Փաստ ինֆո

Այսօր՝ հունիսի 15–ին Բրազիլիայում ընթացող աշխարհի առաջնությունում կկայանան երեք հանդիպումներ։

E խմբում միմյանց հետ կմրցեն Շվեյցարիան ու Էկվադորը և Ֆրանսիան ու Հոնդուրասը, իսկ F խմբում կկայանա Արգենտինա – Բոսնիա և Հերցեգովինա հանդիպումը։

Շվեյցարիա–Էկվադոր. Սկիզբը՝ 20։00

Armsport-ի փոխանցմամբ` բուքմեյքերների կարծիքը՝ 2,4 – 3,1 – 3,3

Օտմար Հիցֆելդի գլխավորած ընտրանին Շվեյցարիայի վերջին տարիների ամենաուժեղ թիմն է։ Գերմանացուն հաջողվել է հավաքել մի թիմ, որը Աշխարհի առաջնությունում կարող է իր առջև խնդիր դնել ոչ միայն դուրս գալ խմբից, այլ նաև փլեյ–օֆֆ փուլում չլինել ակնհայտ ետնապահ։ Սակայն առաջնային խնդիրը լուծելու, այն է՝ խմբից դուրս գալու համար շվեցարացիներին հարկավոր է հաղթել Էկվադորի հավաքականին։ Հարավամերիկացիներն, իրենց հերթին, համարվում են F խմբում երկրորդ տեղի համար պայքարող երկրորդ հիմնական թեկնածուն։ Ռեյնալդո Ռուեդայի թիմն աչքի է ընկնում ամուր պաշտպանությամբ և հավասարակշռված կիսապաշտպանական ու հարձակման գծով։

Ֆրանսիա–Հոնդուրաս. Սկիզբը՝ 23։00


Բուքմեյքերների կարծիքը՝ 1,3 – 5 – 11

2010 թվականի Մունդիալում լուրջ խնդիրների հանդիպած Ֆրանսիայի հավաքականն այժմ սերնդափոխության շրջան է ապրում։ Ֆրանսիացիների մինչև 20 տարեկանների հավաքականը դարձավ աշխարհի չեմպիոն, որտեղից մի քանի ֆուտբոլիստներ տեղափոխվեցին ազգային ընտրանի։ Դիդյե Դեշամն այժմ մեծ տեղ է տալիս երիտասարդներին, ովքեր իրենց լավագույն կողմերով են դրսևորել Մունդիալին նախորդող ընկերական խաղերում։

F խմբում ֆրանսիացիներն ակնհայտ ֆավորիտ են և առաջատարի՝ իրենց հավակնությունները պետք է սկսեն ցուցադրել հենց հոնդուրասցիների հետ խաղում։ Ինչ վերաբերվում է Հոնդուրասին, որին շատ մասնագետներ մրցաշարի ամենաթույլ թիմերից մեկն են համարում, ապա, նրանք ամենայն հավանականությամբ, շեշտը կդնեն Շվեյցարիայի և Էկվադորի հետ խաղերում իրենց հաջողությունը փնտրելու վրա։

Արգենտինա–Բոսնիա և Հերցեգովինա. Սկիզբը՝ 02։00

Բուքմեյքերների կարծիքը՝ 1,35 – 4,9 – 9,2

Այսօր մրցաշարում կմեկնարկի չեմպիոնության գլխավոր ֆավորիտներից մեկը։ Բոլոր մասնագետները հատուկ նշում են արգենտինացիների ֆանտաստիկ հարձակման ներուժի մասին, սակայն նրանցից շատերը թերահավատորեն են մոտենում Ալբիսելեստեի պաշտպանությանը։ Այնուամենայնիվ, ինչպես ցույց տվեցին Մունդիալին նախորդած ընկերական խաղերը, Ալեխանդրո Սաբելյան մտադիր է նույնիսկ կարգով իրեն զիջող թիմերի դեմ խաղերում առաջնային խնդիրը դնել սեփական դարպասն ամուր պահպանելու վրա, իսկ հետո սպասել հարձակման գծում հանդես եկող վառ անհատականությունների արդյունավետ խաղին։ Սպասվում է, որ բոսնիացիների հետ մրցավեճին չեն մանսակցի Գոնսալո Իգուաինն ու Ռոդրիգո Պալասիոն, ովքեր դեռ վերջնականապես չեն ապաքինվել վնասվածքներց։

Ինչ վերաբերվում է բալկանյան թիմին, ապա այն փայլուն ընտրական փուլ անցկացնելուց հետո, պատրաստ է զարգացնել հաջողությունը և դուրս գալ Աշխարհի առաջնության փլեյ–օֆֆ փուլ։ Սաֆետ Սուշիչի թիմը նույնպես հիանալի կատարողներ ունի, հանձինս՝ Միրալեմ Պյանիչի և Էդին Ջեկոյի, իսկ նրանց դարպասը պաշտպանում է Պրեմիեր լիգայի լավագույն դարպասապահներից մեկը՝ Ասմիր Բեգովիչը։

Ի տարբերութուն արգենտինացիների, Բոսնիան միայն մեկ կորուստ ունի։ Վնասվածք ունի թիմի առանցքային կիսապաշտպան Սաիդ Սալիհովիչը։