քրիստոնեկան եկեղեցիների ընկերակցության վրա հարձակում գործած երեք կասկածյալ 01/04/2025 13:06 Ճապոնիայում մահացել է մոլորակի ամենատարեց մարդը. Kyodo 01/04/2025 14:52 Ձերբակավել է ազգային հերոս Տիրան Խաչատրյանը 01/04/2025 21:43 «Էն սուրճ եփողներին զգուշացնում եմ՝ վեր ընկեք տեղներդ». Սարգսյանը՝ Մալյանին 01/04/2025 17:50 Հայ-ռուսական բարեկամության անունից փորձում է հանդես գալ մի մարդ, ով ժամանակին վարձատրվում էր Սորոսից և ով ծրար էր փոխանցում Արսեն Խառատյանի տուն. Մալյան 01/04/2025 21:00 Երևանում փեսան գողացել է զոքանչի ոսկեղենն ու այդ գումարով խաղադրույք կատարել. shamshyan.com 01/03/2025 17:03 Գործարարին սպանած «Ձմեռ պապը» հայտնաբերվել է և կալանավորվել 01/03/2025 10:41 Հրաշամանուկ Միքայելը մինչ Ամանորը այցելել է Եռաբլուր ու ներողություն խնդրել մեր հերոսներից. (տեսանյութ) 01/03/2025 23:31 Նշվել են գրիպի գերիշխող տարբերակի ախտանիշները 01/03/2025 22:11 Եթովպիայում ուժեղ երկրաշարժ է տեղի ունեցել 01/03/2025 12:46 Կալիֆոռնիայում ինքնաթիռն ընկել է շենքի վրա. կան զոհեր ու վիրավորներ 01/03/2025 21:48 Երևանի երթուղիներում արդեն գործում են 171 նոր ավտոբուսներ

ՄԻՊ-ը վիճարկում է վարչական ակտերի դատարանի շրջանցմամբ ԴԱՀԿԾ կատարման գնալու սահմանադրականությունը 07/16/2014 15:56 | ՀՐԱՏԱՊ ԹԵՄԱ

Սահմանադրական դատարանը հունիսի 15-ի աշխատակարգային որոշմամբ քննության է ընդունել Մարդու իրավունքների պաշտպանի հերթական դիմումի հիման վրա գործը:

Այս անգամ Կարեն Անդրեասյանը վիճարկում է ՀՀ վարչական դատավարության, Վարչական իրավախախտումների վերաբերյալ ՀՀ օրենսգրքերում և մի շարք հարակից օրենքներում այս տարվա հունվարից ուժի մեջ մտած փոփոխությունները, որոնցով վարչական ակտերն անմիջապես, շրջանցելով դատարանը, կարող են գնալ կատարման՝ Դատական ակտերի հարկադիր կատարման ծառայություն:

Դրանից հետո այդ ակտերը դառնում են անբողոքարկելի: Փաստորեն, նախկինում գործող դատական կարգով բռնագանձման միջանկյալ օղակը դուրս է թողնվել գործընթացից:

«Պաշտպանի կարծիքով՝ սա հակասում է անձի արդար դատաքննության իրավունքին, որովհետև Սահմանադրությունն ամրագրում է, որ յուրաքանչյուր ոք իր իրավունքների պաշտպանության համար կարող է դիմել դատարան և յուրաքանչյուր ոք, իր գործի քննության շրջանակներում, իրավունք ունի դիմելու անկախ և անկողմնակալ դատարանին:

Ստացվում է, որ անձի սեփականություն հանդիսացող դրամական միջոցները, որոնք գտնվում են բանկային տարբեր հաշիվների վրա, առանց դատական որոշման արգելանքի տակ են դրվում և հետագայում բռնագանձվում:

Նման գործողությունը Մարդու իրավունքների եվրոպական կոնվենցիայի, Հայաստանի Սահմանադրական դատարանի որոշումների իմաստով հանգեցնում է սեփականությունից անձի զրկման, իսկ Սահմանադրությամբ հստակ ամրագրվում է, որ անձին սեփականությունից կարելի է զրկել՝ միայն դատական նախատեսված կարգով և դեպքերում:

Արդյունքում՝ արգելանք դնելը և հետագայում գումար բռնագանձելն այս դեպքում շրջանցում են դատական մարմինները և կատարվում են արտադատական ճանապարհով, ինչը, մեր կարծիքով, հակասում է Սահմանադրության 8-րդ, 18-րդ, 19-րդ, 31-րդ հոդվածներին»,-«Փաստինֆո»-ի թղթակցին հայտնեց ՄԻՊ տեղակալ Տաթևիկ Խաչատրյանը:

Ըստ Տ.Խաչատրյանի` նոր կարգավորմամբ, փաստորեն, վարչական մարմինները, իսկ դա տվյալ դեպքում ոչ միայն Ճանապարհային ոստիկանությունն է՝ իր տուգանքների ակտերով, այլև քաղաքապետարանն է, որը «կարմիր գծերում» սխալ կայանելու համար ակտեր է ուղարկում, և մի շարք վարչական այլ մարմիններ ուղարկում են դրամական պահանջների` իրենց որոշումներն անմիջապես ԴԱՀԿ ծառայություն, որպեսզի նրանք հարկադիր կատարեն:

ՍԴ ներկայացված դիմումի շրջանակներում ՄԻՊ-ը բարձրացրել է նաև ծանուցման հետ կապված մի շարք խնդիրներ: Մասնավորապես, ՄԻՊ-ի կողմից վիճարկվող Վարչական իրավախախտումների վերաբերյալ ՀՀ օրենսգրքի 283-րդ հոդվածի 6-րդ մասում սահմանված է, որ ՀՀ ոստիկանության անունից քննվող՝ օրենսգրքով նախատեսված վարչական իրավախախտումների վերաբերյալ գործերով ընդունված որոշումները համարվում են հանձնված (ստացված) նաև, եթե անձը, որին ուղարկվել է որոշումը, չի եղել տրանսպորտային միջոցի գրանցման (հաշվառման) կամ վարորդական վկայական ստանալու կամ վարչական իրավախախտման վերաբերյալ արձանագրություն կազմելու ժամանակ իր կողմից նշված հաշվառման (գտնվելու) կամ բնակության վայրում կամ ճիշտ չի նշել հասցեն կամ հրաժարվել է ստանալ ուղարկված (հանձնվող) որոշումը:

«Վիճարկում ենք, թե ինչքանով է սա համապատասխանում վարչարարության սկզբունքներին, Սահմանադրությանը, որովհետև վարչական մարմինը, երբ ակտն ինչ-ինչ պատճառներով հանձնված չի, համարում է, որ պատշաճ ծանուցում եղել է և ուժի մեջ է մտնում ակտը, որից հետո արդեն սկսում է տուգանքի օրերի հաշվարկը»,-ընդգծեց ՄԻՊ տեղակալ Տաթևիկ Խաչատրյանը:

Նշենք, որ ՍԴ-ի կողմից քննության ընդունված գործով ՄԻՊ-ը վիճարկում է «Վարչարարության հիմունքների և վարչական վարույթի մասին» օրենքի 88-րդ հոդվածի, «Դատական ակտերի հարկադիր կատարման մասին» օրենքի 2-րդ հոդվածի 1-ին մասի 7-րդ կետի և 44-րդ հոդվածի 2-րդ մասի 4-րդ կետի, Վարչական իրավախախտումների վերաբերյալ ՀՀ օրենսգրքի 298-րդ հոդվածի 3-րդ մասի, 305-րդ հոդվածի 4-րդ մասի և 283-րդ հոդվածի 6-րդ մասի, ՀՀ վարչական դատավարության օրենսգրքի 3-րդ հոդվածի 2-րդ մասի և 223-րդ հոդվածի 3-րդ մասի սահմանադրականությունը:

Գործի դատաքննությունը տեղի կունենա նոյեմբերի 25-ին: